35
14 Fevral – Beynəlxalq Kitab Bağışlama Günü, (2012)
14 Fevral – Beynəlxalq Kitab Bağışlama Günü (International Book Giving Day)
– təqvimdə ən gənc bayramlardandır. Bu gün uşaqlara kitab bağışlayan və onlarda
kitaba məhəbbət yaradan bütün insanları birləşdirir.
Bu bayram 2012-ci ildə özünün meydana gəlməsində ABŞ-da məşhur Delightful
Children’s Books uşaq kitabı saytının yaradıcısı Emmi Brodmura borcludur. Bu
ideyanı ona balaca oğlu vermişdir. O, anasından soruşmuşdur ki, niyə insanların bir-
birinə kitab bağışladığı xüsusi gün yoxdur.
Öncə Emmi Brodmur internet şəbəkəsində müxtəlif insanlara bu təşəbbüsə
qoşulmağı təklif etmişdir. İki il ərzində bu təşəbbüs dünyada dəstək qazanmış və indi
də yeni iştirakçılar cəlb etməkdə davam edir.
Bu əlamətdar günün yayılmasında məşhur müəlliflərin, bloqqerlərin və uşaq
yazıçılarının dəstəyi mühüm rol oynamışdır. Hər il minlərlə həm oxunmuş, həm də
yeni kitablar dünyanın bütün istiqamətlərinə yola salınır və uşaqlarda kitaba məhəbbət,
böyüklərdə isə bağışlamaq, hədiyyə etmək sevinci yaradır.
İnternetdə:
www.books.google.com
36
17 Fevral – Təmənnasız Xeyirxahlıq Günü
Hər il fevralın 17-də bütün dünyada qeyd olunan Təmənnasız Xeyirxahlıq
İfadəsi Günü (Random Acts of Kindness Day) beynəlxalq xeyriyyə təşkilatlarının
təşəbbüsü ilə təsis olunmuşdur. Bu bayram ABŞ-da yaransa da, lakin bu gün artıq
ümumdünya əhəmiyyətli bayrama çevrilmişdir və vətəndaşlıqdan, milliyyətdən və dini
inanclardan asılı olmayaraq qeyd olunur.
Bu bayram daha çox Qərbi Avropa və ABŞ-da məşhurdur. Həmin gün bir çox
şəhərlərdə ənənəvi olaraq məşhur aktyorların, ictimai və siyasi xadimlərin iştirakı ilə
xeyriyyə tədbirləri və marafonları keçirilir.
Əgər insan öz yaxşılığı müqabilində təşəkkür gözləyirsə, bu həqiqi yaxşılıq,
xeyirxahlıq hesab olunmur. Siz xeyirxahlıq etdiyiniz insanların sevincini görməyi və
tərifini eşitməyi gözləməməlisiniz. Xeyirxah əməllər özlüyündə sizə zövq verməlidir,
buna görə tərif gözləməməlisiniz. Əsl xeyirxahlıq budur!
İnternetdə:
www.books.google.com
37
21 Fevral – Beynəlxalq Ana Dili Günü, (1999)
“Ana dilimiz müstəqil Azərbaycanın, Azərbaycan xalqının ən böyük sərvətidir”.
Ümummilli lider Heydər Əliyev
“Ey türk oğulları, vətənin bir ovuc torpağını dünyanın var-dövlətinə, dilimizin bir
sözünü ləl cavahirata dəyişməyin”.
Şah İsmayıl Xətai
Beynəlxalq Ana Dili Günü YUNESKO-nun 1999-cu il noyabr tarixində
keçirilən Baş konfransının 30-cu sessiyasında təsis edilib və 21 fevral 2000-ci ildən
dünyada dil və mədəniyyət rəngarəngliyini qoruyub saxlamaq üçün qeyd edilir.
Dil hər bir millətin maddi və mənəvi irsini qoruyan və inkişaf etdirən ən mühüm
və ən güclü vasitədir. Hər bir insan öz ana dilini yaxşı bilməli və onu qorumalıdır.
Çünki Ana dili insanın mənəvi aləminin zənginləşməsində, dünyagörüşünün
genişlənməsində, mükəmməl təhsil almasında, öz soydaşları ilə ünsiyyət qurmasında
mühüm rol oynayır. Ana dili millətin özünəməxsusluğunu qorumaqla yanaşı, tərcümə
vasitəsilə başqa xalqların mədəni irsi ilə tanış olmağa, onlarla ünsiyyət qurmağa imkan
yaradır. Dünyada məhv olmaq təklükəsi ilə üzləşən dillərin qorunması məqsədilə hər
il keçirilən Beynəlxalq Ana dili Günü hər kəsə öz doğma dilinin varlığını hiss etmək,
onunla qürur duymaq, inkişaf etdirmək hüququ olduğunu bir daha xatırladır. Dil
ünsiyyət vasitəsidir, millətin simasını səciyyələndirən amillərdən biri, bəlkə də
birincisidir. O, hər hansı bir xalqın varlığının təzahürü, onun milli sərvəti, qan
yaddaşıdır. Xalqın taleyi, onun mənliyi, mənəviyyatı və mədəniyyəti olan dil
cəmiyyətin təşəkkülü və inkişafı ilə birgə yaranır, tərəqqi edir. Millətin dilinin dövlət
statusuna yüksəlməsi isə tarixi hadisə, milli dövlətçilik, tarixin qızıl səhifəsidir. Bu
məqam millətin millət olaraq təsdiqidir.
İnternetdə:
www.books.google.com
38
27 Fevral – Beynəlxalq Qütb Ayısı Günü
Hər il fevralın 27-də dünyada Beynəlxalq Qütb Ayısı Günü (International Polar
Bear Day) qeyd olunur. Bu günün qeyd olunmasının əsas məqsədi ictimaiyyətin onlar
haqqında məlumatını artırmaq və bu heyvanların qorunmasının vacibliyini
vurğulamaqdır. Həmin gün ənənəvi olaraq təbiətin müdafiəsi ilə məşğul olan ekologiya
təşkilatları tərəfindən müxtəlif aksiyalar və maarifləndirici tədbirlər həyata keçirilir.
Qütb ayılarının yoxolma təhlükəsinin əsas səbəblərindən biri olan qütb
buzlaqlarının ərinməsidir. Ağ ayıların məhv olmasının daha bir səbəbi ətraf mühiti
çirkləndirən neft quyularının işlənməsidir.
Son illərdə əldə olunmuş məlumatlar sübut edir ki, Qütb ayısı təqribən 5 milyon
il əvvəl təkamülə başlamışdır. Onun əcdadı qonur ayı olmuşdur. Lakin ağ ayı, qonur
ayıdan fərqli olaraq, uzaq Şimalda, dəniz buzları arasında yaşamağa uyğunlaşmışdır.
İnternetdə:
www.books.google.com
Dostları ilə paylaş: |