Sənaye nümunələrinin beynəlxalq qeydiyyatı haqqında Haaqa Müqaviləsinin Cenevrə Aktına qoşulmaq barəsində Azərbaycan Respublikasının Qanunu
Yüklə 426,59 Kb. Pdf görüntüsü
|
- Bu səhifədəki naviqasiya:
- Beynəlxalq qeydiyyatlara dair dəyişikliklər və digər qeydlər barədə məlumatların daxil edilməsi
- Beynəlxalq qeydiyyatın qüvvədəolma müddəti və bu müddətin uzadılması, mühafizənin müddəti
- Barəsində məlumatlar dərc olunmuş beynəlxalq qeydiyyatlar haqqında informasiya
- Bir neçə dövlətin vahid İdarəsi
- Haaqa İttifaqına üzvlük
Maddə 16 Beynəlxalq qeydiyyatlara dair dəyişikliklər və digər qeydlər barədə məlumatların daxil edilməsi (1) [Dəyişikliklər və digər qeydlər barədə məlumatların daxil edilməsi] Müəyyən edilmiş qaydalara uyğun olaraq Beynəlxalq büro Beynəlxalq reyestrə aşağıdakıları daxil edir: (i) beynəlxalq qeydiyyatın obyekti olan sənaye nümunələrinin hamısı və ya hər hansı biri ilə əlaqədar və göstərilən Razılığa gələn Tərəflərin hamısı və ya ayrılıqda hər biri ilə bağlı beynəlxalq qeydiyyatın sahibinə dair bütün dəyişiklikləri, bu şərtlə ki, 3‐cü maddəyə uyğun olaraq yeni sahib beynəlxalq iddia sənədi vermək hüququna malik olsun; (ii) sahibkarın adına və ya ünvanına dair istənilən dəyişiklikləri; (iii) iddiaçının və ya sahibkarın nümayəndəsinin təyin edilməsinə və belə nümayəndəyə dair istənilən digər müvafiq məlumatları; (iv) Razılığa gələn göstərilən Tərəflərin hamısı və ya hər hansı biri ilə əlaqədar beynəlxalq qeydiyyatdan sahibin imtinası ilə bağlı istənilən məlumatları; (v) Razılığa gələn göstərilən Tərəflərin hamısı və ya hər hansı biri ilə əlaqədar beynəlxalq qeydiyyatın obyekti olan bir və ya bir neçə sənaye nümunəsinə münasibətdə, sahibin istənilən məhdudiyyətləri barədə məlumatları; (vi) beynəlxalq qeydiyyatın obyekti olan hər hansı və ya bütün sənaye nümunələrinin beynəlxalq qeydiyyatının Razılığa gələn göstərilən Tərəfin səlahiyyətli orqanı tərəfindən etibarsız sayılması barədə istənilən məlumatları; (vii) beynəlxalq qeydiyyatın obyekti olan hər hansı və ya bütün sənaye nümunələrinə hüquqlara dair Təlimatda göstərilən bütün digər məlumatları; (2) [Beynəlxalq reyestrə daxil edilən qeydlərin qüvvəsi] (l)‐ci bəndin (i), (ii), (iii), (iv), (v), (vi) və (vii) yarımbəndlərində göstərilən istənilən qeydlər, bu qeydlərin Razılığa gələn Tərəfin İdarəsinin Reyestrinə daxil edilmiş qeydlərlə, Razılığa gələn istənilən Tərəf (i) yarımbəndi və (l)‐ci bəndlə əlaqədar Baş direktora göndərdiyi bəyanatda, Razılığa gələn bu Tərəfin İdarəsi bəyannamə və ya bu cür bəyanatda göstərilən sənədləri alana qədər halı istisna olmaqla, eyniqüvvəlidir. (3) [Rüsumlar] (l)‐ci bəndə uyğun olaraq reyestrə daxil edilən istənilən qeydlərə görə rüsum tutulur. (4) [Dərcetmə] Beynəlxalq büro (l)‐ci bəndə uyğun olaraq reyestrə daxil edilən bütün qeydlər barədə məlumatlan dərc edir. Beynəlxalq büro məlumatları özündə əks etdirən nəşrlərin nüsxələrini Razılığa gələn hər bir müvafiq Tərəfin İdarəsinə göndərir. Maddə 17 Beynəlxalq qeydiyyatın qüvvədəolma müddəti və bu müddətin uzadılması, mühafizənin müddəti (1) [Beynəlxalq qeydiyyatın qüwədəolma müddəti] Beynəlxalq qeydiyyat ilk dövrdə beynəlxalq qeydiyyat tarixindən hesablamaqla beş il qüvvədə olur. (2) [Beynəlxalq qeydiyyatın müddətinin uzadılması] Beynəlxalq qeydiyyat, prosedur qaydalarına uyğun olaraq rüsum ödənilməsi şərtilə hər dəfə beş il olmaqla əlavə dövrlərə uzadıla bilər. (3) [Razılığa gələn göstərilən Tərəflərdə mühafizənin müddəti] (a) Beynəlxalq qeydiyyatın qüvvəsinin uzadılması şərtilə və (b) bəndi nəzərə alınmaqla beynəlxalq qeydiyyat tarixindən hesablamaqla, Razılığa gələn göstərilən Tərəflərin hər birində mühafizənin müddəti 15 ildir. (b) Əgər Razılığa gələn
Tərəfin qanunvericiliyində sənaye nümunələrinin mühafizəsinin müddəti 15 ildən artıq müəyyən edilmişsə, onda sənaye nümunələrinin mühafizəsinin müddəti, beynəlxalq qeydiyyatın müddətini uzat‐maqla, Razılığa gələn Tərəfin qanunvericiliyində nəzərdə tutulan müddətlə eyni olur. (c) Razılığa gələn hər bir Tərəf, Baş direktora göndərdiyi bəyanatda, ona öz qanunvericiliyində nəzərdə tutulan mühafizənin maksimum müddətini açıqlayır. (4) [Qüvvədəolma müddətinin uzadılmasını məhdudlaşdırmağın mümkünlüyü] Beynəlxalq qeydiyyatın qüvvəsi, Razılığa gələn göstərilən Tərəflərin hamısı və ya hər hansı biri ilə əlaqədar, beynəlxalq qeydiyyatın obyekti olan hər hansı bir və ya bir neçə sənaye nümunəsi üçün həyata keçirilə bilər. (5) [Qeydlərin reyestrə yazılması və müddətin uzadılması barədə məlumatın dərci] Beynəlxalq büro müddətin uzadılması barədə məlumatı reyestrə daxil edir və bu barədə məlumatlan dərc edir. Beynəlxalq büro məlumatlan özündə əks etdirən nəşrlərin nüsxələrini Razılığa gələn hər bir müvafiq Tərəfin İdarəsinə göndərir. Maddə 18
(1) [Məlumatların əldə edilməsi] Beynəlxalq büro, hər bir şəxsin xahişinə əsasən, müəyyən edilmiş rüsumu ödəmək şərtilə, beynəlxalq reyestrdən çıxarış, yaxud da haqqındakı məlumatlar artıq dərc olunmuş beynəlxalq qeydiyyat haqqında informasiyanı təqdim edir. (2) [Leqallaşdırmadan azadetmə] Beynəlxalq reyestrdən Beynəlxalq büronun təqdim etdiyi çıxarış, leqallaşdırma ilə bağlı Razılığa gələn Tərəfin istənilən tələblərindən azaddır. II fəsil
İNZİBATİ MÜDDƏALAR Maddə 19 Bir neçə dövlətin vahid İdarəsi (1) [Vahid İdarə barədə bildiriş] Əgər bu Aktın iştirakçısı olmaq istəyən bir neçə dövlət sənaye nümunələri üzrə öz milli qanunvericiliklərinin eyniləşdirilməsini artıq həyata keçirmişlərsə və ya bu Aktın iştirakçısı olan bir neçə dövlət sənaye nümunələri üzrə öz milli qanunvericiliklərinin eyniləşdirilməsinin həyata keçirilməsi barədə razılığa gəlmişlərsə, onda onlar Baş direktora bildirə bilərlər ki: (i) vahid İdarə bu dövlətlərdən hər birinin milli İdarəsini əvəz edir; (ii) onların vahid qanunvericilik tətbiq olunan ərazilərinin məcmusuna, bu Aktın 1‐ci, 3‐18‐ci və 31‐ci maddələrinin tətbiqi zamanı Razılığa gələn bir Tərəfin ümumi ərazisi kimi baxılmalıdır. (2) [Bildirişin verilməli olduğu vaxt] (l)‐ci bənddə göstərilən bildiriş aşağıdakı vaxtlarda verilir: (i) dövlətlər bu Aktın iştirakçısı olmaq niyyətində olduqları halda ‐ 27 (2)‐ci maddədə göstərilənə uyğun olaraq sənədlər saxlanılmaq üçün verildiyi an; (ii) dövlətlər bu Aktın iştirakçısı olduqları halda ‐ onların milli qanunvericiliklərinin eyniləşdirilməsi həyata keçirildikdən sonra istənilən vaxt. (3) [Bildirişin qüvvəyəminmə tarixi] (1) və (2)‐ci bəndlərdə göstərilən bildiriş aşağıdakı vaxtlarda qüvvəyə minir: (i) dövlətlər bu Aktın iştirakçısı olmaq niyyətində olduqları halda ‐ həmin dövlətlər bu Aktla bağlı olduqları andan; (ii) dövlətlər bu Aktın iştirakçısı olduqları halda ‐ Razılığa gələn digər Tərəflərə Baş direktor tərəfindən bu barədə məlumat göndərildiyi tarixdən hesablamaqla 3 ay müddət bitdikdən sonra və ya bildirişdə göstərilmiş istənilən daha gec tarixdən. Maddə 20 Haaqa İttifaqına üzvlük Razılığa gələn Tərəflər 1934‐cü il Aktının və ya 1960‐cı il Aktının iştirakçısı olan dövlətlərin üzv olduqları İttifaqın üzvləridirlər.
Yüklə 426,59 Kb. Dostları ilə paylaş:
|