1.3. MALİYYƏ MENECMENTİNİN MAHİYYƏTİ, FUNKSİYALARI VƏ
MƏQSƏDİ
Maliyyə menecmenti – təsərrüfat subyektlərinin maliyyə fəaliyyətinin
maliyyələşdirmə proseslərinin səmərəli idarəolunması sistemidir.
Maliyyə menecmenti – maliyyə resurslarının cəlb edilməsi və istifadəsi ilə
əlaqədar baş verən maliyyə münasibətləri sistemini ifadə edir.
Maliyyə menecmenti – müəssisənin idarəolunmasının ümumi sisteminin bir
hissəsidir və ona görə də onun tərkibinə daxildir. Menecment təsərrüfat
subyektlərinin maliyyə fəaliyyətini idarə edir.
Beləliklə, idarəetmə, insanların şüurlu şəkildə ətraf mühitə canlı və cansız
məbitə, texnika və texnologiyaya, istehsal heyətinə təsir etməklə hadisə və
prosesləri öz axarına yönəltmək yolu ilə zəruri olan, ehtiyac duyulan nəticələrə nail
olmaqdır.
1
İdarəetmə sistemi iki yarımsistemdən, yəni idarəolunan obyektdən və
idarəedən subyektdən ibarətdir.
Menecmentə daxil olan idarəedən subyekt təsərrüfat subyektində maliyyə
resurslarını, pul axınlarını və s. idarə edir. Pul vəsaiti, gəlir, xərc və s. isə
müəssisədə idarə olunan obyektə daxildir.
Maliyyə menecmenti müəssisənin balansını optimal edən bir sistemdir.
Maliyyə menecmenti sistemi idarəetmənin üsullarının metodlarının və s.
məcmusunu ifarə edir.
Bəzi iqtisadisadçılar «menecment» dedikdə, aşağıdakıları nəzərdə tutur: a)
sahibkarlıq fəaliyyətinin təşkili; b) firmanın iqtisadi strategiyasının hazırlanması;
b) idarəetmənin təşkili.
2
Strategiya
– kifayət qədər uzun müddət üçün müəyyən edilmiş, rəqabət
üstünlüklərinin və səmərəliliyin artırılması əsasında stabil iqtisadi göstəricilərə və
1
Firmanın iqtisadiyyatı. Bakı 2009. Telman Hüseynov, səh.235.
2
Menecmentin (idarəetmənin) əsasları. Bakı. 2001. T.Ə.Quliyev. səh.5
18
bu göstəricilərin artımına nail olmağa imkan verən istiqamətlərin, fəaliyyət
qaydaları və normalarının məcmusudur.
1
Maliyyə menecmentində qəbul olunan qərarlar real, aydın və çevik olmalıdır.
Beləliklə, idarəetmə sistemində qəbul edilən qərarlar məqsədəuyğun olmalı,
kəmiyyət və keyfiyyət müəyyən göstəricilərlə ifadə edilməli, optimal variant qərar
qəbul edilməlidir.
Maliyyə menecmenti sistemində idarəedən subyektin ən mühüm vəzifəsi
qərarları vaxtında hazırlamaq və icra etməkdən ibarətdir.
İdarəetməninin funksiyalarına görə qərarlar aşağıdakı istiaqmətlərdə qəbul
edilir:
- planlaşma;
- təşkiletmə;
- motivləşdirmə;
- uçot, nəzarət və s.
Funksional məzmununa görə isə qərarların istiqamətlərinə aiddir:
- maliyyə;
- vergi;
- istehsal;
- kommersiya və sair.
Lakin vəzifələrin həlli xarakterinə görə, qərarlar ayrılır; operativ və strateji.
İdarəetmə qərarları da informasiyalar kimi keyfiyyətli olmalıdır. Bu məqsədlə
idarəetmə qərarlarına qarşı əsas, ümdə tələblər qoyulur. Belə ki, onların:
1. məqsədli meylə, istiqamətə malik olması; 2. Sistemli, kompleksi
əsaslandırılması; 3. İyerarxiyalı qaydada subordinasiya olunması; 4. Konkret
ünvanlı olması; 5. Direktivliyi; 6. Müvafiq resurslarla təminatı.
2
Təsərrüfat subyektlərində maliyyə fəaliyyətinin praktiki sferası kimi maliyyə
menecmenti bir neçə iri sahələrə ayrılır:
1
Firmanın iqtisadiyyatı. Bakı. 2009. Telman Hüseynov. Səh.237.
2
Menecmentin (idarəetmənin) əsasları. Bakı 2001. T.Ə.Quliyev. səh.215
19
- ümumi maliyyə təhlili və planlaşdırma. Belə ki, təhlil və planlaşdırma
nəticəsində müəssisədə ümumi maliyyə strategiyası formalaşdırırlır;
- investisiya fəaliyyətinin idarəolunması, yəni geniş mənada real aktivlərə və
maliyyə aktivlərinə investisiyalar;
- maliyyə resurslarının mənbələrinin idarəolunması. Məqsəd, müəssisənin
maliyyə sabitliyinin təmin edilməsidir;
- pul vəsaitinin cari idarəolunması. Bura daxildir; müəssisənin cari
fəaliyyətinin maliyyələşdirilməsi və pul axının təşkili.
Pul axınının idarəolunması müəssisənin ödəməqabiliyyətini və cari
ödəmələrinin ritmikliyini nəzərdə tutur.
- müəssisənin orta hesabla rentabelliyini təmin edən maliyyə fəaliyyətinin
idarə olunması;
- təsərrüfat subyektlərinin maliyyə fəaliyyətinin idarəolunmasının (təşkilinin)
məqsədinin müəyyən olunması prosesini maliyyə menecmenti müəyyən edir.
Müəssisə və təşkilatlarda maliyyə menecmenti subyektin inkişafına dair
taktika və strategiyasını hazırlayır.
Qarşıya qoyulmuş məqsədi əldə etmək üçün götürülmüuş istiqamət və istifadə
edilən vasitələr – maliyyə menecmentinin strategiyasının məzmunu ifadə edir.
Strategiya isə müəssisədə qarşıya qoyulan məsələlərin icrası variantlarına
bütün imkanların yönəldilməsini nəzərdə tutur.
Təsərrüfat subyektlərində proqnozlaşdırılan məqsədlərə nail olduqdan sonra,
yeni strategiyaların hazırlanması işinə başlanılır.
Konkret müəyyən olunmuş dövr üçün nəzərdə tutulan məqsədə çatmaq üçün
qəbul edilmiş istiqamət isə taktikanın məzmununu ifadə edir.
Yuxarıda qeyd olunan funksiyalar müəssisənin maliyyə menecmentinin baş
istiqamət üzrə monitorinq apardığını sübut edir. Həqiqətən, hər bir müəssisədə
müntəzəm olaraq maliyyə planı və illik hesabat tərtib olunur; balansın aktivi
investisiya xarakterli qərarları əsaslandırmağa imkan verir; balansın passivi isə
maliyyələşmə mənbələrinin vəziyyətini qiymətləndirir; mənfəət və zərər haqqında
hesabat müəssisənin mənfəətliyi haqqında məlumat verir; pul vəsaiti büdcəsi, uçot
20
və hesabat haqqında məlumatlar və pul vəsaitinin hərəkəti haqqında hesabat-
analitik qiymətləndirmədir və ödəmə hesablaşmaların vəziyyətinə nəzarət
aparmağa şərait yaradır.
Beləliklə, məzmununa görə maliyyə menecmenti kapital və maliyyə
resurslarının hərəkətinə təsir göstərmək üçün müəyyən qərarlar hazırlayır. Məqsəd
kapital və maliyyə resurslarının hərəkətinin effektivliyini təmin etməkdir.
Maliyyə menecmenti – maliyyə bazarının özünəməxsus üsulları ilə yəni
maliyyə aktivlərinin (səhm, istiqraz və s.) idarə olunması ilə əlaqədardır. Bununla
əlaqədar olaraq, maliyyə menecmentinə bir idarəetmə kompleksi kimi yanaşmaq
olar. Belə mürəkkəb idarəetmə kompleksinə sonrakılar daxildir; valyuta
əməliyyatlarını idarəedən menecment; səhm, istirraz və s. qiymətli kağızları
idarəedən menecment; banklarda qısa və uzunmüddətli kredit əməliyyatlarını
həyata keçirən menecment; təsərrüfat subyektlərində riskləri idarəedən
menecment; daşınmaz əmlakı idarəedən menecment və s.
Maliyyə menecmentində idarəetmə obyekti kimi müəssisənin pul dövriyyəsi
çıxış edir. Pul dövriyyəsi pul ödəmələri və daxil olmalardan (bankdakı hesablaşma
və başqa hesablar) ibarətdir. Pul dövriyyəsini idarəetmək – onun yaxın vaxtda və
perspektivdə mümkün vəziyyətini görə bilmək, pulun həcmini, daxil olma və
xərclənmənin intensivliyini müəyyən edə bilmək bacarığıdır.
Müəssisədə pulun gözlənilən həcmi və onun dövriyyəsinin intensivliyini
müəyyən etmək üçün pul dövriyyəsinin mövcud olan bütün tərəflərini və şəraiti
təhlil etmək zəruridir. Mütləq kapitalın dövretmə prosesi maliyyə resurslarının
hərəkəti və müəssisənin bütün maliyyə münasibətləri qiymətləndirilməlidir.
Maliyyə menecmentinin obyektinin və subyektinin funksiyaları fəaliyyət
göstərir. İdarəetmə obyektinin funksiyalarına daxildir:
Dostları ilə paylaş: |