113
İqtisadi və Siyasi Elmlər Jurnalı.
№ 4 (9) 2017
Cədvəl-1. Rusiya Federasiyasının Avropa İttifaqına qaz ixrac potensialı
Ġllər
üzrə
AĠ-nin qaz
ehtiyacı
(mlrd m
3
)
Ümumi
ixrac (mlrd
m
3
)
AĠ-na
ixrac
(mlrd m
3
)
AĠ-nin qaz
tələbatında Rusiyanın
yeri (faizlə)
2014
438,1
225,5
138
31,50%
2015
386,9
201,9
120
31,02%
2016
402,1
207,5
133
33,08%
2017
428,8
204,8
133
31,02%
Dünyanın ən böyük enerji idxalatçısı olan Avropa İttifaqı yetərli neft
və təbii qaz ehtiyatlarına malik olmadığı üçün neftin 84%-ni, qazın isə
64%-ni idxal edir və bu da Aİ-nin enerji sahəsində 55% xarici bazarlara
bağlı olduğunu göstərir [4]. İttifaq öz enerji təminatını başda Rusiya
olmaqla Xəzər hövzəsi, Yaxın Şərq, Şimali Afrika regionundan qarşılayır.
Lakin bu bölgələrin və Ukrayna, Cənubi Qafqaz, İran, Türkiyə kimi tranzit
zonaların bir çoxunun siyasi cəhətdən qeyri-sabit durumu, burada yaşanan
geopolitik problemlər Avropaya daşınan enerji nəqlinə, enerji
təhlükəsizliyinə başlıca hədə hesab olunur [5, səh 164]. 2011-ci ildən
etibarən başlayan ―Ərəb baharı‖ Şimali Afrika və Yaxın Şərqdə münaqişə
ocaqlarının yaranması, Misir, Liviya kimi ölkələrdə siyasi gərginlik,
Əlcəzair və Tunisdə qeyri-sabitlik, digər enerji təchizatçısı Nigeriyada
müsəlman xristian qarşıdurması, Boko Haram təşkilatının fəaliyyəti,
Suriyada baş verən vətəndaş müharibəsi, Cənubi Qafqazda etnosiyasi
münaqişələr, Ukrayna ətrafında gedən siyasi proseslər, Rusiya-Türkiyə
―təyyarə şoku‖ Avropa enerji təminatında təhlükəsizlik problemlərinin
müzakirə olunmasını və bu regionlarda sabitliyin yaradılmasını zəruri edir.
Dünya qaz ehtiyacının 17%-i, istehsalın 4%-inə sahib Avropa
İttifaqının neft və təbii qaz ehtiyacının ödənilməsində aparıcı ölkələr Şimal
dənizi vasitəsilə Norveç, Böyük Britaniya və Hollandiyadır. Təbii qazın
30%-ni, neftin 15%-ni Aİ Norveç hesabına ödəyir [6]. Türkiyə və Balkan
ölkələri də daxil olmaqla Avropanın qaza olan ehtiyacı 450 mlrd m
3
-dir ki,
bunun da 64%-i idxal olunur. Araşdırmalara əsasən 2030-cu ildən etibarən
ümumi tələbatın 775 mlrd m3-ə, idxalın isə 625 mlrd m
3
-ə çatacağı
bildirilir ki, bu da Avropanın xarici bazarlardan asılılıq faizini 80%-ə qədər
yüksəldəcək [7, səh 8], əlavə olaraq Avropa regionunda enerji
ehtiyatlarının tükənməsi problemi də yeni enerji mərkəzinin tapılmasını
labüd edəcək. 2017-ci ildə Rusiya 205 mlrd m
3
ixracının 133 mlrd m
3
-ni
114
İqtisadi və Siyasi Elmlər Jurnalı.
№ 4 (9) 2017
Avropa İttifaqına [Cədvəl-1] (2030-cu ilə qədər bu rəqəmin 230 mlrd m
3
-ə
qədər artacağı gözlənilir), qalan 70 mlrd m
3
həcmində qaz isə Türkiyə
daxil digər ölkələr satıb. Ümumilikdə Avropa idxal etdiyi neftin 34.5%-ni,
təbii qazın 32%-ni, kömürün 27%-ni Rusiyadan əldə edir, bu da ümumi
enerji təminatında Rusiyanın payının 32% olduğunu göstərir [8].
Avropanın enerji idxal etdiyi regionları ümumiləşdirsək, Rusiya,
Norveç, Şimali Afrika (Əlcəzair və Liviya), Yaxın Şərq və qismən də
Xəzər regionu ölkələrini əhatə edən geniş bir mənzərə qarşımıza çıxır.
Yuxarıdakı statistik məlumatlardan da göründüyü kimi Avropanın enerji
bazarında Rusiyanın payı olduqca böyükdür və bu Avropa üçün bir növ
təhlükə mənbəyi hesab olunmalıdır. Çünki qəbul etdiyi enerji
konsepsiyalarında göstərilən diversifikasiya amili, eyni tranzit bölgədən
asılı olmamaq kimi şərtlərə tam olaraq riayət olunmur. 2000-ci illərin
əvvəllərində Rusiyadan 80%-ə qədər qaz asılılığına malik Avropanın bu
rəqəmi 15 il ərzində 30%-ə qədər azaltması göz önündədir, lakin Rusiyanın
enerji ehtiyyatlarından siyasi vasitə kimi istifadə etməsi də bizə məlumdur.
Nəzərə alsaq ki, Rusiya da öz neft və qazının 70-75%-ni məhz Avropa
regionuna satır, Avropa ilə ticarət həcmi 330 mlrd dollardır (ABŞ ilə
ticarət həcmi 38 mlrd dollardır), o zaman qarşıdakı illər ərzində Avropanın
Rusiyadan kənar mənbələrdən enerji idxalı məsələsi sual altındadır, nə
Rusiya bu siyasətdən imtina edə bilər, nə də Avropa yaxın illər ərzində
Rusiyaya alternativ mənbə tapa bilər və ən az 5 il müddətində Avropa
Rusiya qarşılıqlı asılılıq prosesi davam edəcəyi realdır.
Avropada enerji təhlükəsizliyi təkcə enerji xətlərinin təhlükəsizliyi
kimi yox, həmçinin enerji diversifikasiyası kimi başa düşülməlidir. 2007-ci
ildən sonra Avropanın siyasi həyatına daxil olan enerji təhlükəsizliyi
termini artıq bütün enerji konsepsiyalarının əsas istiqaməti olaraq
götürülmüşdür. Avropa Rusiya arasında əlaqələrin analizindən sonra enerji
təhlükəsizliyi, enerji diversifikasiyasının Avropa üçün nə qədər önəmli
olduğunu başa düşürük. Avropa üçün diversifikasiya, yəni şaxələndirmə
enerji mənbələrinin, enerji xətlərinin, tranzit bölgələrin, enerji növünün,
enerjinin istifadə sahəsinin şaxələndirilməsidir. Enerji mənbələri, enerji
xətləri baxımından Avropa üçün Rusiya və ondan gələn enerji nəqliyyat
xətləri, enerjinin boru kəmərləri, yoxsa tankerlər vasitəsilə daşınması,
tranzit bölgə kimi daha çox münaqişəli Ukrayna, enerji növü olaraq neft və
qaz nəzərdə tutulur. 2030-cu ildən etibarən Avropada enerji mənbələrinin
tükənməsi problemi diversifikasiya amilinin rolunu daha da artıracaq.
Avropa İttifaqının enerji təminatında 32% Rusiyaya bağlılıq Avropa
ölkələrinin yeni enerji mənbələrinin axtarışı üçün eyni mövqedən çıxış
Dostları ilə paylaş: |