|
![](/i/favi32.png) Qоzоqbоy yO‘ldоshеv, vаlijоn qоdirоv, jаlоlbеk yO‘ldоshbеkоvFarhodning o‘limidan quvongan Xusravning xursandchiligi9-sinf Adabiyot darslik (yangi)Farhodning o‘limidan quvongan Xusravning xursandchiligi
ham, umri ham uzoqqa bormadi. Uning noqobil o‘g‘li Sheruya
nogahon Shirinni ko‘rib oshiq bo‘lib qoladi. Qizga yetishish
uchun o‘z otasini o‘ldiradi. Navoiyning fikricha, Sheruya emas,
davron Xusravdan Farhodning xunini talab qildi! Bu dunyoda
hech narsa javobsiz qolmaydi. Shirin ham Farhodning ketidan
bu dunyoni tark etdi. Mehinbonu bu musibatni ko‘tarolmay jon
berdi. Bu muhabbat mojarolari Chinga ham borib yetgan edi.
Farhodning ko‘kaldoshi (emikdoshi) Bahrom Armaniyaga ke-
ladi va adolat, tartib o‘rnatadi. Uning talabi bilan Sheruya otasi
mamlakatga yetkazgan ziyonlar uchun xazinasidan tovon to‘lab,
yurtiga qaytadi.
Savol va topshiriqlar:
1. Farhodning o‘limi oldidan butun borliq, tabiat bilan vidolashishi,
ulardan uzr so‘rashi, minnatdorchilik bildirishini qanday
izohlash mumkin?
2. Farhodning ajalga, falakka, dunyo (dahr)ga murojaati berilgan
baytlarga diqqat qarating, ularni tahlil qiling.
3. Qaysi misralarda vatanga bo‘lgan mehr, sog‘inch o‘z ifodasini
topgan?
4. O‘lim oldidagi o‘g‘ilning bodi sabo orqali otasi bilan vidolashuvi
Sizda qanday taassurot qoldirdi?
5. “
Manga, ne deyki, ul kofir ne qildi, Qazodin erdi qildi har ne
qildi
” baytida inson taqdiriga qay tarzda yondashilgan? Bu
masala yana qaysi misralarda yoritilganligini toping.
6. Farhod o‘zidan ayrilgan onasining holatini qayday tasavvur
qiladi? Xuddi otasiga bo‘lgani kabi onasiga ham xayolan taskin,
dalda beradimi? Buning sababini izohlashga urining.
7. “Men ishqni qanday angladim?” mavzusida uy inshosi yozing.
1
Аr – “аgаr” so‘zining qisqаrtirilgаn shаkli.
|
|
|