Samarqand veterinariya meditsinasi instituti

Mavzu: Orqa oyoq suyaklarining anatomik tuzilishi


Darsning maqsadi: Oldingi oyoq skeleti tarkibidagi kamar va erkin harakat qiluvchi suyaklar: kurak, elka, bilak – tirsak, bilakuzuk, kaft, barmoqlarning anatomik tuzilishi hamda topografiyasini, turli uy hayvonlaridagi farqlarini o’rganish. Keyingi oyoqdagi kamar hamda erkin harakat qiluvchi suyaklar: tos, son, boldir, tovon, oyoq – kaft, barmoqlarining anatomik tuzilishi va topografiyasini, turli uy hayvonlaridagi farqlarini o’rganish.
Ko’rgazmali qurollar: Har xil turga mansub qishloq xo’jalik hayvonlarining oldingi va keyingi oyoq skeleti va alohida suyaklari: kurak, elka, bilak – tirsak, bilakuzuk, barmoqlar,tos, son, boldir, tovon, oyoq – kaft, barmoqlar.
Darsning mazmuni:Tos kamari ikkita nomsiz suyakning birikishidan hosil bo’lgan tos – pelvis suyagidan iborat bo’lib, har bir suyak o’z navbatida uchta: yonbosh, qov, quymich suyaklarini uz ichiga oladi.
Yonbosh suyak – os ilium - tana – corpus ossis ilii va qanot – ala ossis ilii dan iborat. Yuqorigi tomonida dumg’aza suyagi joylashadi, pastki uchi esa quymich va qov suyaklariga birikadi. Uning sag’ri yuzasi – facies glutaea botiq bo’lib, unda sag’ri liniyasi mavjud. Ichki yuzasi qavariq, unda quloq suprasiga o’xshash yonbosh yuzasi – facies auricularis bor. Suyakning oldingi uchi yonbosh tarog’i - crista iliaca deb nomlanadi; medial uchi tomirlar va nervlar chiqishi uchun katta quymich ariqchasi – incisura ischiadica major ni hosil qiladi. Yonbosh suyagida medial, lateral va kaudal burchaklar farqlanadi.
Quymich suyagi – os ischii ni tanasi– corpus ossis ischii da pastki qavariq va yuqorigi botiq yuzalar mavjud; suyak tanasi oldingi tomondan yopiluvchi teshik – foramen obturatorium ni chegaralaydi, orqa tomonda quymich yoyi – arcus ischiadicus va muskullar birikishi uchun quymich do’ngligi – tuber ischiadicum ni hosil qiladi; suyakning lateral uchi kichik quymich ariqchasi – incisura ischiadica minor ni hosil qiladi, medial uchi esa quymich choqini hosil qilishda ishtiroq etadi. Oldingi tomondan ikkita butos chiqadi: choq butog’i – ramus symphyseus; bo’g’im o’yigi butog’i – ramus acetabularis.
Qov suyagi – os pubis - ikkita butog’i mavjud bo’lib, o’yiq butog’i – ramus acetabularis - quymich va yonbosh suyaklari bilan qo’shilishadi, uning oldingi tomonida qov tarog’i – pecten ossis pubis va qov do’ngligi – tuber pectineus mavjud; choq butog’i – ramus symphyseus uzunasiga joylashgan, tos suyaklarini bir – biri bilan birlashtirish uchun xizmat qiladi, ular qo’shilishib yopiluvchi teshik – foramen obturatorum ni hosil qiladi.
Qov suyagining qorin tomonga qaragan yuzasida bir nechta g‘adir – budir joy bo‘lib, ular qov tarog‘i - pectin ossis pubis deyiladi. Bu taroq yonbosh suyagining tanasi tomonga o‘tib, yonbosh – qov bo‘rtigi - eminentia iliopectonea ni hosil qiladi. Har qaysi qov suyagi bir – biri bilan qo‘shilgan joyning old qismi qalinlashib, qov bo‘rtigi - tuberculum pubicum ni hosil qiladi. Bu bo‘rtik erkak hayvonlarda ayniqsa yaxshi rivojlangan bo‘ladi.
Erkak hayvonlarda tosning pastki devori gorizontal, qov do’ngligi taraqqiylashgan, quymich yoyi va katta quymich ariqchasi chuqur, quloq suprasiga o’xshash yuza orqaga egilgan. Urg’ochi hayvonlarda tosning pastki devori oldinga egilgan, qov do’ngligi kam, quloq suprasiga o’xshash yuza oldinga egilgan.