(1)
[Dərcetmənin təxirə salınmasına dair Razılığa gələn Tərəflərin qanunvericiliyinin
müddəaları] (a) Razılığa gələn Tərəfin qanunvericiliyində sənaye nümunəsinə dair məlumatın
dərcinin təxirə salınması üçün verilmiş müddət müəyyən edilmiş müddətdən az olduqda,
Razılığa gələn Tərəf Baş direktora ünvanlandığı bəyanatda təxirəsalmanın mümkün olan
uzadılma müddətini bildirir.
(b) Əgər Razılığa gələn Tərəfin qanunvericiliyində sənaye nümunəsinə dair məlumatın
dərcinin təxirə salınması nəzərdə tutulmursa, onda Razılığa gələn Tərəf Baş direktora
ünvanlandığı bəyanatda bu faktla bağlı onu xəbərdar edir.
(2) [Dərcetmənin təxirə salınması] Əgər beynəlxalq iddia sənədində dərcetmənin təxirə
salınması barədə vəsatət olarsa, dərcetmə aşağıdakı kimi həyata keçirilir:
(i) beynəlxalq iddia sənədində göstərilən Razılığa gələn Tərəflərin heç biri, müəyyən
edilmiş müddətin sonuna kimi (l)‐ci bəndə müvafiq olaraq bəyanat vermədiyi halda ‐
nəzərdə tutulmuş müddət bitdikdə; yaxud
(ii) beynəlxalq iddia sənədində göstərilən Razılığa gələn Tərəflərdən hər hansı biri
bəyanatda göstərilən müddətin sonuna kimi (l) (a) bəndinə müvafiq olaraq bəyanat verdiyi
halda ‐ belə bəyanatda göstərilmiş müddətdə, yaxud bu cür bir neçə Razılığa gələn Tərəf
olduqda ‐ onların bəyanatlarında bildirilən ən qısa müddət bitdikdə.
(3) [Tətbiq olunan qanunvericiliyə uyğun olaraq dərcetmənin təxirə salınması mümkün
olmadığı halda dərcetmənin təxirə salınmasına dair vəsatətlərə baxılması] Əgər dərcetmənin təxirə
salınması barədə vəsatət verilərsə və beynəlxalq iddia sənədində göstərilən Razılığa gələn
Tərəflərdən hər hansı biri öz qanunvericiliyinə və (l)(b) bəndinə uyğun olaraq,
təxirəsalınmanın mümkün olmadığı barədə bəyanat verərsə:
(i) Beynəlxalq büro (ii) yarımbəndinə uyğun olaraq, bu barədə iddiaçını xəbərdar edir.
Əgər iddiaçı müəyyən edilmiş müddət ərzində Beynəlxalq büroya yazılı bildiriş
göndərməklə Razılığa gələn bu cür Tərəfin göstərişindən imtina etmirsə, Beynəlxalq büro
dərcetmənin təxirə salınması barədə vəsatətə baxmır;
(ii) əgər beynəlxalq iddia sənədində sənaye nümunəsinin təsvirinin əvəzinə sənaye
nümunəsinin natural (orijinal) nümunəsi verilibsə, Beynəlxalq büro Razılığa gələn belə
Tərəfin göstərişini nəzərə almır və bu barədə iddiaçını xəbərdar edir.
(4) [Vaxtından əvvəl dərcetməyə dair və ya beynəlxalq qeydiyyat materiallarından istifadəyə
xüsusi icazə verilməsi barədə vəsatət] (a) (2)‐ci bəndə uyğun olaraq, tətbiq olunan təxirəsalınma
dövrünün istənilən vaxtında sənaye nümunəsinin sahibi, beynəlxalq qeydiyyatın obyekti
olan sənaye nümunələrinin hamısı və ya aynlıqda hər hansı biri barədə məlumatların
dərcinə dair vəsatət verə bilər; bu halda belə sənaye nümunəsinə və ya sənaye nümunələrinə
münasibətdə təxirəsalınma dövrü, bu cür vəsatəti Beynəlxalq büronun aldığı tarixdən bitmiş
hesab olunur.
(b) Sənaye nümunəsinin sahibi həmçinin (2)‐ci bəndə uyğun olaraq, tətbiq olunan
təxirəsalınma dövrünün istənilən vaxtında Beynəlxalq büro qarşısında vəsatət qaldıra bilər
ki, onun tərəfindən müəyyənləşdirilən hər hansı üçüncü tərəfə, beynəlxalq qeydiyyatın
obyekti olan sənaye nümunələrinin hamısına və ya ayrılıqda hər birinə aid olan
materiallardan çıxarış və yaxud bu üçüncü tərəfin həmin materiallardan istifadəsinə xüsusi
icazə versin.
(5) [Beynəlxalq qeydiyyatdan imtina və onun qüwəsinin məhdudlaşdırılması] (a) Əgər (2)‐ci
bəndə uyğun olaraq təxirəsalınma dövrünün istənilən vaxtında sənaye nümunəsinin sahibi,
Razılığa gələn Tərəflərin hamısına münasibətdə beynəlxalq qeydiyyatdan imtina edirsə,
beynəlxalq qeydiyyatın obyekti olan sənaye nümunəsi və ya nümunələri barədə məlumatlar
dərc olunmur.
(b) Əgər (2)‐ci bəndə uyğun olaraq tətbiq olunan təxirəsalınma dövrünün istənilən
vaxtında sənaye nümunəsinin sahibi beynəlxalq qeydiyyatın obyekti olan bir və ya bir neçə
sənaye nümunəsinin fəaliyyətini göstərilən Razılığa gələn Tərəflərin hamısına münasibətdə
məhdudlaşdırırsa, beynəlxalq qeydiyyatın obyekti olan digər sənaye nümunəsi və ya
nümunələri barədə məlumatlar dərc edilmir.
(6) [Dərcetmə və təsvirlərin verilməsi] (a) Bu maddənin müddəalarının tətbiqinə uyğun
olaraq Beynəlxalq büro, müəyyən edilən rüsumların ödənilməsi şərtilə, beynəlxalq
qeydiyyata dair məlumatlan dərc edir. Müəyyən edilən qaydalara uyğun olaraq rüsumlar
ödənilmədiyi halda, beynəlxalq qeydiyyat ləğv olunur və dərcetmə həyata keçirilmir.
(b) Əgər beynəlxalq iddia sənədi 5(l) (iii) maddəsinə uyğun olaraq, sənaye
nümunəsinin bir və ya bir neçə natural nümunəsi ilə müşayiət olunarsa, onda sənaye
nümunəsinin sahibi müəyyən edilmiş müddət ərzində bu iddia sənədinin obyekti olan hər
bir sənaye nümunəsinin təsvirinin müəyyən edilmiş sayda nüsxələrini Beynəlxalq büroya
təqdim edir. Sənaye nümunəsinin sahibi bunu etmədiyi halda, beynəlxalq qeydiyyat ləğv
olunur və dərcetmə həyata keçirilmir.
Maddə 12
İmtina
(1) [İmtina etmək hüququ] Əgər beynəlxalq qeydiyyatın obyekti olan sənaye
nümunələrinin hamısına və ya hər hansı birinə göstərilən ölkə olan Razılığa gələn Tərəfin
qanunvericiliyi nəzərə alınmadan mühafizə verilibsə, Razılığa gələn həmin Tərəfin İdarəsi,
Razılığa gələn bu Tərəfin ərazisində istənilən beynəlxalq qeydiyyatın qüvvəsini tanımaqdan
tam və ya qismən imtina edə bilər; lakin heç bir İdarə, beynəlxalq iddia sənədinin forma və
ya məzmunu ilə əlaqədar Razılığa gələn Tərəfin qanunvericiliyində nəzərdə tutulmuş
müvafiq tələblərin və ya bu Aktda, yaxud Təlimatda nəzərdə tutulmuş tələblərə əlavələrin
və yaxud da onlardan fərqli əlavə tələblərin yerinə yetirilmədiyini əsas tutaraq, istənilən
beynəlxalq qeydiyyatın qüvvəsini tam və ya qismən tanımaqdan imtina edə bilməz.
(2) [İmtina barədə bildiriş] (a) İdarə, imtina etmək üçün nəzərdə tutulan müddət ərzində,
beynəlxalq qeydiyyatın qüvvəsini tanımaqdan imtina etdiyini Beynəlxalq büroya bildirir.
(b) İmtina barədə istənilən bildirişdə imtinaya əsas olan bütün səbəblər göstərilir.