Dövlət və hüquq nəzəriyyəsi
Sosioloji yanaşmadan çıxış edən marksist-leninçi nəzəriyyəyə
görə, dövlət hakimiyyəti bir sinfin digərini əzmək üçün mütəşəkkil
zorakılıq, dövlət isə bir sinfin hakimiyyətinə tabe edilmiş başqa
sinifləri itaətdə saxlamaq üçün lazım olan bir maşındır. Sinfi
ziddiyətlər sayəsində meydana gəlmiş dövlət iqtisadi cəhətdən
hökmran sinifin diktatura vasitəsi kimi çıxış edir. Bu diktatura isə
cəmiyyət üzərində zorakılığa əsaslanan hökmranlıq kimi təzahür
olunur. Dövlətin mahiyyəti də məhz bununla bağlıdır. Dövlətin bu cür
izahı sovet dövrünün dövlət və hüquq nəzəriyyəsində istiqamətverici,
aparıcı, demək olar ki, şəriksiz yanaşma olmuşdur. XX əsrin 60-cı
illərindən başlayaraq sovet hüquqşünasları dövlətin izah edilməsi,
mahiyyətinin açıqlanması ilə bağlı yeni yanaşmaya ehtiyac olduğunu
dərk etməyə başlamışlar. Bunun nəticəsində də, «ümumxalq dövləti»
anlayışı və müvafiq ideya formalaşmışdır. Bu ideyaya görə,
ümumxalq dövləti bütün xalqın, bütün siniflərin və sosial qrupların
siyasi təşkilatıdır. O, ölkənin bütün əhalisinin, bütün siniflərinin
mənafeyini ifadə edir. Lakin bu ideyada öz əksini tapan dövləti bir
sinifin digərləri üzərində ağalığını təmin edən maşın adlandırılmaq
mümkün deyildi. Buna görə də, marksist-leninçi nəzəriyyənin özündə
əvvəlki fikirlərlə yeni ideya arasında yaranmış ziddiyyəti dəf etmək
üçün belə bir fikir irəli sürülmüşdür ki, dövlətin «zorakılıq maşını»
olması istismarçı dövlətlərə, insanın insan tərəfindən istismarını
həyata keçirən cəmiyyətlərə və qismən proletariat diktaturası
dövrünə aiddir. Ümumxalq dövlətinin yaranması isə sosializm
cəmiyyətinin inkişafının nəticəsidir. Bu dövlətdə bütün siniflər, sosial
təbəqələr artıq bir-birinə yaxınlaşır, siniflər arasında antaqonist
xarakterli münasibətlər olmur və onları iqtisadi, ictimai-siyasi və ideya
birliyi birləşdirir. Beləliklə, ümumxalq dövlətində insanların
istismardan azad sosial birliyi yaranır. Odur ki, proletariatın
diktaturasına da ehtiyac qalmır və sosialist dövləti yeni keyfiyyətdə
özünü göstərir.
SSRİ dağıldıqdan sonra nəzəriyyə sahəsində də bu yanaşma ilə
bağlı müəyyən dəyişikliklər baş vermiş, lakin öz əhəmiyyətini
itirməmişdir. Təbii ki, postsovet dövrünün dövlət və hüquq
153
ilqar Məmmədov
nəzəriyyəsi əvvəlki ehkamçılıqdan uzaqlaşmışdır. Yanaşmanın
özünün isə marksist-leninçi yanaşmadan çox «sinfi yanaşma» kimi
xarakterizə edilməsinə üstünlük verilmişdir. Bununla bərabər, həmin
yanaşmanın sinfilik tərəfinin ümumbəşəriliklə birləşdirilməsinə, sinfi
yanaşma ilə ümumkonseptual yanaşmanın əlaqələndirilməsinə
maraq artmışdır. Müasir nəzəriyyəçilərin əksəriyyəti ehkamçılıqdan
imtina etmək şərti ilə bu yanaşmanı yenə də aktual hesab edirlər.
A.B.Vengerov yazır ki, müasir dövlət və hüquq nəzəriyyəsində
dövlətin mahiyyətindəki sinfiliyin ehkam- çılıq mövqeyindən çıxış
edərək, özü də vulqarcasına izah edilməsi artıq öz aktuallığını
itirmişdir. İndi daha çox onun çoxtərəfli sosial təyinatının, struktur və
ərazi baxımdan təşkilinin, həmçinin müasir dövlətin digər vacib
cəhətlərinin hərtərəfli açıqlanması aktualdır.
Qərb hüquq elmində inkişaf etdirilən və hal-hazırda da elmi
dövriyyədə olan yanaşmalardan biri də legist (latınca «lex» - qanun
deməkdir) yanaşmadır. Legist yanaşmadan çıxış edənlər dövləti
hakimiyyətlə qanunların bağlılığı kontekstində izah edirlər. Dövlət, ilk
növbədə, xalqın yuridik personofikasiyası, hüquqi şəxs kimi başa
düşülür və faktiki olaraq qanunvericilik nəticəsində yaradılan
qanunlarla, qaydalarla eyniləşdirilir. Həmin yanaşmadan çıxış edən
alimlərin fikrincə, dövlət təşkil olunmuş suveren hakimiyyətdir və
onun bütün səlahiyyətləri və fəaliyyəti qanunların məzmununa uyğun
ifadə olunur. Bu yanaşmanın görkəmli nümayəndələrindən sayılan
avstriyalı hüquqşünas H.Kelzenə görə, «hüquqi fenomen» olan
dövlət qanunlarla müəyyənləşən qayda kimi təzahür edir və bu
qayda münasibətlərdə, davranışlarda öz əksini tapır.
Legist yanaşmanın nümayəndələri dövlətin əhalisini və ərazisini
qanunların iki müxtəlif təsir sahələri kimi izah edirlər. Onların fikrincə,
dövlət hakimiyyəti qanunlardan irəli gələn hadisədir. Hakimiyyətlə
əlaqədar qanunların məzmunu müxtəlif cür ola bilər, lakin hər bir
halda siyasi hakimiyyət qanunlarla tənzimlənir, onların əsasında
həyata keçirilir. Bu, o deməkdir ki, dövlət hakimiyyətin qanunlarla
ifadə olunma forması kimi çıxış edir və bu
154
Dövlət və hüquq nəzəriyyəsi
halda qanunların hansı məzmunda olması əhəmiyyət kəsb etmir.
Qanunların məzmunu hətta ədalətə, insan azadlığına zidd ola bilər.
Ancaq, hər bir halda, hakimiyyət özünü qanunlar vasitəsilə və
qanunlarla əsaslandırır.
Hüquq ədəbiyyatında legist yanaşma libertar nəzəriyyədən
fərqləndirilir. Belə ki, libertar nəzəriyyəyə görə, dövlət hakimiyyəti ilə
bağlı olan qanunların azadlıq, təhlükəsizlik və mülkiyyətlə korrelyativ
əlaqəsi var. Legist yanaşmada isə siyasi hakimiyyətin həyata
keçirilməsinin faktiki tərəfi ilə bağlı problemlər həll edilməz qalır.
Misal üçün, dövlətin konstitusiyası və qanunları mövcud olsa da,
onlar dövlət hakimiyyətinin həyata keçirilməsində əsl qanunlar kimi
rəhbər tutulmaya da bilər. Faktiki olaraq keçmiş SSRİ belə bir
vəziyyətdə idi. Yəni konstitusiya deklarativ sənəd rolunu oynayırdı və
real, faktiki münasibətlərə uyğun deyildi. Legist yanaşmanın
doğurduğu belə bir çatışmamazlıqla əlaqədar V.A.Çetvernin yazır ki,
həmin konsepsiyanın siyasi mövqeyi hüquqi dövlətin izah edilməsi
üçün tamamilə yararsızdır. Yəni bu yanaşmaya görə, məzmunundan
asılı olmayaraq bütün qanunlar «hüquqidir», dövlət isə qanunlardan
irəli gələn göstərişlərlə ifadə olunur. Bu isə o deməkdir ki, hər bir
dövlət «hüquqidir» və hüquqi olmayan dövlət yoxdur.
Müasir qərb dövlətşünaslığına yaxından təsir göstərmiş legist
yanaşma XIX əsrin sonlarında Almaniyada meydana gəlmiş və XX
əsrdə H.Kelzen tərəfindən inkişaf etdirilmişdir.
Libertar nəzəriyyəyə və ya hüquqi yanaşmaya görə, dövlət siyasi
hakimiyyətin təşkilinin və fəaliyyətinin hüquqi formasıdır. Bu
nəzəriyyənin nümayəndələri hüququ qanunla eyniləşməyən müstəqil
fenomen hesab edirlər. Azadlığın təmin edilməsi hüququn əsas
təyinatı kimi başa düşüldüyündən dövlət hakimiyyətinə tabe olanların
azadlığının, təhlükəsizliyinin və mülkiyyətinin mühafizə edilməsi və
təmin edilməsi dövlətin əsas məqsədi hesab edilir. Qanun yalnız bu
cür məzmuna malik olduqda hüquqda özünə yer ala bilər. Əks
təqdirdə qanun hüquqdan kənardır.
Göründüyü kimi, libertar nəzəriyyə tərəfdarları dövlət
hakimiyyətinin insan azadlığı ilə məhdudlaşan, hüquqi çərçivəyə
155
Dostları ilə paylaş: |