Samarqand davlat universiteti raqamli texnologiyalar fakulteti optimal boshqaruv usullari kafedrasi

Ilmiy tahlil – berilayotgan bilimlarning ilmiy-nazariy jihati, to’garak a’zolari bajarayotgan mashg’ulotning maqsadga muvofiq yo’nalishi jihatdan to’g’riligini aniqlash demakdir. Bunda asosan quyidagilarni e’tiborga olish maqsadga muvofiq:
 to’garak rahbarining shu kungi mashg’ulotga ilmiy-metodik jihatdan tayyorlanganlik holati;
 o’z mutaxassisligi bo’yicha ilmiy-nazariy axborotlar bilan qurollanganligi;
 to’garak mashg’ulotlari jarayonida ilmiy qoida va ta’riflarning to’g’ri bayon etilishi hamda ilmiy an’analarning to’garak a’zolari ongiga singdirib borilishi;
 to’garak mashg’ulotlari materiallarining qo’shimcha adabiyotlar bilan boyitilishi;
 to’garak a’zolari to’garak mashg’ulotlari mavzularini ilmiy jihatdan to’g’ri, qisqa va mukammal bayon etishini to’garak rahbari tomonidan nazorat qilinishi;
 to’garak mashg’ulot davomida, yangi mavzuni bayon etishni to’garak rahbari tomonidan nazorat qilinishi, ta’limni tarbiya bilan bog’lab olib borilishi;
 to’garak rahbari va to’garak a’zolarining nutq madaniyati.
Metodik tahlil. To’garak rahbarining to’garak mashg’ulotlari jarayonida qo’llagan usul va metodlarining maqsadga muvofiqligi ta’limning turiga hamda uning o’ziga xos hususiyatlariga qarab belgilanadi. O’quv materialini bayon qilish va tushuntirish jarayonida qo’llanilgan usullarning shu materialga mosligi yoki mos emasligini metodik tahlil davomida aniqlanadi.
To’garak rahbari mashg’ulotda qo’llagan usullarning samaradorligi, rangbarangligi, namunaviyligi, uning o’tgan yangi mavzu materialini to’garak a’zolarining qay darajada o’zlashtirilganligi bilan belgilanadi. To’garak mashg’ulotlarini tahlil qilishda quyidagilarni hisobga olish maqsadga muvofiqdir:
 Ilmiy asoslangan axborotlar berish;
 Ilmiy qoida va ta’riflarni ravon, tushunarli, baland ovozda to’garak a’zolariga etkazish;
 Mantiqiy va o’rinli misollarni o’z vaqtida keltirish va amalda ko’rsatib berish;
 To’garak mashg’ulotlari materiallarini qo’shimcha adabiyotlar bilan boyitish;
 To’garak rahbari va to’garak a’zolari bajaradigan amaliy va mustaqil ishning ilmiy-nazariy jihatdan muvofiqligi.
Bundan tashqari metodik tahlil jarayonida to’garak rahbari mashg’ulot materiallarini to’garak a’zolariga qanday uslubda etkaza olish malakasi o’rganiladi.
To’garak mashg’ulotlarini metodik jihatdan tahlil etishda quyidagi mezonlardan foydalanishimiz lozim:
 To’garak mashg’ulotining texnologik xaritasini ishlab chiqqanligi;
 O’quv maqsadi va natijalarining to’g’ri belgilanganligi;
 To’garak mashg’ulotlari bosqichiga mos ravishda metod tanlanganligi, metod qoidalariga amal qilinganligi;
 Metodni amalga oshirishda ta’limning tashkiliy shakllaridan unumli foydanishi;
 Ta’lim metodi, shakli va ta’lim vositalarini uyg’unlashuviga erishganligi.
Didaktik tahlil – bu to’garak rahbari mashg’ulotini ta’lim tamoyillariga amal qilgan holda (mashg’ulotga qo’yiladigan talablar asosida) olib borilishini nazarda tutadi.
To’garak mashg’ulotlarini didaktik jihatdan tahlil etishda quyidagi mezonlardan foydaniladi:
 Ta’lim vositalarini to’g’ri tanlab o’rinli foydalanilganligi;
 To’garak mashg’ulotlari kirish, asosiy va yakuniy qismlardan iboratligi;
 To’garak mashg’ulotida to’garak a’zolarining faolligiga erishganlik darajasi;
 To’garak mashg’ulotiga ajratilgan vaqtdan unumli foydalanishi