180
№ 3 (11) Sentyabr 2014
***
Valehin Bakıdakı həkiminin yanına getdim.
Sizə danışdığım əhvalatı utana-utana ona da
danışdım. Sağ olsun, o da mənim kimi sevindi və
indi nə etmək istədiyimi soruşdu. Dedim ki, Minskə
aparmaq istəyirəm. Qətiyyətlə bildirdi ki, ora
aparmaq imkanınız varsa, heç nəyə baxmadan gedin.
Sonra oradakı tələbə yoldaşına da məktub yazdı.
Xəstənin vəziyyətini şərh elədi. Bu illər ərzində
çəkilmiş rentgen şəkillərini, işlətdiyimiz dərmanları
da əlavə etdi. Mən türk həkimin elədiklərini də
dedim. Həkim gülüb dedi ki, mən onu yaza
bilmərəm, onu özünüz şifahi deyərsiniz.
Tək problemimiz maddi məsələdir. Pul
dəyişikliyi, sonra da qaçqın-köçkünlük hamı kimi
bizim ailəyə də ağır ziyan vurub. Əlimdə az pul var.
Bu
pulla
Minskə
getmək
axmaqlıq olardı.
Qızıllarımı satacam, bankdan kredit götürəcəm.
Qərarım qətidir. Simran da nəsə edəcək axı...
Aparacağam, vəssalam!
***
Təzə
kitablar almışam. Birini seçib
Valehçün ucadan oxuyuram. Roman müəllifi özünün
60 illiyi münasibətilə çıxışında dediyi sözləri
kitabada ―Ön söz‖ kimi verib. Ürəyimdə oxudum,
xoşuma gəldi. Başladım Valehçün də ucadan
oxumağa. Axı biz ikimiz də kitab dəlisi olmuşuq.
Valeh bu günə düşəndən sonra çox şeydən
soyumuşuq, elə kitabdan da. Amma mən bilirəm ki,
o kitabdan aldığı həzzi heç nədən almır. Ona görə
ucadan oxuyuram:
― -Mən bu dünyada haqqın və ədalətin yanında
çox az adam gördüm. Amma gördüm.
-Sözün, illah da düz sözün qiyməti doğrudan
da yoxmuş. Kimisi üçün bu əskiklik, kimisi üçün isə
ən böyük qiymət anlamındadır.
-Kitab oxuyanları hörmətli gördüm –
kitabdan aldıqları bilgilər onların hörmətini birə min
artırmışdı.
-Yaltaqlıq
səndən uzaqdadırsa, ona
bulaşmamısansa, qorxulu deyil. Elə ki, yaltaqlandın,
sonundur – rəzil olacaqsan. Hamı bunu səndən
umacaq.
-Şirə ölüm deməkdir. Həşarat şirəyə batanda
öldüyü kimi, insan da harama bulaşanda özünün
qəbirini qazır. Ona əbədilik yaddır. Öləndən sonra
lənət payı şirə payından çox olar.
-Ağac yarpaqla diridir, insan ruhun qidası
ağılla. Yarpaqsız ağac adi odundursa, ruhsuz bədən
də qoxuyan meyitdir – abırını torpaq örtər.
-Torpaqla
insan
bədəninin
tərkibində
kimyəvi yaxınlıq var: o səbəbdən insan doğulandan
ölənəcən torpağa can atır.
-Mən yazılarımdakı əzəmətli, köhnə dillə
desək, müsbət qəhrəmanları uydurmalı olmuşam,
çünki onların həyatda prototipi ya yox idi, ya da
mənə bu 60 ildə rast gəlməyib. Mənfiləri isə bir az
rəngləmişəm ki, sizə mənfi enerji ötürə bilməsinlər.
-Əgər sizi əhatə edən ortamda xeyirxah
adam yoxsa, onu uydurun, yoxsa yaşamaq çətin olar.
Amma mən beləsiylə rastlaşmışam. Məsələn, yazıçı
Sabir Əhmədli. Ona görə özüm də yorulmadan
xeyirxahlıq etməyə çalışmışam. Qəhrəmanlarımın da
içində belələri yox deyil – hətta uydurma olsalar
belə.
-Yazılarımda sənə oxşayan surət görsən,
özünü o yerə qoyma. O sən deyilsən, sadəcə sənə
oxşayır, vəssalam.
- Qəhrəmanım səninlə adaşdırsa, bu o demək
deyil ki, səni nəzərdə tutmuşam – ağlına da gətirmə.
-Mən dinsiz biri deyiləm, amma gözəl qadını
qara çarşaba, göəz üzlü kişini qapqara saqqala
bükməyi
din saymam, lütfən.
-Mənə bir 60 il də yaşamaq imkanı
verilsəydi, yenə yazıçı olardım. Gözəl insan
qəlbindən (bu qadın qəlbi olanda nə xoş!) və yazıdan
aldığım həzzi heç nədən almadım.‖
Valeh qurcuxur, elə bil nəsə demək istəyir.
Bilirəm ki, yazıçının sözləri ona təsir edib.
Bilirsiniz necə pis zəmanəyə düşmüşük?
Kitab gözdən düşüb. Elm ölüb. Qəzet-jurnal mənasız
şey olub. Teatrlara ayaq basan yoxdur. Bu saat
aktyorlar toyxanalarda tamadalıq edir, ziyalılar
yasxanada mollalıq. Şairlər, yazıçılar yaltaqlıqla
məşquldurlar, köhnə dövrdəki kimi saray ədəbiyyatı
yaratmağa
qurşanıblar.
Rəhmətlik
Füzuli
demişkən:‖Bir dövrdəyəm ki, nəzm olub xar...‖
***
Nuralı kişi qabaqda, arxasınsa tələbə oğlu
Mehralı, onun da arxasınca Ələkbər kəndin yuxarı
başındakı ―Ağ qoç, qara qoç‖ muzeyinə üz tutublar.
Rüblük ədəbiyyat dərgisi
181
Dallarıncan nəhəng bir traktor nərildəyərək gəlir.
Nuralı kişi uzun dimdikli şapkasını başından
çıxardıb alnının tərini silir və barmağını tuşlayır
muzeyə və traktorun səsini batıran gur səslə qışqırır:
-Sal bulduzerin qapağını aşağı, qabaqca bu
hasarları kürü, sonra içindəki o qoçları, heykəlləri
basdır torpağa...
Traktor ağ əhənglə ağardılmış təxminən bir
metrə yaxın hündürlüyü, yüz əlli metrəcən də
uzunluğu olan bu divarları uçurdur, sonra girir içəri
və dayanır.
Bu vaxt qırx 35-40 yaşlarında bir gənc
yerdən çıxıbmış kimi özünü traktorun qabağına
verir. Əynində o zamanın dəbinə uyğun ağımtıl
trapes şalvar, başında ortası düyməli dimdikli şapka
var. Əlindəki qəzeti az qala traktorçunun gözünə
soxacaqmış kimi kabunəyə uzadıb bağırır:
-Siz qəzet oxumursunuz?! Burada yazılıb ki,
xalqların maddi-mədəniyyət abidələri qorunmalıdır!
Siz isə vəhşi kimi onları dağıdırsınız!
Nuralı kişi yeriyir onun üstünə və gözlərini
qıyaraq:
-Sən, a Təhmiraz, sən qolçomaq balasısan,
ünsürsən, dədən trotskiçi idi, zinovyevçiydi, sən də
Mirzə İbrahimovçusan! Sən Lenin dilinin, rus dilinin
əleyhinə propaqanda aparırsan... Deyirmişsən ki,
bizim babalarımız ağqoyunlu-qaraqoyunlu olub...
He-he-he... Əyə, sənin baban ola bilər e,
qoyunotaran, mənimki qəminist olub, bildin?!.
Dağıdın, ə!
Traktor irəliləmək istəyəndə Təhmiraz
özünü atdı qabağına:
-Əvvəlcə mənim üstümdən keçəcəksiniz!
Nuralı kişi dönüb Ələkbərə baxdı və bircə
anda Ələkbər ona dərs demiş müəllimini tutub
sürüdü qırağa və əlbəyaxa oldular. Hardansa atılan
bir daş Ələkbərin düz qaşqasına dəydi və bu
uzundıraz gənci qan götürdü.
Elə bil hər şey əvvəlcədən yazılmış ssenari
üzrə gedirdi: tindən bir göy villis QAZ-69 çıxıb
dayanır, içindən milislər tökülüşüb Təhmiraz
müəllimi zorla maşına soxurlar. Milislər atasını
maşına basanda oğlan yerdən əlinə daşlar alıb onlara
atır. Hətta daşın biri maşının şüşəsinə dəyib sındırır.
Hirslənmiş milislər oğlanı qovub tuturlar, qollarını
qandallayıb atası ilə birgə onu da maşına
mindirdilər. Nuralı kişi milislərə çəmkirir: ―Bu
küçüyü də birbaş Şuşaya, detdoma göndərin, orda
ağıllanar.‖
...Adda-budda peydestal kimi düzəldilmiş
yerlərdə qoyulmuş əlliyəcən qoç heykəlləri, iri saxsı
küplər, ucuna dəmir xış taxılmış cüt, üstü yazılı
sənduqələr... Qoç heykəllərinin bəziləri sağ-salamat
olsa da, bəzilərinin ayaqları qırılıb, bəzilərinin
buynuzları qopub. Saxsı küplərin də eləsi var
çatlayıb,
hətta iki bölünüb, eləsi də var salamatdır.
Traktorçu kabinədən düşüb üzünü Nuralı
kişiyə tutur və az qalır ki ağlasın:
-Nuralı dayı... məni bağışda... nənəm deyirdi
ki, bu qoç heykəlləri pirmiş... mən... mən
qorxuram... Gecə yuxu da görmüşəm...
Başı ağ cunayla sarınmış Ələkbər bir göz
qırpımında traktorun tırtıllarının üstünə qalxır, sonra
kabinəyə keçib işə salır, sürür qoç heykəllərinin,
saxsıların üstünə. Bircə anda hamısını basıb əzir,
sonra traktoru fırladıb qapağıyla torpağı kürüyüb
hamısının üstünü örtür...
Təxminən bir saatdan sonra bura əkilib
malalanmış zəmi yerinə oxşayır...
Nuralı kişi əlini belinə verib məmnun halda
kolxoz idarəsinə tərəf addımlayır. Mehralıyla
Ələkbər də ardınca...
...Axşam toranı düşür. Bir qız uşağı
evlərinin qapısında oturub ağlayır. Ana yox, ata həbs
olunub,
qardaşını elə bu gün uşaq evinə
göndəriblər... Qızcığaz evə girməyə qorxur...
Bu vaxt bizim yaxşı tanıdığımız Raziyə qarı
(onda qarı deyildi təbii) gəlib uşağın əlindən tutub
aparır...
...Dik atılıram. Yazıq nənəmin bir zamanlar
mənə danışdığı əhvalatı indi yuxu kimi görürəm.
Yuxu ilə gerçəklik arasında qalmışam...
***
Taleh məktəbdən bir gündə gəlib ki, dillə
deyiləsi deyil. Uşağın rəngi-rufu üstündən qaçıb,
Raziyə qocam demiş. Gözlərini məndən gizlədir. Nə
illah elədim, danışmadı. Çantasını içəri atıb qayıdıb
çıxmaq istəsə də, qoymadım. Yalvardım, yapışdım,
sallaşıb buraxmadım. Gəlib otursa da, halı yoxdur,
elə bil uşağın afatı uçub. Dilə tutdum, zarafata
saldım, qıdıqladım...
(Boynuma alım ki, bu illər