2.2. RİSK – MALİYYƏ MENECMENTİNİN ƏN MÜHÜM
ALƏTLƏRINDƏN BİRİDİR
Müasir dövrdə iqtisadiyyatın bütün sferalarında birbaşa və ya dolayı risk
problemi var. Risk maliyyə sferasında daha böyük əhəmiyyət kəsb edir, hər hansı
kommersiya müəssisəsində risksiz əməliyyat yoxdur. Ancaq burada əsas məsələ
riskin düzgün qiymətləndirilməsidir və onun mənfi nəticəsinin azaldılması üçün
tədbirlər qəbul edilmişdir.
Bazar iqtisadiyyatı şəraitində sahibkarlıq fəaliyyətinin əsas məqsədi az xərclə
maksimum gəlir əldə etməkdir. Lakin sahibkarın bu məqsədi müəssisənin istehsal
və satış fəaliyyətinə avans edilən kapitalın həcmi ilə fəaliyyətin maliyyə
nəticələrini ölçməyi tələb edir.
Müəssisədə istehsal – təsərrüfat fəaliyyəti həyata keçirilən zaman obyektiv
surətdə itki qorxusu (risk) mövcud olur. Lakin riskin miqyası biznesin
xüsusiyytələri ilə əlaqədardır.
Risk
– itki, ziyan, planlaşdırılan gəlirin alınmamasının ehtimal olunması ilə
əlaqədardır.
İqtisadiyyatın azad bazar münasibətlərinə əsaslandığı bir sistemdə iqtisadi
proseslər ehtimallı səciyyə daşıyır və qeyri-müəyyənlik halların səviyyəsi getdikcə
geniş vüsət alır. Satıcı və alıcılar, istehsalçı və istehlakçılar mübadilə prosesində
özlərini həmişə təlatümdə hiss edir, risklərlə, qorxu məqamları ilə rastlaşırlar.
Beləliklə, risk hər bir sahibkarda qorxu yaradır, o risklə barışır və başa düşür
ki, riskiz əməliyyat yoxdur. Riskin növləri içərisində ən mühümü və sahibkarın
maliyyə fəaliyyətinə təsir göstərən növü mənfəətin itirilməsi qorxusudur.
Cədvəl 2.2.1.
Dostları ilə paylaş: |