ki, özümü öldürüm. Baxıb gördüm bunlarla danışmaq
mənasızdır. Ona görə də bircə kəlmə dedim: "Oturduğun stul
heç kimə vəfa qılmayıb. Əlindən nə gəlir, elə".Ordan məni
çıxardıb Şüvəlan həbsxanasına gətirdilər. Dörd aydan sonra
məhkəmə başladı.
- Məhkəmədə Sizin xeyrinizə heç kim ifadə vermədi?
- Xeyrimə deyəndə ki, ifadə verənin 99 faizi deyirdi ki,
bizim bu işdən xəbərimiz yoxdur.
- Proses qapalı keçdi?
- Yox, Ali Məhkəmənin böyük zalı açıq idi.
- İşinizi kim aparırdı?
- Dövlət ittihamçısı Yamən Yusifov, hakim də Firudin
Hüseynov idi. Mən o zaman dedim ki, Yamən müəllim, Sizin
elədikləriniz ağ kağızı qara sapla tikmək-dir.
- Nə qədər iş verdilər?
- 15 il. Onun üç ili həbsxana rejimi idi. Hökmə görə, 18
ay qapalı həbsxanada yatmalı idim. Amma respublika
prokurorunun göstərişi ilə 37 ay 5 gün "krıtı"da saxlanıldım.
- "Krıtı"da nə edirdiniz?
- Kitab oxuyurdum. Orada 300-dən çox kitab oxuyub
qeydlər etmişəm.
- Bəs sonra necə oldu?
- Əslində mənə «krıtı», bağlı türmə düşmürdü. Çünki
vətən xainləri, bir də vəhşicəsinə adam öldürənləri bura
salırdılar. Mən isə Cinayət Məcəlləsinin 170-1, 170-2 -ci
maddələri ilə ittiham olunurdum. Nə isə… Burda məni 18 ay
saxlamalı idilər. Amma dediyim kimi,37 ay 5 gün saxladılar.
Sonra da gətirib Bayılda bir adamlıq kameraya saldılar.
Sahib Sailov
286
Əslində isə məni islahəmək koloniyasına aparmalı idilər.
Oradakılardan soruşdum: "Axı istintaq altında deyiləm. Məni
niyə biradamlıq kameraya salırsınız?" Dedilər: "Polkovnik
Nəsib Əliyevin göstərişidir". Amma bunun mənasız oldu -
ğunu bilirdim. Evdəkilərə xəbər gördərdim. Moskvaya uçdu-
lar. Onda Yuri Andropov Dövlət Təhlükəsizlik Komitəsinin
sədri idi. 8 gündən sonra komissiya gəldi...
Zəkanın gücü
287
ŞÜKÜR RZAYEV APARDIQLARINI
QAYTARMADI
1
- Dediniz ki, komissiya gəldi…
– Hə, Moskvadan komissiya gəldi. Mən tək, bunlar da beş
nəfər, artıq cana doymuşdum.Böyük mübahisəmiz düşdü.
Dedim, məni burada saxlayıb hüquqlarımı niyə pozursunuz.
Nə isə… Bir qədər dava-dalaşdan sonra məni "ştrafnoy"
kolona göndərdilər. Dörd il beş ay orada yaşadım. Müddətim
bitdi, yenə məni buraxmaq istəmirdilər. Onda baş prokuror
İlyas İsmayılov idi. İsmayılova ərizə yazdım ki, qanunsuz iş
görürsünüz.
- Sizi niyə saxlayırdılar ki?
– Nə bilim. Onu cənab İlyas İsmayılovdan soruşun da…
- Əgər İlyas İsmayılovla münasibətiniz bu qədər xoşa -
gəlməz olubsa, niyə Sizin ADP-yə keçməyiniz barəsində söz-
söhbət gəzir?
– Nə bilim. Bircə onu deyə bilərəm ki, mənim fikirlərimlə
ideyaları üst-üstə düşən partiya yoxdur. Əgər olsaydı, onda
çıxardım.
- Yaxşı, bəs sizi nə vaxt buraxdılar?
– 1987-ci il sentyabrın 23-də məni həbsxanadan burax -
dılar. Düz 9 il 9 ay 28 gündən sonra.
- Həbsdən azad olandan sonra sizi həbs edənlərin heç
birinin yanına getmədiniz?
– Gəldim. Azad olunandan sonra Şükür Rzayevlə görüş -
düm. Mən tutulanda evim müsadirə olunmuşdu.
Sahib Sailov
288
1 "Bu gün" 1999-cu il, 5-8 may.
Təltiflərim, arxivim, kitablarım, hətta ad günümdə dostla -
rımın bağışladığı xatirə hədiyyələrini də qarət etmişdilər.
Şükür Rzayevdən lazım olan sənədləri geri istədim.
Bəzilərini geri verdi.
- Hamısını ala bilmədiniz?
– Yox, xatirə hədiyyələrinin çoxunu qarət edən milislər,
inzibati işçilər aparmışdılar.
- Onda Şükür Rzayev sizə necə təsir bağışladı?
– Çox peşman görünürdü. Hər halda qarşısında 10 ilə
qədər həbsdə saxladıqları bir adam dayanmışdı.
- Bəs sizin haqqınızda yayılan çürük pul əfsanəsi necə?
Deyirlər, onda sizin çoxlu pullarınız çürüyüb.
– Yalan söhbətdir. Bunların çoxunu xalq öz folklorunda
yaradıb. O vaxt bir o qədər pul toplamaq olardı? Bir də ki,
əgər pullar aşkarlansaydı, onların çox yox, bircə manatı
götürülüb əşyayi-dəlil kimi işə tikilərdi. Özünüz fikirləşin,
istintaq heç belə fürsəti əldən verərdi?
- Axı həmin dövrdə Şamaxıda oxuyanlardan biri dedi ki,
onda rayonun küçələrinə o pullardan səpələnibmiş. Belə
baxanda şax görsənirmiş. Amma əl vuran kimi ovulurmuş…
– Mən sizə deyirəm, belə şey olmayıb. Pul ola, küçəyə
səpələnə? Bu əfsanələri yaradan adamların kimlər olduğunu
mən çox gözəl bilirəm.
- O vaxt həbsxanada nə işlə məşğul olurdunuz?
– Kolonda olanda "skladda" mallar var idi. Elə-belə onlara
baxırdım.
- Yatdığınız müddətdə sizə fiziki təzyiqlər olub?
– Yox. Adam gərək Allah tərəfi danışa. On ildə bir dəfə də
Zəkanın gücü
289
olsun, mənə fiziki təzyiqlər olmayıb. Dediyim kimi, məqsəd
mənə mənəvi əzab vermək, daxili böhranla üz-üzə qoyub in-
tihara sövq etmək idi.
- Hətta deyirlər, sizin üçün xüsusi şərait
yaradılıbmış.
– Xüsusi şərait deyəndə ki… Açığı o biri dustaqlardan bir
pillə artıq idim.
- Həbsxanada savadlı və təşkilatçı adam kimi hansısa iş
tapşırmışdılarmı?
– Hə. Sovet kollektivinin sədri oldum. Mən təyin edilmə -
mişdən əvvəl çox pis idi. Həkim, dərman məsələsi, doğrudan
problem idi. Siyasi məsələlərlə, həkim, dərman problemiylə
məşğul olurdum. Hətta onda yoxlamaya gələn komissiya da
dəhşətə gəlmişdi. Dustaqların arasında əməlli maariflənmə
işi gedirdi. Amma məni tez çıxardılar. Qorxdular, dustaqları
başıma yığıb aləmi qataram.
- Sizinlə bir vaxtlar daha hansı məşhur adamlar cəza
çəkirdilər?
– İki nəfər tanınmış adam var idi – biri dəmiryol nazirinin
müavini Qoca Eminov, biri də professor Heybət Abdullayev
idi.
- On il az müddət deyil. Bu müddəti həbsxanada keçir-
misiniz. Deyirlər, həbsхana adamları tərbiyə edir. Doğru -
danmı bu belədir?
– Yoх. Kökündən yanlış fikirdir. Orada guya insanları
əməklə tərbiyə edirlər. Əslində heç də belə deyil. Orada işi
görməyi insana əmr edirlər, iş görmədikdə isə bir Allah bilir
insanı necə əzablarda boğurlar.
Sahib Sailov
290
Dostları ilə paylaş: |