10
İqtisadi və Siyasi Elmlər Jurnalı.
№ 4 (9) 2017
ĠBRAHĠMOVA AYSEL ġAKĠR qızı
doktorant, Bakı Dövlət Universitetinin
e-mail: aysel.shakirqizi@gmail.com
UOT 330.8
MÜASĠR ĠQTĠSADĠYYAT VƏ ONA YENĠ BAXIġIN
FORMALAġMASI: DAVRANIġ ĠQTĠSADĠYYATINA GĠRĠġ
―İqtisadiyyat mükəmməl zəka tələb edən sadə bir elmdir‖
C.M.Keyns
XÜLASƏ
Məqalədə iqtisad elminin müasir vəziyyəti və ona olan müxtəlif
yanaşmalar öyrənilir. Eləcə də iqtisadiyyatın dəyişmə meyilləri və gələcək
inkişafı haqqında iqtisadçıların fikirləri araşdırılır. Əsasən Nobel
mükafatçılarının fikirlərinə üstünlük verilir. İqtisadiyyatın əsas
məsələlərinə baxılır və nəticədə, ziddiyyətli amillər, eləcə də müasir dövr
üçün aktual olan problemlər üzə çıxarılır. Ənənəvi iqtisadi nəzəriyyənin
cavablandıra bilmədiyi məsələlər aşkara çıxarılır və yeni nəzəriyyə sayılan
davranış iqtisadiyyatında cavablar axtarılır. Həqiqətənmi iqtisadi
nəzəriyyənin dediyi kimi fərdlər rasionaldılarmı? İnsanlar əldə etdiklərini
necə dəyərləndirirlər? Hansı formada insanlar böyuk dəyərə malik
olmayanlara yuksək məbləğ verirlər? Davranış iqtisadiyyatı ənənəvi
iqtisadiyyatın da problemlərini nəzərə almaqla bu kimi suallara psixoloji
və sosioloji aspektləri iqtisadiyyata tətbiq edərək cavab verir.
Açar sözlər: müasir iqtisadiyyat, seçim, alternativ dəyər, hipotez,
davranışlar, davranış iqtisadiyyatı, dövlət və bazar, riyazi iqtisadiyyat,
iqtisadi bərabərsizlik.
Alfred Marşallın ―
İqtisadiyyat cəmiyyətin adi həyat fəaliyyətinin
öyrənilməsidir‖ fikri bu günümüzə qədər iqtisadiyyata verilən ən sadə və
ən konkret təriflərdən biri olmuşdur. Müasir dövrdə iqtisadiyyatı
öyrənmədən, az da olsa iqtisadi biliklərə sahib olmadan, demək olar ki,
yaşamaq mümkün deyil. Gündəlik həyatımızda şəxsi tələbatımızdan irəli
gələn saysız-hesabsız iqtisadi məsələləri həll etməli oluruq. Mağazaya
gedəndə, bankdan kredit alanda, evimizi satarkən və ya restorana gedərkən
biz istər-istəməz iqtisadi proseslərin iştirakçısına çevrilirik. (İstehlakçı
davranışı, istehsalçı davranışı nəzəriyyələri təsadüfdən yaranmayıb). Bu