Qirx altinci kitab ————— may 2011 İyul 2011
Yüklə 2,6 Mb. Pdf görüntüsü
|
- Bu səhifədəki naviqasiya:
- V a t s l a v K l a u s
44
inkişafla da tanış olasınız. Ümid edirəm ki, Sizin yaxşı təəssüratlarınız olacaqdır. Bir daha xoş gəlmisiniz!
Yeri gəlmişkən, onu deməliyəm ki, biz cənab Prezidentlə artıq bütün problemləri həll etmişik. Yenidən davam etməyə, məncə ehtiyac yoxdur. Bizim dostluq mühitində keçmiş intensiv və səmərəli danışıqlarımız olub. Sadəcə, təkrar etmək istəyirəm ki, dəvətə görə Sizə dərin təşəkkürümü bildirirəm. Bu səfərə artıq uzun müddət idi ki, hazırlaşırdım. Hesab etdim ki, əgər dünyanın bu bölgəsinə, bu regiona və bu ölkəyə səfər etməsəm, onda gündəliyim dolğun olmazdı. Biz o faktı dəyərləndiririk ki, ölkələrimiz arasında mü- nasibətlər son bir neçə il ərzində daha da intensivləşir. Bir sıra siyasətçilərin və iş adamlarının həyata keçirilmiş səfərləri çox müsbət haldır. Ümid etmək istəyirəm ki, bu gün imzalanacaq sənədlər əməkdaşlığımıza əlavə təkan verəcəkdir.
45
SƏNƏDLƏRİN İMZALANMASI MƏRASİMİ
17 may 2011-ci il
Vatslav Klausun nümayəndə heyətlərinin iştirakı ilə geniş tərkibdə danışıqları başa çatdıqdan sonra Azərbaycan–Çexiya sənədlərinin imzalanması mərasimi olmuşdur. «Azərbaycan Respublikası Standartlaşdırma, Metrologiya və Patent üzrə Dövlət Komitəsi və Çexiya Respublikasının Texniki Standartlaşdırma, Metrologiya və Dövlət Sınaqları üzrə İdarəsi arasında standartlaşdırma, metrologiya və uyğunluğun qiymətləndirilməsi sahəsində əməkdaşlıq haqqında Anlaşma Memorandumu»nu Azərbaycan Respublikası Standartlaşdırma, Metrologiya və Patent üzrə Dövlət Komitəsinin sədri Ramiz Həsənov və Çexiya Respublikası Texniki Standartlaşdırma, Metrologiya və Dövlət Sınaqları üzrə İdarəsinin prezidenti Milan Holeçek imzaladılar. «Azərbaycan Respublikası Hökuməti və Çexiya Respublikası Hökuməti arasında məxfi məlumatın mübadiləsi və qarşılıqlı mühafizəsi haqqında Saziş»i Azərbaycanın Çexiyadakı səfiri Tahir Tağızadə və Çexiyanın Azərbaycandakı səfiri Radek Matula imzaladılar. «Azərbaycan Respublikası və Çexiya Respublikası arasında sərmayələrin təşviqi və qarşılıqlı qorunması haqqında Saziş»i Azərbaycanın Çexiyadakı səfiri Tahir Tağızadə və Çexiyanın Azərbaycandakı səfiri Radek Matula imzaladılar. 46
ÇEXİYA PREZİDENTİ VATSLAV KLAUS İLƏ BİRGƏ BƏYANATLARLA ÇIXIŞLAR 17 may 2011-ci il
ması mərasimindən sonra Azərbaycan prezidenti İlham Əliyev və Çexiya prezidenti Vatslav Klaus bəyanatlarla çıxış etmişlər. Azərbaycan prezidenti İlham Əliyevin bəyanatı
Hörmətli cənab Prezident! Hörmətli qonaqlar, xanımlar və cənablar! Bir daha deyirəm, xoş gəlmisiniz! Bu, ölkəmizə Sizin ilk rəsmi səfərinizdir. Əminəm ki, səfərin müsbət nəticələri olacaqdır. Biz gündəlikdə duran ikitərəfli mövzular, regional məsələlər, o cümlədən Avropa İttifaqı ilə Azərbaycan arasında əməkdaşlıq üzrə geniş müzakirələr apardıq. Tərəflər arasında yüksək səviyyədə qarşılıqlı anlaşma mövcuddur. Ölkələrimiz arasında siyasi münasibətlər uğurla inkişaf edir. Çexiya Respublikası Prezidentinin Azərbaycana rəsmi səfəri daha da güclənən siyasi dialoqun göstəricisidir və digər sahələrdə də münasibətlərin inkişaf etdirilməsi üçün yaxşı imkan yaradır. İqtisadi əlaqələrin inkişafına hər iki tərəf böyük maraq göstərir. Bu gün biz Çexiya–Azərbaycan biznes-forumunda iştirak edəcəyik. Bilirəm ki, Çexiya iş adamlarından ibarət böyük nümayəndə heyəti cənab Prezidenti müşayiət edir. Əminəm ki, işgüzar dairələr birgə işləmək üçün bir çox imkanlar əldə edəcək, sərmayə və birgə layihələrin həyata keçirilməsi imkanlarını araşdıracaqlar. 47
Avropa İttifaqı ilə Azərbaycan arasında tərəfdaşlıq ikitərəfli münasibətlərimizin bir hissəsidir. Biz Çexiya tərəfinə Avropa İttifaqı–Azərbaycan tərəfdaşlığına verdiyi dəstəyə görə olduqca minnətdarıq. Hazırda biz «Şərq Tərəfdaşlığı» Proqramında iştirak edirik və ümidvarıq ki, bu proqram nəticəsində Avropa İttifaqı ilə Azərbaycan arasında münasibətlər daha da sıx olacaqdır. Çox şadıq ki, Azərbaycanın karbohidrogen resursları artıq Çexiya Respublikasının bazarına çıxarılır. Ümidvarıq ki, bu əməkdaşlıq növbəti illərdə daha da artacaqdır. Hazırda biz neft ixrac edirik, lakin gələcəkdə qaz sektorunda da əməkdaşlıq ikitərəfli münasibətlərimizin bir hissəsi olacaqdır. Bu ilin əvvəlində Avropa İttifaqı ilə Azərbaycan arasında Cənub qaz dəhlizi haq- qında Birgə Bəyannamə imzalandı. Avropanın enerji təhlükə- sizliyi və Avropa ilə enerji əməkdaşlığı Avropa İttifaqı– Azərbaycan tərəfdaşlığının gündəliyində daim duran məsə- lələrdir. Bu gün biz, həmçinin regional məsələləri, o cümlədən regional əməkdaşlıq və təhlükəsizlik məsələlərini müzakirə etdik. Mən cənab Prezidentə Ermənistan–Azərbaycan, Dağlıq Qarabağ münaqişəsi və danışıqlar prosesi haqqında məlumat verdim. Uzun illərdir ki, Azərbaycan əraziləri işğal altındadır. Azərbaycanlılara qarşı etnik təmizləmə siyasəti nəticəsində 1 milyondan çox azərbaycanlı qaçqın vəziyyətinə düşüb və ərazimizin 20 faizi 20 ildir ki, işğal altındadır. BMT-nin Təhlükəsizlik Şurasının qətnamələrində erməni silahlı qüvvə- lərinin ərazilərimizdən qeyd-şərtsiz və dərhal çıxarılması tələb edilir. Təhlükəsizlik Şurasının 4 qətnaməsi icra olunmamış qalır. ATƏT-in qərarları, Avropa parlamentinin, Avropa Şurasının və digər beynəlxalq təşkilatların qətnamələri eyni tərzdədir və eyni məna daşıyır. Münaqişə beynəlxalq hüquq normaları əsasında həll olunmalıdır və Azərbaycanın ərazi bütövlüyü bərpa edilməlidir. Bundan sonra regionda sülh bərqərar olunacaqdır. Ümumiyyətlə, bildirmək istəyirəm ki, ölkələrimiz arasında münasibətlərimiz olduqca güclü tərəfdaşlıq ruhunda inkişaf
Yüklə 2,6 Mb. Dostları ilə paylaş:
|