68
AVROPA PARLAMENTİNİN SƏDRİ YEJİ BUZEK
İLƏ GÖRÜŞ
Prezident sarayı
20 may 2011-ci il
Azərbaycan Respublikasının Prezidenti İlham Əliyev
mayın 20-də Avropa parlamentinin sədri Yeji Buzeki qəbul
etmişdir.
Görüşdə Azərbaycan ilə Avropa İttifaqı, Avropa parlamenti
arasında əməkdaşlığın hazırkı vəziyyəti və perspektivləri
ətrafında fikir mübadiləsi aparıldı, Avropa parlamentinin sədri
Yeji Buzekin ölkəmizə səfərinin əlaqələrimizin daha da ge-
nişləndirilməsi baxımından əhəmiyyəti qeyd olundu.
69
RUSİYA FEDERASİYASININ PREZİDENTİ
ZATİ-ALİLƏRİ
CƏNAB DMİTRİ MEDVEDEVƏ
Hörmətli Dmitri Anatolyeviç!
Sizi və bütün Rusiya xalqını dövlət bayramı – Rusiya
günü münasibətilə Azərbaycan xalqı adından və şəxsən öz
adımdan səmimi-qəlbdən təbrik edirəm.
Bu gün dost Rusiya cəmiyyət həyatının siyasi, sosial-iqtisadi
və mənəvi sahələrinin modernləşdirilməsi yolunda uğurla
irəliləyir.
Azərbaycan və Rusiya əsrlər boyu bir-biri ilə sıx dostluq,
mehriban qonşuluq və qarşılıqlı dəstək telləri ilə bağlıdır.
Əminəm ki, bu mehriban münasibətlərə əsaslanaraq bizim
çoxşaxəli əməkdaşlığımız və strateji tərəfdaşlığımız bundan
sonra da xalqlarımızın və ölkələrimizin firavanlığı, regionda
sülh, sabitlik və tərəqqi naminə dinamik inkişaf edəcəkdir.
Hörmətli Dmitri Anatolyeviç, Sizə möhkəm cansağlığı,
xoşbəxtlik və dövləti fəaliyyətinizdə uğurlar, bütün Rusiya
xalqına sülh və firavanlıq diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 23 may 2011-ci il
70
BÖYÜK BRİTANİYA VƏ ŞİMALİ İRLANDİYA
KRALİÇASI ÜLYAHƏZRƏT
II ELİZABETƏ
Ülyahəzrət!
Böyük Britaniya və Şimali İrlandiya Birləşmiş Krallığının
milli bayramı – Təvəllüd gününüz münasibətilə Sizə və bütün
xalqınıza şəxsən öz adımdan və Azərbaycan xalqı adından ən
səmimi təbriklərimizi yetirməkdən məmnunluq duyuram.
Bu gün Azərbaycan ilə Birləşmiş Krallığı sıx dostluq və
əməkdaşlıq əlaqələri birləşdirir. Ümidvaram ki, dövlətlərarası
münasibətlərimizin daha da möhkəmləndirilməsi, bir sıra
mühüm sahələri əhatə edən işbirliyimizin müvəffəqiyyətlə
davam etdirilməsi bundan sonra da xalqlarımızın mənafelərinə
xidmət edəcəkdir.
Belə bir xoş gündə Sizə möhkəm cansağlığı, işlərinizdə
uğurlar, Birləşmiş Krallığın dost xalqına sülh və firavanlıq
diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 23 may 2011-ci il
71
PORTUQALİYA RESPUBLİKASININ
PREZİDENTİ ZATİ-ALİLƏRİ
CƏNAB ANİBAL KAVAKU SİLVAYA
Hörmətli cənab Prezident!
Ölkənizin milli bayramı – Portuqaliya günü münasibətilə
Sizə və bütün xalqınıza ən səmimi təbriklərimizi yetirirəm.
Ümidvaram ki, Azərbaycan ilə Portuqaliya arasındakı
mövcud münasibətlərin, dostluq və əməkdaşlıq əlaqələrimizin
inkişafı daim xalqlarımızın rifahına xidmət edəcəkdir.
Bu xoş gündə Sizə möhkəm cansağlığı, işlərinizdə uğurlar,
dost Portuqaliya xalqına sülh və firavanlıq arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 23 may 2011-ci il
72
FİLİPPİN RESPUBLİKASININ PREZİDENTİ
ZATİ-ALİLƏRİ
CƏNAB III BENİQNO AKİNOYA
Hörmətli cənab Prezident!
Milli bayramınız – Müstəqillik günü münasibətilə Sizə və
xalqınıza ən səmimi təbriklərimizi yetirirəm.
Ümidvaram ki, Azərbaycan ilə Filippin arasındakı müna-
sibətlər xalqlarımızın mənafelərinə uyğun olaraq daim inkişaf
edəcək və genişlənəcəkdir.
Sizə möhkəm cansağlığı, işlərinizdə uğurlar, dost xalqınıza
əmin-amanlıq və rifah arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 23 may 2011-ci il