Samarqand veterinariya meditsinasi instituti

Kaft usti suyagi-ossa carpi

1-bilak suyagi; 2,3,4-yon,o’rta va ichki pay ariqchalari 5-bilaguzuk suyagi 6-oraliq bilaguzug suyagi 7-tirsakning bilaguzug suyagi 8,9,10-bilaguzukning II-III - IV-V-suyaklari,11-qo’shimcha suyak,12-II-kaft suyagi,13-III-kaft suyagi,14-orqa tomon suyagi

Pastki qatorda 3 – 4 ta suyakcha bo‘lib, ular I – II – III – IV – V bilaguzuk suyaklari - os carpi primum, secundum, tertium, quartum, guintum deyiladi. Bu suyaklar keyinchalik I – II ga va IV – V ga qo‘shilib ketadi. III bilaguzuk suyagi boshqalariga qaraganda kattaroq va so‘yri shaklda, I – II suyakchalar esa yuqori qatordagiga o‘xshash bo‘ladi. Bilaguzuk suyaklarining ustki yuzasi bir oz tekis, orqasi g‘adir – budur bo‘ladi. YUqorigi qatorning ustki yuzasida bilak, tirsak suyaklari birlashishi uchun chuqurroq bo‘g‘im maydonchasi bor. Pastki qator kaft suyaklarini bo‘g‘im maydonchalari bilan birlashtiradi.
Kaft suyaklari – ossa metacarpi - uzun naysimon bo’lib, bir tuyoqlilarda uchtasi qolgan, shulardan 3 chisi yaxshi rivojlangan, qoramolda 3-nchi va 4-nchilari qo’shilgan. 5-nchisi rudimentlashgan, 1-nchi va 2-nchilari bo’lmaydi. Suyaklarning yuqorigi uchida bo’g’im maydonchasi – facies articularis carpi, pastki uchida esa blok – trochlea metacarpi mavjud bo’lib, unga birinchi barmoq birlashadi.
Barmoq suyaklari – ossa digitorium - har qaysi barmoqda uchtadan suyaklar joylashadi: birinchisi – tushoq, ikkinchisi – yumaloq, uchinchisi – tuyoq deyiladi. Birinchi barmoq suyaklari – phalanx prima uzun, asosiy qismi – basis phalanx, yuqorisida bo’g’im chuqurchalari – facies articulari metacarpi, pastki tomonida bo’ylama ariqcha – sulcus phalangis bilan bo’lingan g’altagi mavjud. Ikkinchi barmoq suyaklari – phalanx secunda - yumaloq, yuqorisida bo’g’im yuzasi - facies articularis bor. Uchinchi barmoq suyaklari – phalanx tertia - kavsh qaytaruvchilar va cho’chqalarda – tuyoqcha, otlarda – tuyoq, panjalilarda – tirnoq deyiladi. Tuyoq suyagining yuqorigi tomonida ikkinchi barmoqning bloki kirib turishi uchun bo’g’im chuqurchasi mavjud, tovon yuzasida bo’kuvchi do’nglik – tuberositas flexoria bor
Kunjutsimon suyaklar – ossa sesamoidea – yumaloq bo’lib, muskullar ishiga yordam beradi. Kaft, tushoq suyaklari orqa tomonida birinchi barmoqning kunjutsimon suyaklari – ossa sesamoidea phalanx joylashib, ular juft bo’ladi.


Barmoq suyaklari-ossa digitorium
A-old tomondan B-orqa tomondan ko’rinishi,1-bilak suyagi,2-tirsak suyagi,3-qo’shimcha bilaguzug suyagi,4,6-bilakning bilaguzuk suyagi,5-oraliq bilaguzuk suyagi, 7-birinchi bilaguzuk suyagi,8-ikkinchi bilaguzuk suyagi,9-uchinchi bilaguzuk suyagi,10-IV-V-bilaguzuk suyagi,11-tirsakning bilaguzuk suyagi,12-beshinchi kaft suyagi,13-IV- kaft suyagi,14-III- kaft suyagi,15-II- kaft suyagi,16-II-barmoq suyagi,17,18,19-III-IV-V- barmoq suyagi.