40
gün Azərbaycan dövləti Qafqazda proseslərin sağlam məcrada
getməsinə öz təsirini göstərir.
Siz din–dövlət münasibətlərinin inkişafında, mənəvi irsin
qorunmasında çox böyük işlər görürsünüz. Ona görə də biz Sizə
təşəkkürümüzü bildiririk.
Mən Qafqaz Müsəlmanları İdarəsinin, Qafqaz Xalqları Ali
Dini Şurasının sədri, MDB dövlətləri Müsəlman Dini Məşvərət
Şurasının rəhbəri və Dinlərarası Dialoq Məşvərət Şurasının
həmsədriyəm. Bunları sadalamaqda məqsədim odur ki, bu
məsul vəzifələrə çatmağımda bir ustadım, bir müəllimim
olmuşdur. Bu, unudulmaz Heydər Əliyev həzrətləridir. Allah-
Təala ona rəhmət etsin. Onun hikmətli sözləri, müdrik
kəlamları, uzaqgörən fikirləri bu gün də yaşayır və bizi irəliyə
aparır. Biz, Qafqaz Xalqları Ali Dini Şurasının müftiləri tez-tez
görüşür və ulu öndərin misilsiz xidmətlərini yada salırıq. Biz bu
gün də onun qiymətli fikirlərindən istifadə edir və onun ruhuna
dualar oxuyuruq. Biz Qafqazda terrorun, qarşıdurmanın
əleyhinəyik. Terrordan bizim müftilər də ziyan çəkmişlər.
Onların bir neçəsi öldürülüb, şəhid olub. Çünki onlar haqq
yolunda idilər. İndi onlar da, ulu öndərimiz Heydər Əliyev
həzrətləri də aramızda yoxdurlar.
Sizin getdiyiniz yol haqq, ədalət yoludur. Bu yolda – Qaf-
qazın firavanlığı, gələcəyi, xüsusən Azərbaycanın inkişafı
naminə apardığınız bütün işlərdə biz Sizin yanınızdayıq. Siz
dini dəyərlərimizin, məbədlərimizin, müqəddəs yerlərimizin
qorunmasında, bərpa edilməsində çox böyük işlər görmüsünüz
və görürsünüz. Bu işləriniz saymaqla qurtarmaz.
Burada əyləşənlərin hamısı Sizə, ailənizə, ulu öndərə çox
böyük rəğbət bəsləyirlər. Allah-Təala bütün işlərinizə rəvac
versin. Bizim yolumuz haqq yoludur. Yuxarıda Allahın, aşağıda
Heydər Əliyevin göstərdiyi yoldur. Bizi bu yoldan heç bir şey
döndərə bilməyəcəkdir.
41
ÇEXİYA RESPUBLİKASININ PREZİDENTİ
VATSLAV KLAUSUN AZƏRBAYCANA RƏSMİ
SƏFƏRİ
17 may 2011-ci il
Mayın 17-də Azərbaycan Respublikasında rəsmi səfərdə
olan Çexiya Respublikasının Prezidenti Vatslav Klausun rəsmi
qarşılanma mərasimi olmuşdur.
Hər iki ölkənin dövlət bayraqlarının dalğalandığı meydanda
ali qonağın şərəfinə Fəxri qarovul dəstəsi düzülmüşdü.
Fəxri qarovul dəstəsinin rəisi prezident İlham Əliyevə raport
verdi.
Azərbaycan prezidenti İlham Əliyev Çexiya prezidenti
Vatslav Klausu və xanımı Liviya Klausovanı qarşıladı.
Fəxri qarovul dəstəsinin rəisi Çexiya prezidentinə raport
verdi.
Çexiyanın və Azərbaycanın dövlət himnləri səsləndi.
Dövlət başçıları Fəxri qarovul dəstəsinin qarşısından
keçdilər.
Çexiya prezidenti Azərbaycan əsgərlərini salamladı.
Azərbaycanın dövlət və hökumət nümayəndələri prezident
Vatslav Klausa, Çexiya nümayəndə heyətinin üzvləri prezident
İlham Əliyevə təqdim olundu.
Fəxri qarovul dəstəsi hərbi marşın sədaları altında dövlət
başçılarının qarşısından keçdi.
43
GENİŞ TƏRKİBDƏ GÖRÜŞ
Prezident sarayı
17 may 2011-ci il
Mayın 17-də təkbətək görüş başa çatdıqdan sonra
Azərbaycan prezidenti İlham Əliyevin və Çexiya prezidenti
Vatslav Klausun nümayəndə heyətlərinin iştirakı ilə geniş tər-
kibdə görüşü olmuşdur.
İ l h a m Ə l i y e v: Hörmətli cənab Prezident!
Hörmətli qonaqlar!
Mən Sizi bir daha Azərbaycanda salamlamaq istəyirəm.
Bu Sizin ölkəmizə ilk səfərinizdir. Əminəm ki, səfər çox
uğurlu olacaqdır. Biz gündəliyimizdə olan müxtəlif mövzulara,
ikitərəfli münasibətlərimizə, o cümlədən Avropa İttifaqı ilə
Azərbaycan arasında tərəfdaşlığa aid çox yaxşı müzakirələr
apardıq.
Əminəm ki, səfər və onun nəticələri əlaqələrimizi daha da
gücləndirəcəkdir. Biz ölkələrimiz arasında ikitərəfli münasibət-
lərə olduqca böyük əhəmiyyət veririk. Əlaqələrimiz çox uğurla
inkişaf edir. Yüksək səviyyəli nümayəndə heyətlərinin bir çox
səfərləri həyata keçirilmişdir. Əlbəttə ki, cənab Prezidentin
rəsmi səfəri münasibətlərimizin ən vacib məqamıdır. Əminəm
ki, səfər əməkdaşlığımızın siyasi, iqtisadi, mədəni və enerji
sahələrində olduqca fəal şəkildə inkişafı ilə nəticələnəcəkdir.
Bir sözlə, ikitərəfli gündəliyimiz kifayət qədər genişdir. Ümid
edirik ki, səfər nəticəsində ölkələrimizin işgüzar dairələri bir
yerə toplaşacaq və birgə biznes imkanlarını araşdıracaqlar.
Mən Sizi bir daha salamlayıram və çox şadam ki, proqra-
mınız çərçivəsində Siz Azərbaycan rayonlarının birinə səfər
edəcəksiniz. Vacibdir ki, nəinki paytaxtla, o cümlədən regional