inkişaf edir və təkmilləşir. Maliyyənin idarəolunması sisteminin fəaliyyətinin təsiri
ölkədə konkret tarixi və iqtisadi şəraitdə uyğunlaşmaqdan, təsərrüfat şəraitindən və
hər bir təsərrüfat subyektinin xüsusiyyətlərindən asılıdır. Bununla yanaşı, hər bir
müəssisənin maliyyə fəaliyyətinin idarəolunmasında yüksək nəticələrin də edilməsi
ən vacib qaydalara (dünya təcrübəsində təsdiq edilən) əməl olunmasından, maliyyə
14
stimullarının aktivləşməsinə təsir edən mütərəqqi metod və formalardan istifadə
edilməsindən birbaşa asılıdır.
Maliyyə menecmentinin təşəkkülü cəmiyyətin idarəetmə və maliyyə elminin
inkişafı, texnika, iqtisadiyyat, maliyyə və pul dünyasında baş verən yeniliklər və s.
ilə sıx əlaqədardır.
Müəssisənin
maliyyəsinin
idarəolunmasının
kompleks
sisteminin
təşəkkülünün ilkin mərhələsində sonrakı tədbirlərə ciddi fikir verilirdi; istehsalın
daim davam etməsinin lazımi maliyyə təminatı hesabına təmin edilməsi;
fəaliyyətin müsbət son maliyyə nəticələrinin əldə edilməsi üçün bütün maliyyə
resurslarından səmərəli istifadə olunması. Sonralar isə maliyyə menecmentinin
daha sərfəli (riskli) maliyyə əməliyyatlarının və investisiya qoyuluşlarının
aparılması, kapitalın artması və mənfəətin maksimullaşdırılması istiqamətində
fəaliyyəti güclündirildi.
Tarixdə maliyyə menecmentinin funksiyalarının genişləndirilməsi ilə əlaqədar
bir sıra mərhələlər qeyd olunur:
1. 50-ci illərin birinci yarısı: bu dövrdə maliyyə investisiyalarının yeni
modelləri (qiymətli kağızlar portfelinin formalaşması; dövriyyə kapitalının
idarəolunmasının tip modeli; pul resurslarının material ehtiyatlarının və
hesablaşmalarda olan pul vəsaitinin səmərəli istifadəsinə yönəldilməsi);
2. 60-cı illərin birinci yarısı – müəssisənin əmlakının (aktivlərinin) təhlilinin
yeni metodları;
3. 70-ci illər – fond birjasının yeni alətlərinin tətbiq olunması (opsion –
investisiya layihələrinin seçilməsi və realizasiyasında istifadə edilir);
4.
80-ci
illər
–
təsərrüfat
subyektlərinin
maliyyələşmsəsi
və
kreditləşdirilməsində, kapitalın səfərbərliyə alınması və xərclənməsində, rəqabətlə
əlaqədar risklər nəticəsində itkilərin sığortalanması üsullarında yeni metod və
formalar;
5. 90-cı illərdən sonra müəssisənin təsərrüfat fəaliyyətinə maliyyə alətlərinin
təsir sferasının genişlənməsi istehsalın idarəolunmasının ümumi sistemində
menecmentin yerini və əhəmiyyətini dəyişdirdi. Heç də təsadüfi deyildir ki, iri
15
xarici firmalarda rəhbərlik səviyyəsində yeni bir vəzifə meydana gəldi, yəni
maliyyə direktoru (şirkətin prezidentinin müavini). Maliyyə direktoru – müəssisədə
səmərəli maliyyə sifasətinin formalaşmasına məsuliyyət daşıyır. Çünki həmin
maliyyə siyasəti müəssisənin inkişafının ümumi strategiyasının ən vacib elementini
təşkil edir. Bazar iqtisadiyyatı şəraitində sərbəst təsərrüfat vahidlərində maliyyə
fəaliyyətinin səmərəli və müsbət idarəolunmasının kompleks nəticəli sistemi olan
maliyyə menecmentinin istifadəsinin zəruriliyi və məqsədəuyğunluğu müxtəlif
ölkələrin müəssisələrinin iş təcrübəsi ilə təsdiq olunmuşdur. Bu təkcə inkişaf edən
ölkələrə deyil, eyni zamanda bazar iqtisadiyyatına yeni keçən ölkələrə də aiddir.
Belə ki, inzibati-idarəetmə rejiminin başa çatması ancaq müəssisələrin operativ
sərbəstliyi deyil. Bazar iqtisadiyyatı maliyyə və təsərrüfat məsələlərinin həlli
istiqamətində müəssisələr qarşısında ciddi vəzifələr qoyur. Bazar iqtisadiyyatı
şəraitində hər bir təsərrüfat subyekti təchizat, istehsal, satış və maliyyə
əməliyyatları sferalarında sərbəst qaydada qərar qəbul etməyə məcburdur və həmin
qərarların icrası ilə əlaqədar məsuliyyət müəssisənin üzərinə düşür. Belə
məsuliyyətin qiyməti demək olar ki, çox yüksəkdir, çünki müəssisə üzərinə düşən
məsuliyyəti yerinə yetirməyəndə o öz pul vəsaiti və ya əmlakı ilə cavab verməyə
məcbur olur. Bəzən isə müəssisə öz fəaliyyətini dayandırmalı olur.
Bazar iqtisadiyyatı bir sıra kateqoriyaların inkişafını nəzərdə tutur;
mülkiyyətin müxtəlif formalarının (dövlət, xüsusi, bələdiyyə və s.) mövcudluğu,
təsərrüfat vahidlərinin tipləri; riskin mövcudluğu və s. Eyni zamanda pulun rolu
yüksəlir, onun istifadə formaları və fəaliyyətin son nəticələrinə təsiri genişlənir.
Rəqabət meydana gəlir, sahibkarlıq inkişaf edir və s. Belə bir şəraitdə
əsaslandırılmış qərarların qəbulu, həyata keçilməsi və sonda müsbət nəticənin əldə
edilməsi böyük əhəmiyyət kəsb edir. Çox hallarda belə qərarlar pul vəsaitinin
hərəkəti və istifadəsi ilə əlaqədar olan pul münasibətləri sahələrinə aiddir. Ona
görə də, bazar iqtisadiyyatı şəraitində müəssisələr öz fəaliyyətlərinin maliyyə
aspektlərinə olan münasibətlərini kökündən dəyişdirməlidirlər. Bu isə birinci
növbədə təsərrüfat subyektinin maliyyə fəaliyyətinin təşkili və idarəolunmasının
yeni formalarının axtarılmasını obyektiv zəruri edir.
16
Bütün yuxarıda qeyd olunanlar müəssisələrdə maliyyə fəaliyyətinin
kompldeks idarəolunması sisteminin tətbiq edilməsinin məqsədəuyğunluğunu
müəyyən edir. Beləliklə, bazar iqtisadiyyatı şəraitində zəruri əsaslar yarandıqca
təsərrüfat subyektlərində iqtisadi proseslərin əsaslı tənzimlənməsi aləti kimi
maliyyə menecmenti çıxış etməyə başladı. Ancaq maliyyə menecmenti –
müəssisənin maliyyə fəaliyyətinin müsbət nəticələrini təmin edə bilər.