327
prezident olarkən ekoloji proqrama ayrılan ianələri azaltdı. 1980-ci il
seçkilərində RP – nın qalib
gəlməsi ilə, hərəkat Konqresdə olan
tərəfdarlarını itirdi.
ABŞ-da yaşlılar hərəkatı da geniş yayılmışdı. XX əsrin 80-
ci illərində bu hərəkatda iki amil mühüm idi: 1) ABŞ-da sosial
sığortalanma sisteminin böhranlı vəziyyəti; 2) demoqrafik
yerdəyişmələr. Müasir mərhələdə bu hərəkatın əsas məqsədi əvvəllər
qazanılan sosial hüquqların qorunub saxlanmasıdır. Bu isə
qocalarkən sosial təminat və tibbi yardım edilməsi hüquqlarıdır. RP
hakimiyyətdə olanda yaşlıların sosial təminatı ilə bağlı ianələr
azaldıldı və bu hərəkat gücləndi. Bu hərəkatın 80-ci illərdə aşağıdakı
təşkilatları vardı: - «Amerika təqaüdçülərinin assosasiyası» (1958,
14,5 milyon üzvü var ), «Amerikanın yaşlı vətəndaşlarının milli
soveti» (1961, 4 milyon üzv ), «Yaşlı vətəndaşların milli alyansı»
(1974, 800 min üzv ) və s. Ümumiyyətlə yaşlıların 35 ictimai təşkilatı
vardır. Bu hərəkat öz fəaliyyətini bütün sahələrdə öz lobbiləri vasitəsi
ilə qurur, həmkarlar ittifaqları ilə fəaliyyətini əlaqələndirirlər.
ABŞ-da konsyumerizm (ingiliscə - «istehlakçı» deməkdir)
hərəkatının kökü XIX əsrə gedib çıxır. Konsyumerizmin öz tarixi
1928-ci ildən başlayır. Bu vaxt birinci «İstehlakçılar üçün axtarış»
yaradılmışdır. Bu təşkilat məhsulun keyfiyyəti üzrə lobaratoriya
yoxlaması aparır və nəticələri ictimaiyyətə bildirir. 1936-cı ildə bu
təşkilatdan «ABŞ-ın istehlakçılar ittifaqı» ayrıldı. Bu təşkilatlar
alıcılar arasında sorğular aparır və nəticələri aylıq nəşr olan
«Konsyumer riports» jurnalında
dərc etdirirlər, jurnalın abunəçiləri
bu təşkilatın üzvü sayılır.
R.Heyderin adı ilə bağlı olan «yeni konsyumerizm», hansı
ki, XX əsrin 60-cı illərinin sonlarında yaranıb, birinci yerə siyasi
mübarizəni qoyur, bütün səviyyələrdə seçkilərdə fəal iştirak edir,
lobbi fəaliyyəti ilə məşğul olurlar. Heyderin yaratdığı təşkilatlardan
«Qanunun məsuliyyətli tətbiqinin öyrənilməsi mərkəzi» (1968),
«Vətəndaş-ictimayyətçi» (1971), «Konqresin fəaliyyətini müşahidə»
(1973) və sairəni göstərmək olar. 1967-ci ildə yaranmış «Amerika
istehlakçılarının federasiyası» ən iri və ən güclü təşkilat hesab olunur.
328
KONQRESİN KOMİTƏLƏRİ
Konqresin fəaliyyətində daimi və xüsusi komitələr mühüm
rol oynayır. Onlar hər 2 palatada təşkil edilir, hər bir komitə dövlət
idarəçiliyinin konkret bir sahəsində xidmət göstərir. Senatda 16 daimi
və 4 xüsusi komitə var. Daimi komitələr: 1) kənd təsərrüfatı, ərzaq və
meşə təsərrüfatı üzrə; 2) ianələr üzrə; 3) silahlı qüvvələrin
işi üzrə;
4) bank işi, ev tikintisi və şəhərlərin problemi üzrə; 5) büdcə; 6) ti-
carət, elm və nəqliyyat üzrə; 7) enerji
və təbii ehtiyatlar üzrə; 8) ətraf
mühitin problemləri və ictimai iş üzrə; 9) maliyyə; 10) xarici işlər
üzrə; 11) hökumət məsələləri üzrə; 12) hüquq üzrə; 13) əmək və əha-
li ehtiyatları üzrə; 14) senatın reqlamenti və administrasiyası məsə-
lələri üzrə; 15) xırda biznes məsələləri üzrə; 16) veteranların işi üzrə.
Xüsusi komitələr: 1) kəşfiyyat üzrə; 2) hindu məsələləri
üzrə; 3) etika üzrə; 4) yaşlıların işi üzrə.
Nümayəndələr Palatasında 22 daimi və 5 xüsusi komitə
var. Daimi komitələr: 1) kənd təsərrüfatı üzrə; 2) ianələr üzrə; 3)
silahlı qüvvələrin işi üzrə; 4) bank işi, maliyyə və şəhərlərin
problemləri üzrə; 5) büdcə üzrə; 6) Kolumbiya dairəsinin işi üzrə; 7)
təhsil və əmək üzrə; 8) enerji və ticarət üzrə; 9) xarici işlər üzrə; 10)
hökumət əməliyyatları üzrə; 11) palatanın administrasiya məsələləri
üzrə; 12) daxili və adalar işi üzrə; 13) hüquq üzrə; 14)
dənizçilik
ticarəti və balıqyetişdirmə üzrə; 15) poçt işləri və vətəndaş xidməti
üzrə; 16) ictimai işlər və nəqliyyat üzrə; 17) qanunlar komitəsi üzrə;
18) elm, kosmos və texnika üzrə; 19) xırda biznes məsələləri üzrə;
20) rəsmi şəxslərin xidmət hərəkətləri standartları üzrə; 21)
veteranların işi üzrə; 22) mədaxil və məxaric üzrə
Xüsusi komitələr: 1) kəşfiyyat; 2) ahılların işi üzrə; 3)
uşaq, gənclər və ailə işləri üzrə; 4) aclıq
problemi üzrə; 5) narko-
maniya problemi və narkotiklər üzərində nəzarət üzrə.
Daimi komitələrin əsas vəzifəsi öz sahəsinin problemləri
üzrə qanun layihələri hazırlamaqdır. Komitələr tərəfindən hazırlan-
mış qanun layihələrinin və qətnamələrin 90%-i hər 2 palata tərəfin-
dən bəzi əlavələrlə bəyənilir.
Komitələrin vəzifələri sırasında öz sahəsinin federal
hökumətləri orqanları ilə əlaqə saxlanılması və nəzarətin həyata
keçirilməsi, bu orqanların fəaliyyətinin yoxlanılması, həmçinin fərdi
şəxs və təşkilatların da, komitələrin maraqları sferasını əks etdirən
istənilən məsələ üzrə dinləmələr keçirməsi də daxildir.
329
Komitələrin sədrləri konqresdə seçilən fiqurlar hesab
edilirlər. Sədr komitənin bütün işinə rəhbərlik edir: - iclası təyin edir,
hansı qanun layihəsinə baxılacağını, dinləmələr aparılmasını təyin
edir və alt-komitələri yaradır. Komitə sədri vəzifəsini iş sahəsində
təcrübəli olan, konqresin üzvü olan şəxs tutur. Xüsusi komitələr
palatalar tərəfindən müəyyən bir məqsədi yerinə yetirmək üçün
yaradılır, lakin praktikada onların çoxu konqresin bir neçə çağırışları
müddətində fəaliyyət
göstərir, öz səlahiyyətləri və iş metodları ilə
faktiki olaraq daimi komitələrdən fərqlənmir.
Həm də hər iki palatanın birləşmiş komitələri də mövcuddur.
Belə komitələr dörddür: 1) iqtisadi; 2) vergi qoyuluşu; 3) konqresin
kitabxanası üzrə; 4) nəşriyyat üzrə. Onların əsas vəzifəsi palataların
mövqelərini koordinasiya etməkdən ibarətdir. Onlar qanun layihələri
hazırlamırlar.
Demək olar ki, bütün daimi komitələr alt komitələri
yaradırlar. Alt-komitələr komitələrin kompetensiyası çərçivəsində
daha xırda problemlərlə məşğul olurlar. Alt-komitələrdə qanunverici
aktların mətnləri hazırlanır, sonra komitə və palatalarda təsdiq edilir.
Alt-komitələr öz heyətinə görə çox deyil. Onların işində sədr böyük
rol oynayır. 100-cü çağırış Konqresin Sanatın da 60 alt-komitə,
Nümayəndələr Palatasında isə 82 alt-komitə var.
Alt-komitədə üç tərəf sıx əməkdaşlıq edir: 1) qanunverici
problemlərlə məşğul olanlar; 2) federal bürokratiyanın müvafiq
idarələri; 3) lobbilər-kapital qruplarında maraqlı olanlar.
PARTİYA FRAKSİYALARI
ABŞ-ın Konqresində 2 böyük burjua partiyası – Demokratlar
və Respublikaçılar partiyaları təmsil olunub. Konqresin hər 2
palatasında hər 2 partiyanın fraksiyası formalaşır. Əksəriyyətin
fraksiyası – mövcud palatada yerlərin çoxuna sahib olanlar və azlığın
fraksiyası.
Periodik olaraq fraksiyaların iclasları olur.
Orada Konqresin
palatalarının fəaliyyəti məsələlərinə baxılır. Fraksiyaların iclaslarında
komitə sədrlərinin seçilməsi, komitələrin sıralarına partiya üzvlərinin
müəyyənləşdirilməsi vəs. məsələlərə baxılır. Həm də Konqresin
gündəliyində duran siyasi, iqtisadi və sosial problemlər də müzakirə
330
edilir. Partiya fraksiyaları öz fəaliyyətlərində partiyaların milli
rəhbərliyindən asılı deyillər. Konqresin üzvləri isə fraksiya liderinin
əmri ilə səs verməyə borclu deyillər. Bu onunla bağlıdır ki, Konqres
üzvünün seçilməsi yerli dairənin və ya ştatın yerli partiya orqanından
asılıdır, həm də konqresmenlər seçkilər vaxtı onları maliyyələşdirən
yerli kapitalistlərin siyasi, iqtisadi və s. maraqlarını ifadə edirlər.
Hər palatanın partiya fraksiyaları özlərinin liderini və onun
müavinini seçirlər. Senatda çoxluğun lideri vacib fiqur hesab edilir.
O, öz partiyasının qanunverici proqramını formula edir. Senatın iş
qaydasını müəyyənləşdirir, komitələrlə əlaqəsini həyata keçirir,
komitələrdə senatorlar arasında yerlərin bölüşdürülməsində iştirak
edir. Öz müavini ilə bir yerdə fraksiya lideri
qanunverici təkliflərlə öz
partiyasının maksimal dəstəyini təmin edir. Şəxsi təsirindən istifadə
edərək senatorlara bu və digər xidmətlər göstərir, pərdəarxası
kompromislərin qazanılmasında fəal vasitəçilik edir. Nümayəndələr
Palatasında çoxluğun lideri palatanın spikerindən sonra partiya
ierarxiyasına görə 2-ci yeri tutur.
Azlığın lideri isə həm Senatda, həm də Nümayəndələr
Palatasında müxalifətin siyasətini formula edir və onun xeyrinə
dəstəyin təmin edilməsi üçün işlər görür, hər iki palatanın partiya
fraksiyalarının rəhbərliyi icraedici hakimiyyət ilə Konqres arasında
əlaqələndirici rolunu ifa edir. Prezident tez-tez Konqresdə olan öz
partiyasının lideri ilə, hərdən bir isə hər iki partiyanın
liderləri ilə bir
yerdə məsləhətləşir. Bu o vaxt vacib olur ki, o, Konqresdən öz
təşəbbüsünün dəstəyini istəyir.
KONQRESİN VƏZİFƏLİ ŞƏXSLƏRİ
Hər iki palatanın öz vəzifəli şəxsləri var. Nümayəndələr
Palatasının spikeri ən mühüm təsiredici şəxslərindən biridir. Spiker
vəzifəsinə namizəd palatada çoxluğun fraksiyası tərəfindən irəli
sürülür və palatanın iclasında təsdiq edilir. Spiker palatada sədrlik
edir, çoxluğun fraksiyasına rəhbərlik edir, qanun layihələrinin
baxılması qaydasını müəyyənləşdirir, qanun layihələrini komitələrə
göndərir, palatanın bütün üzvünə söz verilməsi və ya verilməməsi də
ona məxsusdur. Onun palatada çəkisini nəzərə alan prezident və
kabinetin üzvləri spiker ilə işgüzar əlaqələr yaradır və ona siyasi