Qirx altinci kitab ————— may 2011 İyul 2011
Yüklə 2,6 Mb. Pdf görüntüsü
|
- Bu səhifədəki naviqasiya:
- V a t s l a v K l a u s
54
xəstəliyindən danışmır, bu gün artıq ölkəmizin iqtisadi inkişafından söhbət gedir. Son 7 ildə Azərbaycanda ümumi daxili məhsul, sənaye təxminən 3 dəfə artmışdır. Yoxsulluğun səviyyəsi 5 dəfə aşağı düşmüşdür. Bu, bazar iqtisadiyyatının və sosial məsələlərin, bir növ bir-birini tamamlayaraq həll olunmasını göstərir. Çox iri infrastruktur layihələri – kommunikasiya, nəqliyyat, neft-qaz layihələrini həyata keçirmişik və bu gün Azərbaycan nefti həm də Çexiya Respublikasının bazarına daxil olur. Əminəm ki, bu da ixracın şaxələndirilməsinə və iqtisadiyyatın inkişafına kömək edir. Bu gün biz dünyada ən iri qaz yataqlarından birini – ehti- yatlarının həcmi bir trilyon kubmetrdən çox olan «Şahdəniz» yatağını işləyirik. Ümumiyyətlə, Azərbaycanda təsdiqlənmiş qaz ehtiyatları 2,2 trilyon kubmetrə bərabərdir. Əminəm ki, bu ehtiyatlar artacaqdır, biz hələ yeni yataqların kəşfiyyatı mərhələsindəyik və Azərbaycanın qaz potensialı bizim tərəfdaş ölkələrin enerji təhlükəsizliyinin təmin edilməsində mühüm rol oynayacaqdır. Bu gün bizim enerji ehtiyatlarını dünya bazarlarına çat- dırmaq üçün şaxələndirilmiş yollarımız vardır. Enerji ehtiyat- larını bütün istiqamətlər üzrə – həm Şimala, həm Qərbə, həm də Cənuba nəql edən üç neft kəməri və dörd qaz kəməri vardır. Şaxələndirmə tamamilə təmin edilmişdir. Biz enerji ehtiyatlarının çatdırılma mənbələrini şaxələndirməyə çalışan istehlakçıları başa düşürük. Buna görə də biz istehsalçılar və istehlakçılar arasında səyləri əlaqələndirməyə, mənafeləri tarazlaşdırmağa və şaxələndirməyə, habelə azad rəqabətə can atırıq. Ölkəmizdə bundan sonra da zəruri islahatlar həyata keçiri- ləcəkdir. Biz iri regional inkişaf proqramını reallaşdırırıq və təkcə Bakı deyil, ilk növbədə regionlarımız inkişaf edir. Son yeddi ildən bir qədər artıq müddətdə regional inkişaf proqramı sayəsində Azərbaycanda 900 mindən çox yeni iş yeri yaradılmışdır və bu iş yerlərinin böyük əksəriyyəti region-
55
lardadır. Azərbaycan İnvestisiya Şirkətini yaratmışıq. Bu şirkət bizim iqtisadiyyat üçün mühüm layihələrdə sərmayədarlardan biridir. Mən bu fürsətdən istifadə edərək Çexiya Respublikasından olan biznesmenləri bizim tərəfdaşlarımız olmağa, layihələrdə investorlar və ya kontraktorlar qismində iştirak etməyə dəvət etmək istəyirəm və əminəm ki, bunun üçün bütün imkanlar vardır. Sizin ölkənin banklarına bizim ölkədə həyata keçirilən mühüm infrastruktur layihələrinin maliyyələşdirilməsinə görə təşəkkür etmək istərdim. Ümid edirəm ki, bu əməkdaşlıq bundan sonra da uğurla davam edəcəkdir. Mən bizim əziz qonaqlarımızı bir daha salamlamaq və ümidvar olduğumu bildirmək istəyirəm ki, həm səfər, həm də biznes-forum yaxşı nəticələr verəcəkdir və biz daha tez-tez görüşəcəyik.
də 2 il bundan əvvəl Praqada prezident Əliyevlə razılaşmışdıq və nəhayət, onu təşkil etmək mümkün oldu. Ümid edirəm ki, bu səfər təkcə mənim səfərim deyil, həm də bizim nümayəndə heyətinin, biznesmenlərin nümayəndə heyətinin səfəridir, cənab Prezidentin dediyi kimi, bizim bütün sahələrdə, o cümlədən iqtisadiyyat sahəsində ikitərəfli münasibətləri inkişaf etdir- məkdə maraqlı olmağımıza mühüm işarədir. İqtisadiyyat ən mühüm sahələrdən biridir. Çünki o bizim münasibətlərin daha da inkişaf etdirilməsi üçün ciddi bazadır. Cənab Prezidentin dediyi kimi, bizim müsbət, səmərəli, faydalı danışıqlarımız olmuşdur. Biz bir-birimizi çox yaxşı başa düşürük və bu, gələcək əməkdaşlıq üçün yaxşı bazadır. Biz təkcə danışıqlar aparmadıq, həm də dövlətlərimiz ara- sında üç müqavilə imzaladıq. Cənab Prezident, biz iqtisadiyyatın sürətlə inkişaf etməsinin şahidiyik. Bu gün təkcə Bakı şəhərində olmaqla bunu yəqin etdik. Ola bilsin ki, ölkənin regionlarında bu inkişaf bir qədər başqa cür görünür. Sonuncu dəfə şəhərdə bu qədər inşaat kranını Çində görmüşdüm. Ola bilər ki, Siz bunları Potyomkin 56
kəndləri kimi göstərirsiniz, istəyirsiniz burada necə inkişaf olduğunu görək. Lakin bu da innovasiya, marketinq olardı. Bu, maraqlı ideya olardı. Biz buraya açıq gözlə gəlmişik ki, Sizin ölkənizi başa düşək, burada nə baş verdiyini anlayaq. Bizdə heç bir maliyyə böhranı olmamışdır. Çexiya hökuməti bizim bank, maliyyə sisteminə bir Çexiya kronu da verməmişdir. Bunu etməyə ehtiyac yox idi, bizdə heç nə olmamışdı. Lakin bizdən qərbdəki bazarlar hər şeyi itirdilər. Beləliklə, biz Qərbə ixracımızın xeyli hissəsini itirdik. Buna görə də 2009-cu ildə bizdə iqtisadi tənəzzül oldu. İndi isə deyə bilərəm ki, biz bərpa olunuruq, iqtisadiyyatımız, demək olar ki, normal Avropa sürəti ilə artır. Əlbəttə, bu artım sizdə bir neçə il ərzində müşahidə olunan 20–30 faizlik artım deyildir. Mən ümid edirəm ki, bizim biznesmenlər bu iqtisadi böhran dövründə nəyisə başa düşdülər. Biz başa düşdük ki, ixracın bu qədər yüksək hissəsinin birtərəfli olması çox təhlükəlidir. Buna görə də bizim biznesmenlər ixracı və ticarəti şaxələndirməyə bu qədər böyük maraq göstərirlər. Fikrimcə, çexiyalı sahibkarların Azərbaycana səfərə marağının əsas səbəbi budur. Cənab Prezident, mən ümid edirəm ki, onlar nahardan sonra haradasa bir kafedə əyləşməmiş, burada işləmişlər. Ümid edirəm ki, bizim çıxışlarımız biznes-forumun başlanğıcı deyil, artıq sonudur. Mən onların nə deyəcəklərini, hansı nəticələrə nail olduqlarını gözləyirəm. Biz Qarabağ problemini hiss edirik. Ümid edirik ki, bu problemi həll edə biləcək müəyyən perspektiv vardır. Biz bu istiqamətdə Sizi dəstəkləməyə hazırıq. Cənab Prezident, biz ölkənizin Avropa ruhunu da çox yaxşı başa düşür və hiss edirik. Bu mənada da biz sizi dəstəkləyirik. 2 il əvvəl bizim «Şərq Tərəfdaşlığı» ideyası ilə əlaqədar ilk görüşümüz olmuşdu. Biz Praqada görüşmüşdük. Bu ilin payızında həmin proqram üzrə sammit Varşavada olacaqdır. Mən ümid edirəm ki, bu görüş müsbət nəticələr verəcəkdir.
Yüklə 2,6 Mb. Dostları ilə paylaş:
|