77
Bakıətrafı qəsəbələrdə bütün sosial və iqtisadi məsələlər həllini
tapacaqdır. İndi biz birinci mərhələdə yolların çəkilişi ilə
məşğuluq. Müvafiq göstərişlər verilib, vəsait ayrılıb və Şüvəlan
qəsəbəsində yollar çəkilir. Bununla bərabər, bütün başqa
məsələlər də öz həllini tapmalıdır.
Proqramda hər bir qəsəbə üzrə konkret layihələr nəzərdə
tutulubdur. Şüvəlan qəsəbəsində də həllini gözləyən bütün
məsələlər həll olunacaqdır. Xüsusilə yollar, qazlaşdırma ilə bağlı
məsələlər daha da böyük həcmdə həll olunmalıdır. Qaz
təchizatında işlər daha da yaxşı görülməlidir. Su və kanalizasiya
məsələləri həll edilməlidir. Bilirəm ki, insanları ən çox narahat
edən məsələ budur. Bütün sosial məsələlər həll olunmalıdır.
Uşaq bağçaları, məktəblər təmir olunmalıdır. Elə etməliyik ki, iki
il yarım ərzində Bakının bütün ətraf qəsəbələrində sosial və
infrastruktur məsələləri öz həllini tapsın. Bu günə qədər müəyyən
işlər görülmüşdür. O cümlədən Şüvəlan qəsəbəsində abadlıq,
quruculuq işləri aparılmışdır, yeni binalar, məktəblər tikilmişdir.
Ancaq icrasını gözləyən məsələlər tezliklə öz həllini tapmalıdır.
Sizdən xahiş edirəm, bu işlərə nəzarət edəsiniz və çatışmayan
məsələlər haqqında məlumat verəsiniz.
Keçən dəfə Mərdəkan qəsəbəsində olarkən vətəndaşlarla görüş
zamanı məsələ qaldırıldı ki, 5 il əvvəl tikilmiş məktəb artıq
yararsız vəziyyətə düşmüşdür. Mən özüm o məktəblə tanış oldum,
gördüm ki, doğrudan da orada təmirə ehtiyac vardır. Görünür ki,
vaxtilə o məktəbi tikənlər məsələyə çox laqeyd yanaşmışlar.
Keyfiyyətsiz işlər görmüşlər və yaxşı ki, mənə məlumat verildi.
Məlumat verilməsəydi bilməyəcəkdim. Deyəcəkdim ki, məktəb 5
il bundan əvvəl tikilibdir, yaxşı vəziyyətdədir. Ona görə də görülən
işlərə ictimai nəzarət və əhali tərəfindən nəzarət olmalıdır,
çatışmayan məsələlər haqqında da vaxtında məlumat verilməlidir.
Yəqin ki, siz proqramda Şüvəlan qəsəbəsi ilə bağlı nəzərdə
tutulmuş məsələlərlə tanışsınız. Əgər əlavə arzularınız,
xahişləriniz varsa mənə deyin ki, biz onları da nəzərə alaq.
Çünki proqramın hazırlanması işinə biz, əlbəttə ki, bütün
müvafiq dövlət qurumlarını cəlb etmişdik və maksimum
78
çalışmışdıq ki, bütün məsələlər bu proqrama salınsın. Bəlkə elə
məsələ vardır ki, orada yoxdur, amma həllini gözləyir. Siz mənə
deyin, onları da həll edək. İstəyirəm ki, Bakıətrafı qəsəbələrin
hamısında bütün məsələlər, həllini gözləyən işlər tezliklə və
yüksək keyfiyyətlə icra edilsin.
S a k i n: Cənab Prezident, Bakıətrafı kəndlərin abadlaşdırıl-
ması ilə bağlı qəbul etdiyiniz sərəncam bizi çox sevindirir.
Şüvəlanda yaşayanların böyük əksəriyyəti Qala kəndindəndir.
Qala kəndinin abadlaşması, onun tarixi möhtəşəmliyinin özünə
qaytarılması da bizi çox sevindirir. Buna görə Sizə və Mehriban
xanıma möhkəm cansağlığı arzulayırıq. Sizin gördüyünüz bu
işlər biz dindarları ikiqat sevindirir. Quranın ayələrini oxuduqda
görürük ki, Allah bizə xatırladır: «Torpaqdan yaranmısınızsa,
torpağın üzərində quruculuq işləri görün, torpağı abadlaşdırın».
Biz Quranın bu ayəsində deyilənləri Sizin həyata keçirdiyiniz
işlərin timsalında çox aydın görürük. Bütün bunlara görə Allah-
Təaladan Sizə müvəffəqiyyət, möhkəm cansağlığı arzulayırıq.
İ l h a m Ə l i y e v: Sağ olun. Biz elə etməliyik ki, ölkə
qarşısında duran bütün vəzifələr öz həllini tapsın. Həm iqtisadi,
həm sosial məsələlərin həlli ilə ciddi məşğuluq. Tarixi
keçmişimizə, mədəniyyətimizə, dini abidələrin qorunmasına da
böyük diqqət göstərilir. İndi ölkədə bütün dini abidələrimiz
böyük zövqlə, böyük sevgi ilə təmir edilir, bərpa olunur. Bu
bizim mənəvi dayağımızdır. Biz çox möhkəm milli və tarixi
təməl üzərində müasir dövlət qururuq. Mədəniyyətlə bağlı
bütün məsələlər də Azərbaycanda uğurla həll olunur.
Siz Qala kəndini misal gətirdiniz. Qala indi ölkə miqyasında
çox yaxşı tanınan bir kənd olubdur. Çünki orada Etnoqrafiya
Muzeyinin fəaliyyətə başlaması və onun ətrafında gedən
abadlıq işləri zövq oxşayır. Həm ölkə vətəndaşları, həm də
xaricdən gələn qonaqlar çalışırlar ki, oraya getsinlər və orada
Azərbaycanın qədim tarixi ilə əyani şəkildə tanış olsunlar. Qala
kəndinin abadlaşması ilə bağlı əlavə göstərişlər verilmişdir.
Orada böyük binalar tikilir, gözəl istirahət zonaları yaradılır.
79
Hesab edirəm ki, yaxın zamanlarda oraya insan axını daha da
güclü olacaqdır.
Bütün bu işlərin görülməsi bir daha ölkəmizin həm gücünü
göstərir, həm də ki, zəngin mədəniyyətimizi təcəssüm etdirir.
Biz elə etməliyik ki, dünyada Azərbaycanı daha da yaxşı
tanısınlar. Bu gün Bakıya, digər şəhər və rayonlara gələnlər
etiraf edirlər ki, burada olan inkişaf heç bir yerdə yoxdur. Bakı
bu gün dünyanın ən gözəl şəhərlərindən birinə çevrilmişdir.
Həm Bakının tarixi siması qorunub saxlanılır, həm də müasirlik
vardır. Bakıda olan infrastruktur, yollar, körpülər deyə bilərəm
ki, hər bir paytaxta yaraşıq verə biləcək bir mənzərədir. Mən
istəyirəm ki, bütün qəsəbələr də belə gözəl olsun.
Biz ölkəmizi ona görə qururuq ki, Azərbaycan vətəndaşları
rahat yaşasınlar. Yaşamaq, işləmək üçün bütün şərait olsun.
Uşaqlar yaxşı məktəbə getsinlər, yaxşı tibb mərkəzləri
yaradılsın, yollar yaxşı olsun. Kommunal infrastruktur, idman
qurğuları müasir tələblərə cavab versin.
Bu bölgədə bu istiqamətdə əvvəlki dövrdə də işlər görül-
müşdür. Burada stadion tikilibdir. Ondan sonra bu ərazilərdə
idman kompleksi Şağanda açılıbdır. Mərdəkanda 26 saylı
xəstəxana əsaslı təmir ediləcək və bütün bu qəsəbələrə xidmət
göstərəcəkdir. Burada digər müasir obyektlər, ticarət obyektləri
yaradılır. Bilirsiniz ki, bu bölgənin tarixi çox zəngindir.
Şüvəlan, Mərdəkan qəsəbələri və ətraf qəsəbələr böyük tarixə
malikdir. Biz bu qəsəbələrin inkişafına xüsusi diqqət
göstərməliyik və burada yaşayan vətəndaşlar bütün lazımi
infrastruktur imkanları ilə təmin edilməlidir. Məqsədim bundan
ibarətdir.
Son illər ərzində görülmüş işlər ölkəmizi qabağa aparıbdır.
Amma hələ də narahatedici məsələlər vardır. Mən istəyirəm ki,
2013-cü ilə qədər, yəni ikinci Dövlət Proqramının başa çatması
ilə əlaqədar bütün əsas məsələlər də həllini tapsın.
S a k i n: Mən ağsaqqallar və ziyalılar adından Sizə «Xoş
gəlmisiniz!» – deyirəm. İnsan həyatı üçün zəruri olan sudur,
işıqdır, qazdır – hamısı həll olunub. Mən kanalizasiya məsələsini
Dostları ilə paylaş: |