9
Şəkil 1.Keyfiyyət məfhumunun evolyusiyası
10
Keyfiyyət barəsində ABŞ təcrübəsini təhlil edərkən onun aşağıdakı
səciyyəvi xüsusiyyətlərini qeyd etmək lazımdır: riyazi statistika üsullarından
istifadə edərək məhsulun hazırlanma keyfiyyətinə ciddi nəzarət, istehsalın həcmi
və keyfiyyət göstəricilərinin planlaşdırılması prosesinə diqqətin artıtılması, planın
yerinə yetirilməsinə inzibati nəzarət, bütövlkdə firmanın idarəedilməsinin
təkmilləşməsi.
Yaponiyanın təcrübəsi göstəir ki, keyfiyyətin yüksəldilməsi işi heç vaxt
bitən deyildir. Keyfiyyət məsələsində Yapon təcrübəsinin fərqləndirici cəhəti
aşağıdakılardan ibarətdir: bütün bölmələrdə proses və əməyin nəticələrinin daim
təkmilləşdiril məsinə istiqamətlənmək, məhsulun keyfiyyəti deyil, prosesin
keyfiyyətinə nəzarətə istiqamətlənmək, qüsurun buraxılmasının qarşısının
alınmasına istiqamətlənmək, qalxan axın, daha doğrusu sonrakı əməliyyatdan
əvvəlki əməliyyata prinsipi ilə yaranan problemlərin təhlili və ciddi tədqiqi, “sənin
istehlakçın – sonrakı istehsal əməliyyatının icraçısıdır” prinsipinin yeridilməsi,
əməyin nəticəsinə görə cavabdehliyin bilavasitə icraçıya şamil edilməsi, insan
amillərindən aktiv istifadə, qulluqçu və işçilərin yaradıcılıq potensialının inkişafı,
“Normal insana pis işləmək ayıbdır” prinsipini həyata keçirmək.
Yapon ”möcüzə”sinin əsas konsepsiyası mükəmməl texnologiya, idarəetmə
və ya qulluqdur. Yapon müəssisələrində personalın keyfiyyətin təmin olunmasında
iştirakı üçün proqram işlənilmiş və “beş sıfır” adlanır. Bu qısa qaydalar şəklində
formalaşmışdır: yaratmamaq (qüsurun yaranması üçün şərait), ötürməmək (qüsurlu
məhsulu sonrakı mərhələyə), qəbul etməmək (əvvəlki mərhələdən qüsurlu
məhsulu), dəyişdirməmək (texnoloji rejimi), təkrar etməmək (səhvləri).
Beləliklə, Yapon müəssisələrində keyfiyyətə münasibətdə aşağidakıları əsas
olaraq fərqləndirirlər: idaretmə və texnologiya sahəsində elmi işlərin geniş tətbiqi,
istehsalda nəzarət və təhlil, bütün idarəetmə əməliyyatlarında kompüterlərdən
yüksək səviyyədə istifadə, insanin imkanlarından maksimum istifadə etmək, bunun
11
ücün yaradıcılıq aktivliyinin stimullaşdırılması tədbirləri görülür, öz firmasına
patriotik tərbiyyə aşılanır, personalın sistemli və daimi öyrədilməsi həyata keçirilir.
Əgər Yaponiya və ABŞ uzun illər ərzində keyfiyyətin yüksəldilməsi
proqramını reallaşdırırsa keyfiyyət məsələlərində aktiv siyasət yürüdürsə,
keyfiyyətin uzun müddətli planlaşdırılmasını həyata keçirirsə, Avropada
keyfiyyətin idarə edilməsi keyfiyyətə nəzarət səviyyəsində qalmışdır (bəzi halları
çıxmaq şərti ilə).
Tarixin sonrakı inkişafı rəqabətqabiliyyətli məhsul istehsalı baxımından
strategiyanın həyata keçirilməsi üçün aşağıdakıların olması vacibliyi yaranmışdır:
vahid qanunvericilik tələbləri (direktivlər), vahid standartlar,vahid yoxlama
prosesləri (bu firmanın bazar konyuktura tələblərinə cavab verməsini müəyyən
etmək üçün vacibdir).
Keyfiyyət məsələləri həllində Avropa yanaşmasının fərqləndirici xüsusiyyəti
aşağidakilardir: keyfiyyətin qiymətləndirilməsi və təsdiqi ilə əlaqədar bütün işlərin
yerinə yetirilməsi üçün qanunvericilik bazası, milli standart, qayda və
sertifikatlaşdırma proseduru tələblərinin uyğunlaşdırılması, məhsulun və keyfiyyət
sisteminin sertifikatlaşdırılması üzrə işlərin yerinə yetirilməsi səlahiyyəti olan milli
təşkilat şəbəkəsi və regional infrastrukturun yaradılması, laboratoriyaların
akreditasiyası, keyfiyyət üzrə müəssisələrin qeydiyyatı və s.
Qeyd etmək lazımdır ki, İSO ─ 9002 norması layihə qərarlarının, məhsulun
və kommersiya müqavilələrinin mütləq qiymətləndirilməsini nəzərdə tutur.
Keyfiyyətin idarə edilməsi səhvlərin qarşısının alınması onların düzəldilməsi və
nəzarətini əhatə edir. Əgər müəssisə bazarda rəqabətqabiliyyətliliyə can atırsa, bu
halda ancaq keyfiyyətə nəzarətin maliyyələşdirilməsi qəbul edilməlidir. Yüngül
sənaye müəssisələrində keyfiyyətə ancaq tsiklin axırıncı mərhələsində, yəni
istehsal olunmuş hazır məhsulda tam nəzarəti təmin edirlər. Belə yanaşmada
məhsulun keyfiyyətinin aşağı olması səbəblərinin aşkar edilib onların aradan
qaldırılması mümkün olmur. Müəssisələr tərəfindən səhvlərin qarşısının alınması
12
baxımından keyfiyyətin idarə edilməsi məsələsi həll olunmur ki, bu da öz əksini
istehsal tsiklinin sonrakı mərhələlərində büruzə verir.
Inkişaf etmiş ölkələrdə keyfiyyətə yanaşma başqa səciyyə daşıyır, beləki,
xərclərin keyfiyyətlə əlaqədar bölgüsü çox fərqlənir. Yəni, nəzarət və səhvlərin
qarşısının alınmasına sərf olunan xərclərə mənfəət gətirən kapital qoyuluşu kimi,
səhvlərin düzəldilməsinə çəkilən xərclərə isə itki kimi baxırlar. Təbiidirki, bu halda
müəssisə itkinin azaldılması və vəsaitləri səhvlərin qarşısının alınmasına
yönəltməyə cəhd edir. Bunun üçün keyfiyyətin idarəedilməsi üsullarından geniş
istifadə olunur. Ən yaxşısının seçilməsi üçün müxtəlif variantların, o cümlədən
keyfiyyətin
qiymətləndirilməsinin
tətbiqi
zəruridir,
çünki
keyfiyyətin
qiymətləndirilməsi onun idarə edilməsinin ayrılmaz hissəsidir. Məhsulun
keyfiyyəti kompleks göstəricidir və onun səviyyəsinə müxtəlif amilllər təsir edir.
Onun qiymətləndirilməsi üçün spesifik üsuldan istifadə olunması vacibdir. Bu
məqsədlə iqtisadi ədəbiyyatda tədqiqatçı T. Saatinin ierarxiyanın təhlili üsulundan
istifadə olunması qeyd edilir. Bu üsulun məğzi ondan ibarətdir ki, problemin həlli
üçün onu dekompozisiya yolu ilə ayrı ─ ayrı kiçik tərkib hissələrinə ayırırlar.
Bundan sonra ardıcıl işlənmə və cüt müqayisə yolu ilə qərar qəbul edən şəxslərin
düşüncələrinə müvafiq həllər yerinə yetirilir. Matritsa ilə işin nəticəsi olaraq
element və ierarxiya arasındakı qarşılıqlı nisbi əlaqə dərəcəsi hesablanır və
alternativlər nöqteyi nəzərindən ən yaxşısı seçilir.
Qeyd etməliyik ki, fikrimizcə irarxiyanın təhlili üsulunun aşağıdakı
çatışmayan cəhətləri vardir:
a) alternativlər sayının artması ilə bu alternativ səviyyələrə müvafiq olaraq
bütün matritsaların yenıdən qurulması vacibliyi yaranır. Təəssüfki, bu zaman
əvvəllər əldə edilmiş informasiyadan istifadə etmək mümükün olmur, bu da öz
növbəsində alternativlərin seçilməsi üçün bütün məqamların yenidən tam olaraq
hesablanması zərurəti yaradır. Bu iş alternativlər sayının çox, dəyişən mühitin
məcmuunun böyüklüyündən asılı olaraq daha kritik hala gəlib çıxır.
Dostları ilə paylaş: |