117
İqtisadi və Siyasi Elmlər Jurnalı.
№ 4 (9) 2017
tərkib hissəsi deyildir. Yəni, mövcud durum onların gələcəkdə həyata
keçirmək istədikləri siyasətə ziddir. Çünki nə qədər Avropa İttifaqı ölkələri
Rusiyadan enerji prizmasından asılı halda olsalar belə, Rusiya da bunun
qarşılığında iqtisadi anlamda Avropa bazarlarından asılı vəziyyətdədir ki,
bu da birbaşa büdcədə özünü biruzə verir. Avropa Rusiyaya bağlılıq
məsələsində artıq ciddi addımlar atmaqdadır. Dünyada gedən siyasi
proseslər, yeni münaqişə ocaqlarının yaradılması, Yaxın Şərq regionunda
nəzarətin həyata keçirilməsi, Rusiyanın öz sərhədlərinə doğru
sıxışdırılması siyasəti, Avropada diversifikasiya meyillərinin güclənməsi
Rusiyanın rolunun azaldılması kimi dəyərləndirilməlidir. Rusiya da öz
növbəsində bu ―Soyuq müharibə‖də siyasi anlamda ―yaxın çevrə‖
ölkələrində möhkəmlənməyə, strateji zonaları qorumağa, siyasi arenada
söz sahibliyi etməyə, eyni zamanda iqtisadi anlamda Avropaya alternativ
Uzaq Şərq ölkələri timsalında özünə yeni enerji bazarı formalaşdırmağa
çalışır. 2000-ci ildə Vadimir Putinin hakimiyyətə gəlməsi ilə enerji faktoru
Rusiyanın ən önəmli strateji silahına çevrilmişdir. Təsadüfi deyildir ki,
2030-cu ilə qədər Rusiyanın enerji strategiyası təsdiqlənmişdir. Bu sənədə
əsasən, xarici enerji siyasətinin əsas məqsədi Rusiya enerji potensialını
dünya bazarlarına inteqrasiya etmək üçün enerji daşıyıcılarından
maksimum dərəcədə səmərəli istifadə etmək, milli iqtisadiyyat üçün ən
yüksək ehtimallı qazanc əldə etməkdir [14, səh 55]. 2009-cu ildə qəbul
edilən 3 istiqamətli strategiyaya əsasən:
1. 2013-2015-ci illərdə 2008-ci il böhranının nəticələri tamamilə
aradan qaldırılmalı, enerji
sektoru modernləşdirilməlidir;
2. 2015-2022-ci illərdə Rusiyanın Uzaq Şərq və Şərqi Sibir
bölgələrində yeni karbohidrogen yataqları yaradılmalıdır;
3. 2022-2030-cu illərdə iqtisadiyyatda enerji daşıyıcılarından asılılığı
azaldılmalı, alternativ enerji mənbələrinin payı artırılmalıdır [15].
Enerji strategiyası 2030-cu ilə qədər Rusiyanın Uzaq Şərq ölkələrinə
neft ixrac payının 6-dan 25%-ə, qaz ixracının 0-dan 20%-ə qaldırılmasını
hədəfləyir [14, səh 23].
Avropada enerji təminatına əngəl yaradan və Rusiyanın da zamanla
çətinliklərlə üzləşdiyi əsas səbəblərdən biri də tranzit bölgə problemidir.
2003 və 2004-cü illərdə Gürcüstanda və Ukrayna baş verən rəngli
inqilablar ilə hakimiyyətə gələn qərb yönümlü idarəetmə sistemi NATO və
Aİ-na inteqrasiya prosesi ilə Rusiyanın maraqlarına cavab vermədiyi üçün
artıq 2005-ci ildən enerji siyasətində Avropaya qarşı daha çox qış aylarında
―qazdan siyasi istifadə‖ strategiyası rol oynamağa başladı. Bu dövrdən
etibarən qazın nəqlinin kəsintili olaraq verilməsi, bəzən tam olaraq
118
İqtisadi və Siyasi Elmlər Jurnalı.
№ 4 (9) 2017
kəsilməsi ilə Rusiya istər Ukraynaya, istərsə də Avropaya öz təsir
imkanlarından istifadə etməyə başlayır. 2008-ci il Gürcüstana qarşı 5
günlük müharibə nəticəsində yeni münaqişə ocaqları yaradılır, 2009-cu ilin
yanvarında Avropaya Ukrayna vasitəsilə göndərilən qaz tamamilə kəsilir.
Bu proseslərin ardınca 2010-cu ildə Ukraynada rus meyilli Yanukoviçin
hakimiyyətə gəlməsilə münasibətlər normallaşır. Rusiya ilə Krımda
yerləşən Sevastopol hərbi bazasının müddətini 25 il uzadılması haqqında
müqavilə də izmalanır [16]. Hətta Ukraynaya satılan qazın qiyməti 400$-
dan 285$-dək azaldılır (sonradan 485$-a qədər qaldırılır). 2014-cu ilin
əvvəlində Yanukoviç ölkəni tərk edir və mayın 25-də hakimiyyətə qərb
yönümlü Petro Poroşenko gəlir. Krım işğal olunur, tam müharibə vəziyyəti
yaranır, 2014-cü iyun ayında Aİ və Ukrayna arasında sərbəst ticarət
haqqında müqavilənin imzalanması ilə Ukraynaya qaz nəqli yenidən
durdurulur. Səbəb olaraq bu müqavilənin münasibətlərə zərər verdiyini və
ən əsas yaranmış 4.5 mlrd dollar borcun olduğunu bildirmişdir.
Ukrayna bu
borcun bir hissəsini ödəsə də, mövcud problem hələ də davam etməkdədir.
2015-ci ilin əvvəlində NaftoGaz və Gazprom arasında anlaşmaya əsasən
―ön ödəmə‖ sistemi əsasında qaz nəqli həyata keçirilir, yəni ödənilmiş
qazın həcmi qədər qaz ixrac olunur və bu həcm bitdikdə qazın nəqli
dayandırılır. Və 2015-ci il noyabrın 25-də də yenidən Ukraynaya qazın
göndərilməsi anlaşma səbəbilə dayandırılıb.
Göründüyü kimi Ukrayna Rusiya arasında yaşanan gərginlik Avropa
ölkələrinə ciddi təsir göstərir. Çünki Rusiya öz neft və qazının 49%-ni
Ukrayna vasitəsilə ixrac edir. Münaqişələrin yarandığı zamanlarda isə
əziyyət çəkən ölkələr əsasən cənub-şərqi Avropa ölkələri olur və Polşa,
Bolqarıstan, Slovakiya, Ruminya, Çexiya və s kimi ölkələrin 80-100% Rus
qazından asılılığı Avropada Rusiyaya alternativ mənbənin tapılmasına
zəmin yaradır. Rusiya özü də Ukraynanı ―by pass‖ edəcək layihələr
axtarışındadır, istifadədə olan Şimal axını, perspektiv Cənub axını, Türk
axını və s kimi layihələr Rusiya gündəmindədir, lakin 2015-ci ildə Rusiya
Türkiyə arasında yaşanan gərginliklərin yekunu olaraq Türk axını
layihəsinin dayandırılması [17] Rusiyaya qarşı Avropada yaranan fikir
ayrılıqlarını daha da dərinləşdirib. Amma Avropaya giriş qapısı olan
Ukrayna uğrunda Avropa və Rusiya arasında mübarizənin asanlıqla
yekunlaşmayacağı görünür. 2030-cu ilə qədər Avropada qaz idxalının
80%-ə qədər artması proqnozu Avropa ölkələrinin diversifikasiya
meyillərini gücləndirməsinə və yekunda Türkiyənin önəminin regionda
tranzit ölkə kimi artmasına səbəb olur.