119
İqtisadi və Siyasi Elmlər Jurnalı.
№ 4 (9) 2017
Yaxın perspektivdə Avropa üçün ən önəmli layihə kimi Cənub Qaz
Dəhlizi (Bakı-Tiflis-Ərzurum, TANAP və TAP) qəbul edilməlidir. Bu
layihə həm mənbə olaraq Rusiya qazından imtina, həm də daha təhlükəsiz
regionlardan keçməklə Avropaya çatdırılan rahat və kəsintisiz qaz layihəsi
kimi geniş perspektiv vəd edir. Bu layihə istər Avropa, istərsə də
Türkiyənin enerji təminatında önəmli rola sahib ola bilər və gələcəkdə
layihənin genişləndirilməsi ilə Türkiyənin Avropanın enerji mühitində əsas
rol oynamasına gətirib çıxara bilər. Bu baxımdan İlk öncə Türkiyənin
enerji siyasətinə nəzər salaq. 2014-cü il məlumatlarına əsasən 50 mlrd m
3
qaz ehtiyacının 54.7%-nin Rusiyadan, qalan 40-45% isə Azərbaycan,
İrandan boru kəmərləri, Əlcəzair və Nigeriyadan LNG formasında idxal
olunur [18]. Qaz tədarükünün 98%-ni xarici bazarlar hesabına ödəyir.
Cənub Qaz Dəhlizinin reallaşması halında Rusiyadan asılılığı 30%-ə qədər
azaltmaq mümkündür, hətta gələcəkdə əlavə boru kəmərləri ilə
Türkmənistan, Qazaxıstan, İran, İraq qazı hesabına bu rəqəmi 10%-dən də
aşağı salmaq olar. Cənub Qaz Dəhlizi, AGRİ, Ağ Axın Avropa İttifaqı
üçün ―Prioritet Layihələr‖ statusuna daxildir. Bu layihələrlə Avropa Xəzər
hövzəsindən çıxarılan enerjinin Avropaya rahat daşınmasını təmin edə
bilər. Ümumilikdə Xəzər hövzəsinə baxsaq, region dünya neft
ehtiyyatlarının 18%-nə, qaz ehtiyyatlarınınn 48%-nə sahibdir. Region
ölkələrində neft və qazın ümumi ixracatdakı payı 72-96%, büdcə
gəlirlərindəki payı isə 30-50%-dir. Cənub Qaz Dəhlizinin əsas oyuncusu
Azərbaycanın qaz ehtiyyatları 3 trilyon m
3
həcmində dəyərləndirilir. 2007-
ci ildən Bakı-Tiflis-Ərzurum boru xətti vasitəsilə Şahdəniz-1 qaz
yatağından çıxan 6.6 mlrd m
3
həcmində qaz ixac olunur. 2018-ci ildən
etibarən isə Şahdəniz qaz yatağının 2-ci fazasından 16 mlrd m
3
qaz istehsal
olunacaq, bunun 6 mlrd m
3
Türkiyəyə, 2019-cu ildən isə Avropaya ixracı
planlaşdırılır. Azərbaycanda Abşeron, Ümid, Babək, Asiman, Zəfər-Məşəl,
Naxçıvan kimi qaz yataqlarının olduğunu nəzərə alaraq Azərbaycanın
2025-ci ilə qədər 55-60 mlrd m
3
qaz istehsal ediləcəyi təxmin edilir [19,
səh 25]. Cənub Qaz Dəhlizi vasitəsilə 2026-cı ildən Avropaya 31 mlrd m
3
-
ə qədər qaz nəqli planlaşdırılır.
Avropaya Cənub Qaz Dəhlizi layihəsini həyata keçirməklə bir sıra
məqsədlərə nail olmağa çalışır:
Əsas məqsəd bu dəhliz vasitəsilə gələcəkdə ildə 60 mlrd m
3
qaz
nəql etmək;
Rusiyadan qaz asılılığı, Ukraynadan tranzit asılılığı
həll etmək;
Türkiyənin mövqeyini tranzit bölgə olaraq gücləndirmək;
120
İqtisadi və Siyasi Elmlər Jurnalı.
№ 4 (9) 2017
Bu dəhliz vasitəsilə Türkmənistanın TransXəzər layihəsinin
reallaşdırılmasından sonra (hələ ki, Xəzərin statusu problemi buna
imkan vermir) şərqdəki qaz yataqlarından istifadə edərək 1200 km-
lik Şərq-Qərb boru xəttinin çəkilməsi ilə qaz nəqlini reallaşdırmaq;
Qazaxıstanın Rusiyadan yan keçməklə Avropaya enerji nəqlinə
şərait yaratmaq;
İranın bu dəhlizdən istifadə edərək Avropaya enerji ixrac etmək.
Avropada baş verən proseslər, iqtisadi böhran, 2014-cü ildə neftin
qiymətinin kəskin azalması, Suriya, İraq ətrafında baş verən gizli ―dünya
müharibə‖si enerjinin nə qədər əhəmiyyətli bir amil olduğunu bir daha
ortaya qoydu və qarşıdakı 10 il ərzində də enerji uğrunda siyasi
münaqişələrin, maraq toqquşmalarının azalması ehtimalı olduqca azdır.
Avropanın enerji gələcəyi məhz bu münaqişələrin sonundan bəlli olacaq,
ya Rusiya asılılığını qəbul edəcək, ya da Rusiyaya alternativ tapma
yolunda apardığı savaşda qalib gələrək öz sağlam və təhlükəsiz enerji
gələcəyini qurmuş olacaq. Lakin Rusiya 2008-ci
ildə Gürcüstanda, 2014-cü
ildə Ukraynada nümayiş etdirdi ki, Avropanın şərq hissəsi onun həyati
maraq dairəsindədir. 90-cı illərdə Yuqoslaviyanın parçalanması ilə
regionda nəzarəti itirən Rusiya artıq XXI əsrdən etibarən Avropanın
şərqində dayaqlarını möhkəmləndirmək istiqamətində siyasət yürüdür.
Makkinderin geosiyasi konsepsiyasına uyğun ―Hartlənd‖ə nəzarət etməklə
dünyaya sahiblik etməyə çalışan Rusiya bunu reallaşdırmaq üçün məhz
enerji amilini seçmişdir. Enerji daşıyıcılarını Avropa regionuna ixrac
etməklə iqtisadi asılılıq yaratmaq istəyən Rusiya zamanla bu geostrateji
elementdən öz siyasi maraqlarını həyata keçirmək üçün də istifadə edir.
Çünki iqtisadi nəzarətin təməlində siyasi faktor dayanır ki, Rusiya artıq 30
ilə yaxındır ki, bu siyasətlə Avropa regionunu, xüsusilə ―Hartlənd‖ hesab
edilən Şərqi Avropa regionunu nəzarətdə saxlayır. 2009, 2014-cü il
böhranları göstərdi ki, enerji daşıyıcılarına bağlı iqtisadiyyat uzun müddətli
davam gətirə bilməz, məhz buna görə də Rusiya böhrana uyğunlaşmaqla
yeni strategiyalar müəyyən etdi və demək olar ki, böhran vəziyyətindən
çıxmağı bacardı. Yaxın perspektivdə 2020-ci ilə qədər enerji daşıyıcılarının
(xüsusilə neftin) qiyməti ilə bağlı 50$-dan aşağı enmə gözlənilmir və bu
aspektdən yanaşsaq, Rusiya Avropada siyasi ambisiyalarını davam
etdirəcək. Enerji strategiyasına uyğun olaraq 2020-ci ildən sonra Uzaq
Şərq siyasəti ilə iqtisadiyyatını balanslaşdırmağa çalışacaq, eyni zamanda
Avropada nəzarəti də əldən verməyəcək. Avropa isə yaxın zamanda
Rusiyadan asılılığı aradan qaldırmalıdır. Artıq bu istiqamətdə siyasi
gedişlər edilir. Avropa İttifaqının da enerji siyasəti qəbul etdiyi enerji