İsa Muğanna yaradıcılığı “İdeal” işığında
282
iki yerə bölünmüşdü. Otağın bir tərəfində Hitlerin
vaxtında əsir düşmüş, Gəncədən, Qazaxdan olanlar
var idi. Amma onların bizimlə görüşməyə ixtiyarları
yox idi. İcazə vermirdilər. Otaqda çoxlu "çekist" var
idi. Dedilər ki, kim qohum-əqrəbasını axtarırsa ka-
ğızda adını yazsın, biz göndərəcəyik,
sizə cavab gələ-
cək. Mənim atamgil də 3-4 qardaş idi. Ordan cavab
gəldi ki, əmim bizim olduğumuz otaqdadır. Amma
görüşməyə izin verilmədi. İsmayıl Şıxlı da dayısını
tapdı. Dayısı Türkiyədə hərbi təyyarəçi idi. Belə
anlar insana çox pis təsir edir. Öz yaxınını, doğmanı
görmək istəyirsən, amma görə bilmirsən. Bircə Rəsul
Rzanın xanımı Nigar xanıma, qardaşı ilə görüşməyə
icazə verdilər. O da Moskvadan icazə almışdı. Nigar
xanımın orda 3 qardaşı var idi. İkisi rəhmətə getmiş,
biri sağ qalmışdı. Hava limanında onlar görüşəndə
ətrafdakı hər kəs kövrəldi. Bacı-qardaş elə ağlayır-
dılar...
Türkiyədə 20 gün qaldıq. Qayıdanda Nigar xa-
nımı qardaşı ötürəndə üzü-əli əsdi. Dedilər ki, iflic
olacaq. Dərman verdilər, həkim çağırdılar. Ancaq
heç bir şey baş vermədi. Həmin hadisədən sonra
Nigar xanım Bakıya gələndə xəstəliyə tutuldu...
***
Qara dənizdə kiçik-kiçik adalar var. Bizi də
gəmi ilə həmin adalardan birinə apardılar. Gəmidə
cürbəcür içkilər, şokoladlar var idi. Kişilər içkilərə
baxıb geri qayıdırdı. İsa Mirmehdini çağırdı. Mir-
mehdi bizim binada olurdu, qəzəl yazırdı. Mirmeh-
diyə dedi ki, istədiyin 2-3 nəfəri çağıra bilərsən.