Dövlat və hüquq nəzəriyyəsi
Müasir dövlətlərdə nəzarət orqanlarının bəziləri dövlət
hakimiyyətinin üç qolundan birinə, bəziləri isə hakimiyyətin hər
hansısa bir qoluna məxsus olmadan fəaliyyət göstərir. Həmin
orqanlara konstitusiya nəzarətini həyata keçirən orqanlarla bərabər,
nəzarət palataları və ya nəzarət idarələri, ədliyyə kansleri, baş
attorneylər, prokurorluq orqanları və s. aiddir. Müasir dövlətlərin
qanunvericiliyinə əsasən, nəzarət səlahiyyətlərinə malik olan
orqanlar öz səlahiyyətlərinin icrasında heç bir orqana tabe deyillər.
Onların fəaliyyətinin spesifikliyi də ondadır ki, bu orqanlardan hər biri
ümumdövlət nəzarəti funksiyasının müəyyən bir hissəsini həyata
keçirir. Dövlət tərəfindən həyata keçirilən həmin nəzarət
konstitusiyaya, normativ aktlara riayət olunması, idarəetmə
orqanlarının qanunçuluğa riayət etməsi, dövlətin maliyyə
imkanlarından düzgün və təyinatı üzrə istifadə olunması, insan və
vətəndaş hüquq və azadlıqlarının təmin edilməsi ilə bağlıdır.
Nəzarət orqanlarının müstəqilliyi, hakimiyyətin heç bir qoluna aid
olmaması konstitusiyada və digər normativ hüquqi aktlarda təsbit
olunur. Misal üçün, Namibiyanın 1990-ci il tarixli Əsas Qanununda
belə deyilir: «Ombudsman özfəaliyyətində müstəqildir və yalnız
Konstitusiyaya və qanunlara tabedir». AFR-ın Federal Konstitusiya
Məhkəməsi haqqında 1951-ci il tarixli qanununda isə həmin
Məhkəmə digər konstitusion orqanlardan asılı olmayan müstəqil bir
orqan kimi xarakterizə edilir. Azərbaycan Respublikasının insan
hüquqları üzrə Müvəkkili (Ombudsman) haqqında Azərbaycan
Respublikasının konstitusiya qanununun 5-ci maddəsinin 1-ci
hissəsində göstərilir ki. Müvəkkil (Ombudsman) müstəqildir və yalnız
Azərbaycan Respublikasının Konstitusiyasına və qanunlarına
tabedir.
Nəzarət orqanları, adətən, ümumi davranış qaydaları yaratmır
(yalnız müəyyən şərtlər daxilində konstitusiya nəzarəti orqanları
istisna olmaqla). Həmin orqanların əsas vəzifəsi hüquq pozuntusu
faktını müəyyənləşdirmək, bir sıra hallarda isə dövlət qulluqçularının
qanundan, tələb olunan qaydalardan kənara çıxan hərəkətləri ilə
bağlı aktlar qəbul etmək və bu barədə müvafiq orqana və ya
məhkəməyə müraciət etməkdən ibarətdir.
447
ilqar Mammədov
Bəzi ölkələrdə İsə prokurorluq orqanlarının fəaliyyəti bu çərçivədən
kənara çıxır. Məsələn, Rusiya Federasiyasında prokurorluq dövlət
adından hüquq normalarının realizə olunması, qanunvericiliyin
həyata keçirilməsi üzərində nəzarəti həyata keçirən orqanların
mərkəzləşdirilmiş federal sistemidir. Prokuror nəzarəti dövlət
nəzarətinin xüsusi bir növü olmaqla bütün normativ hüquqi aktlara
sirayət olunur. Bu ölkədə prokurorluq orqanları cinayət təqibini
həyata keçirir, məhkəmədə ittihamı müdafiə edir, eyni zamanda
qanunların İcrasına da nəzarət edir. İnzibati hüquqpozmalara dair
işlərə baxılmasının nəticəsi barədə də prokurora yazılı şəkildə
məlumat verilir. RF-da prokurorluğun fəaliyyəti məhkəmələrdə mülki
işlər üzrə aparılan İcraatı da əhatə edir. Bu, ən çox həmin işlər üzrə
qəbul olunmuş qərarlardan verilən şikayətlərin yoxlanılması ilə
bağlıdır.
Müxtəlif sahələrdə baş vermiş hüquq pozuntularını araşdıran
nəzarət orqanları vəzifəli şəxslərdən izahat almaq, hər növ sənədi
tələb etmək kimi hüquqlara malikdirlər. Misal üçün, 1974-cü ildə
məşhur «Uotergeyt» işində ABŞ prezidenti Riçard Nikson- dan
telefon danışıqlarının lent yazısı tələb olunmuş və araşdırma zamanı
prezidentin hadisə ilə bağlı yalan ifadə verdiyi aşkarlandığından o
vəzifəsindən istefa vermişdir.
Dövlət
nəzarətinin
həyata
keçirilməsində
konstitusiya
nəzarətinin xüsusi yeri var. Yuxarıda qeyd olunduğu kimi,
konstitusiya nəzarəti institutu ilk dəfə XIX əsrdə ABŞ-da yaranmışdır.
Həmin dövrdən etibarən ABŞ Ali Məhkəməsi həm də konstitusiya
nəzarətini həyata keçirməyə başlamışdır. Daha sonradan
Ingllis-sakson hüquq ailəsinə daxil olan bir sıra başqa ölkələrdə
(Hindistanda, Avstraliyada və s.) də ümumi məhkəmələrə
konstitusiya nəzarətini həyata keçirmək səlahiyyəti verilmişdir.
Həmin ölkələrdə mərkəzləşdirilməmiş konstitusiya nəzarəti
mövcuddur. Yəni konstitusiya nəzarətini aşağıdan yuxarı bütün
məhkəmələr həyata keçirir və son söz yuxarı məhkəmə orqanına
məxsusdur. Roman-german hüquq ailəsinə daxil olan ölkələrdə isə
konstitusiya nəzarətinin mərkəzləşdirilmiş şəkildə həyata keçirilməsi
təcrübəsi yaradılmışdır. Həmin ölkələrdə yalnız kons-
448
Dövlət və hüquq nəzəriyyəsi
titusiya nəzarəti həyata keçirmək səlahiyyətinə malik olan xüsusi bir
orqan təşkil olunur. Bəzi ölkələrdə isə hibrid orqanlar yaradılmışdır.
Məsələn, Mərakeşdə ali məhkəmənin tərkibində konstitusiya
nəzarətini həyata keçirən xüsusi palata mövcuddur və bu palata
xüsusi struktura malikdir.
Konstitusiya nəzarəti qanunların və digər normativ aktların, bir
sıra ölkələrdə isə hətta icra hakimiyyətinin mərkəzi və yerli
orqanlarının, həmçinin yerli özünüidarəetmə orqanlarının aktlarının və
vəzifəli şəxslərin fərdi inzibati aktlarının da konstitusiyaya
uyğunluğunun müəyyənləşdirilməsi ilə bağlıdır. Misal üçün,
Avstriyada, AFR-də, Polşada, Portuqaliyada konstitusiya nəzarəti bu
cür həyata keçirilir. Bəzi ölkələrdə isə konstitusiya nəzarəti normativ
aktların heç də hamısına deyil, yalnız bir qisminə aid edilir.
Konstitusiya nəzarətini həyata keçirən məhkəmə orqanları ilə
bərabər kvaziməhkəmə orqanları da mövcuddur. Konstitusiya
nəzarətini həyata keçirən məhkəmə orqanının fəaliyyəti dəqiq şəkildə
tənzimlənir və bu orqanın aktları, bir qayda olaraq, qəti olmaqla
bərabər, həm də məcburi xarakterə malik olur. Həmin aktlar heç bir
orqan tərəfindən ləğv edilə bilməz. Kvaziməhkəmə orqanlarının
qərarları isə məcburi deyil, tövsiyyə xarakterli olur. Həmin orqanlar,
əsasən məruzə əsasında işə baxır və məhkə- mələrdəki kimi onlarda
geniş iş metodları olmur. Bu cür konstitusiya nəzarəti orqanına malik
olan ölkələrdə nəzarət edilən aktların dairəsi də məhduddur.
Məsələn, Qazaxıstanda yalnız qanunların və dövlətin beynəlxalq
müqavilələri üzərində konstitusiya nəzarəti həyata keçirilir.
Konstitusiya nəzarəti orqanlarının təşkilinin müxtəlif üsulları
mövcuddur. Bəzi ölkələrdə (məsələn, AFR-də) konstitusiya nəzarəti
orqanları ancaq parlament tərəfindən formalaşdırılır. Fransa da daxil
olmaqla, bir qisim ölkələrdə konstitusiya nəzarəti orqanının
formalaşmasında hakimiyyətlərin üçü də iştirak edir. Elə ölkələr də
var ki, həmin orqan qanunverici və icra hakimiyyətinin iştirakı ilə
formalaşdırılır. Azərbaycan bu cür ölkələrdəndir. Konstitusiya
Məhkəməsi haqqında Azərbaycan Respublikasının 23 dekabr
2003-cü il tarixli qanununun 12-ci maddəsi
449
Dostları ilə paylaş: |