76
Fəribürz öz sərkərdələrini toplayaraq vəziyyəti onlara izah etdi və dedi: "Ola bilsin ki, bizi mühasirəyə alan
gürcülər qalib gəlsinlər və o zaman atam heç birimizi sağ qoymayacaqdır, gürcülər isə ölkənin yarısını, bəlkə də
hamısını tutacaqlar. Bu isə dəhşətli olacaqdır. Biz onlara qarşı bir dəstə ilə çıxmalı və onları birinci olaraq
qarşılamalıyıq. Əgər biz qələbə qazansaq, Allaha çox şükür, onlar qalib gəlsələr,
[141 - 142]
o zaman (xilas yolu)
mühasirədədir". Qoşun başçıları bununla razılaşdılar və III Fəribürz min nəfərə yaxın kiçik bir süvari dəstəsinin
başında gürcülərin üçminlik qoşununun qabağına çıxdı, döyüşdə qalib gələrək onları darmadağın etdi. Qaçmağa
başlayan gürcülərin bir çoxu öldürüldü və əsir alındı. Çox az adam, o cümlədən devrilmiş Şirvanşah canını
qurtara bildi və olduqca pis vəziyyətdə Gürcüstana qayıtdı. Gürcülərin nümayəndələri Gərşəsbə onların ölkəsini
tərk etməyi təklif etdilər. "Sənin ucbatından biz heç nə əldə edə bilmədik". Lakin biz səni qınamırıq, ancaq daha
bizim
ölkəmizdə qalma". Gərşəsb Gürcüstanı tərk etdi, lakin uzun müddət sığınacaq tapa bilmədi. Bu
hadisələrdən sonra III Fəribürz
Şirvanda hakimiyyəti möhkəmləndi. O, ədalətli hökmdar idi, “qoşun və rəiyyətlə
yaxşı rəftar edirdi, camaatın torpağını və zorakarlıqlara əlindən alınmış pulların özlərinə qaytardı və onlara
şahın hakimiyyəti sayəsində xoşbəxt həyat sürdülər". Bəhs edilən hadisələrdən azacıq sonra, 1225-ci ildə,
xarəzmşah Cəlal əd-Din Məngburni böyük ordu ilə Zaqafqaziya ölkələrinə soxuldu. O yetmiş minlik gürcü
ordusunu darmadağın edərək, qaçmağa məcbur etdi və ölkələrini viran qoydu. Sonra o, Azərbaycanı və Gəncəni
zəbt etdi.
166
Hələ I Axsitan dövründən Xarəzmşahların artmaqda olan qüdrətini görən Şirvanşahlar onlarla
dostluq münasibət yaratmağa çalışırdılar. Cəlal əd-Dinin atası Əlaəddin Məhəmmədin (1200-1220) Şirvana
hücumundan qorxuya düşən I Gərşəsb ta Dərbəndə qədər Şirvan şəhərlərinin məscidlərində sultanın şərəfinə
xütbə oxunmasını əmr etmişdi.
167
Ən-Nəsəvinin məlumatına görə sultan (Cəlal əd-Din) h.622 (1225)-ci ildə
Arranı ələ keçirdikdən sonra Şirvanşah Fəribürz ibn Gərşəsbə (mətndə, səhvən, Əftidun ibn Fəribürz getmişdir.
Ehtimal ki, ən-Nəsəvi III Fəribürz əvəzinə onun Şəki və Qəbələ hakimi olan oğlu Əfridunun adını çəkmişdir)
məktub göndərərək, Məlik şahın xəzinəsi üçün ayrılmış xəracı tələb etmişdi. Lakin Şirvanşah öz dövlətinin ağır
vəziyyətdə olduğunu, ölkəsinin böyük bir hissəsinin, məsələn, Şəki və Qəbələnin onun nəzarəti altından
çıxdığını bəhanə gətirdi. Həm də, gürcülər ölkənin ucqarlarını zəbt etmişdilər. "Bu məsələ barəsində onlar, bir-
birinə elçi göndərməkdə davam etdilər və nəhayət, hər il Cəlal əd-Dinin xəzinəsinə əlli min dinar verilməsinə
razılaşdılar".
168
Xarəzmşah Gürcüstana soxulduqdan sonra "gürcülərin bir neçə il ondan əvvəl, hələ güclü
olarkən Şirvanşahın əlindən tutub aldıqları Şirvan şəhərlərini - Şəki və Qəbələni geri qaytardı və həmin
şəhərlərə hakimlər təyin etdi. Xarəzmşahın Beyləqana və Muğana ikta şəklində sahib olan vəziri Şərəf əl-Mülk
ixtiyarında olan vilayətləri çapıb-talayır, türkmənlərin mal-qarasını qovub aparır, həmin yerlərin bütün
gəlirlərini mənimsəyirdi. Şərəf əl-Mülk 1227-ci ildə Muğanda olarkən III Fəribürzdən Şirvanşahın sultanın
xəzinəsinə verməyi öhdəsinə götürdüyü 50 min dinarı tələb etdi. Lakin vəzirin pulu mənimsəmək istəməsindən
şübhələnən Şirvanşah pulu verməkdən imtina etdi. Onda Şirvanşahı cəzalandırmaq qərarına vəzir Şirvana
soxulmaq məqsədilə dörd min süvari ilə Kürün sahillərinə yaxınlaşdı. Lakin Şirvanşah Şirvanı tərk etdi və Şərəf
əl-Mülkün ekspedisiyası bir nəticə vermədi. Bundan sonra vəzir Ara keçərək Şirvanşaha məxsus olan Güştəsbi
vilayətini tutdu. Şirvanşahın amillərini (vergi yığanlarını) oradan qovdu və vilayət
:
200 min dinara icarəyə
(daman) verdi.
[142 - 143]
Şərəf əl-Mülkün bu hərəkət Fəribürzü Güştəsbi vilayətinin gəlirindən məhrum etdi.
Güştəsbi vilayəti Kür və Araz çayları arasında yerləşirdi və ora ancaq gəmi ilə getmək olardı.
169
Xarozmşah Cəlal əd-Din Tiflisi aldıqdan sonra Gərşəsbin oğlu Cəlal əd-Din Sultanşahı əsirlikdən
qurtarıb özü ilə
apardı və Muğana qayıtdıqdan sonra Güştəsbi vilayətini iqta
şəklində ona verib həmin vilayətin
sahibi etdi. Nəsəvi yazır; “Sultan gürcülərin ölkəsini tutanda yetimi əsarət məngənəsindən azad etdi...
Şirvanşahın oğluna gəlincə, o, sanki gözəl bir halə arasındakı parlaq mirvari dənəsi idi. Sultan ona ən yüksək
səviyyədə tərbiyə verdi, hökmdar övladı kimi sünnət etdirdi. Sonra onu atas;ndan qalan mirasın bir hissəsinin -
Güştəsbinin hakimi təyin etdi...” Nəsəvi Cəlal əd-Din Sultanşahı yetim adlandırır ki, bu da onun Rəşid, yaxud
Fəribürzün deyil, Gərşəsbin oğlu olduğunu göstərir, Xarəzmşah Soltanşahı əsirlikdən Tiflisi aldıqdan sonra,
h.623-cü il rəbiüləvvəl ayının 8-də (9 mart 1226), Gərşəsb artıq həyatda olmadığı vaxt azad etmişdi. Bu vaxt
Xarəzmşahın Şirvana soxulacağından qorxuya düşən III Fəribürz “Sultanın xalçasına ayaq basmasının onun
üçün şərəf sayılacağını, taleyin dönüklüyündən qoruyacağını, qara gün üçün ehtiyat alacağını” fıkirləşərək
sultanın qərərgahına gəldi. Şirvanşah sultana 500, vəzir Şərəf əl-Mülkə isə 50 türk atı hədiyyə verdi. Bəxşişin
azlığından narazı qalan vəzır sultana Şirvanşahı həbs etməyi və ölkəsini sultanın onunla qonşu olan torpaqlarına
birləşdirməyi məsləhət gördü. Lakin sultan vəzırınin məsləhətinə rəğmən Şirvanşaha fəxri geyim bağışladı və
ona “hakimliyinin təsdiq olunması və (xəzinə üçün) nəzərdə tutulan
məbləğin iyirmi min dinar azaldılması”
barədə fərman (tauki) verilməsini əmr etdi. Şirvanşah da fərmanın tərtibinə görə vəzirə min
dinar bağışladı.
170
Beləliklə, Şirvanşah öz müstəqilliyini, ölkəsini
isə dağıntıdan və müharibədən qoruyub saxlaya bildi.
III Fəribürzün hakimiyyəti dövründə, h.629 (1231/2)-cu ildə
ölkə ikinci dəfə 8 il ərzində Qafqaz
ölkələrini, o cümlədən Şirvanı
işğal etmiş monqolların hücumuna məruz qaldı. Numizmatık və epiqrafik
məlumatlar ölkənin monqol işğal dövründə Şirvanşahın real vəziyyətini əks etdirir. III Fəribürzün də, atası kimi,
bir neçə sikkəsi qalmışdır. Onlardan ən qədimi h.622 (1225)-ci ilə aiddir. Onların bir tərəfındə "əl-məlik əl-
müəzzəm Fəribürz ibn Gərşəsb, Fərruxzad ibn Mənuçöhr", digər tərəfdən isə həmişəki kimi din rəmzi və xəlifə
Dostları ilə paylaş: |