I fəsil
BEYNƏLXALQ İDDİA SƏNƏDİ VƏ BEYNƏLXALQ QEYDİYYAT
Maddə 3
Beynəlxalq iddia sənədi vermək hüququ
Razılığa gələn Tərəf olan dövlətin və ya Razılığa gələn Tərəf olan hökumətlərarası
təşkilatın üzvü olan dövlətin istənilən vətəndaşı, yaxud Razılığa gələn Tərəfin ərazisində
daimi və ya adi yaşayış yeri olan, yaxud da bu ərazidə həqiqi və saxta olmayan sənaye və
ticarət müəssisəsi olan istənilən şəxs beynəlxalq iddia sənədi vermək hüququna malikdir.
Maddə 4
Beynəlxalq iddia sənədinin verilmə proseduru
(1) [Bilavasitə və ya vasitə ilə verilmə] (a) Beynəlxalq iddia sənədi, iddiaçının istəyinə
uyğun olaraq, Beynəlxalq büroya ya bilavasitə, ya da iddiaçının Razılığa gələn Tərəf
dövlətinin İdarəsi vasitəsilə verilə bilər.
(b) (a) yarımbəndinin şərtlərinə baxmayaraq, Razılığa gələn istənilən Tərəf Baş
direktora ünvanlanan bəyanatda bildirə bilər ki, beynəlxalq iddia sənədi onun İdarəsi
vasitəsilə verilə bilməz.
(2) [Vasitə ilə vermə halında göndərilmə üçün rüsum] Razılığa gələn istənilən Tərəfin
İdarəsi bu İdarə vasitəsilə verilən istənilən beynəlxalq iddia sənədinin göndərilməsi üçün
İdarənin mənfəəti naminə rüsum ödənilməsini tələb edə bilər.
Maddə 5
Beynəlxalq iddia sənədinin tərkibi
(1) [Beynəlxalq iddia sənədinin mütləq tərkibi] Beynəlxalq iddia sənədi müəyyən edilmiş
dildə və ya müəyyən edilmiş dillərdən birində tərtib olunur və onun tərkibi aşağıdakılardan
ibarət olur, yaxud o, aşağıdakılarla müşayiət olunur:
(i) bu Akta uyğun olaraq beynəlxalq qeydiyyat haqqında ərizə;
(ii) iddiaçıya dair müəyyən edilmiş məlumatlar;
(iii) beynəlxalq iddia sənədinin obyekti olan sənaye nümunəsinin təsvirinin və ya
iddiaçının seçiminə uyğun olaraq bir neçə təsvirinin müəyyən edilmiş qaydada təqdim
olunan müəyyən edilmiş sayda nüsxəsi; lakin sənaye nümunəsi ikiölçülü olarsa və 5‐ci
bəndə uyğun olaraq təsvirin dərc edilməsinin təxirə salınması barədə vəsatət təqdim edilmiş
olarsa, onda təsvirin əvəzinə, beynəlxalq iddia sənədi həmin sənaye nümunəsinin
göstərilmiş sayda natural nümunələri ilə müşayiət oluna bilər;
(iv) sənaye nümunəsini təşkil edən və yaxud da sənaye nümunəsinin istifadəsi ilə
əlaqədar məmulatın və ya məmulatların müəyyən edilmiş qaydada göstərilməsi;
(v) göstərilən Razılığa gələn Tərəflərin adı;
(vi) müəyyən edilmiş rüsumlar;
(vii) müəyyən edilmiş istənilən digər məlumatlar.
(2) [Beynəlxalq iddia sənədinin əlavə mütləq tərkibi] (a) Razılığa gələn istənilən Tərəf, əgər
onun İdarəsi ekspertiza aparan İdarədirsə və qanunvericiliyi tələb edirsə ki, həmin Tərəf bu
Akta tərəf olduğu müddətdə həmin qanunvericiliyə uyğun olaraq sənaye nümunəsini
mühafizə etmək üçün verilən iddia sənədinin tarixini müəyyən etmək məqsədilə bu iddia
sənədi (b) yarımbəndində göstərilən elementlərdən hər hansı birini özündə əks etdirsin, Baş
direktora göndərdiyi ərizədə bu cür elementlər barədə onu məlumatlandıra bilər.
(b) (a) yarımbəndinə uyğun olaraq iddia sənədində əks oluna bilən elementlər
aşağıdakılardır:
(i) bu iddia sənədinin obyekti olan sənaye nümunəsinin müəllifinin kimliyinə aid
göstəricilər;
(ii) bu iddia sənədinin obyekti olan sənaye nümunəsinin şəklinin və ya fərqləndirici
əlamətlərinin qısa yazılı təsviri;
(iii) iddia.
(c) əgər beynəlxalq iddia sənədində (a) yarımbəndinə uyğun olaraq bildiriş göndərmiş
Razılığa gələn Tərəf göstərilərsə, orada həmçinin iddianın predmeti olan elementlərin hər
biri də müəyyən edilmiş qaydada öz əksini tapmalıdır.
(3) [Beynəlxalq iddia sənədinin tərkibinin digər mümkün elementləri] Beynəlxalq iddia
sənədi Təlimatda göstərilən başqa digər elementləri özündə əks etdirə və ya onlarla
müşayiət oluna bilər.
(4) [Bir beynəlxalq iddia sənədində bir neçə sənaye nümunəsi] Beynəlxalq iddia sənədinə
qoyulan tələblər nəzərə alınmaqla, beynəlxalq iddia sənədinə iki və ya daha artıq sənaye
nümunəsi daxil edilə bilər.
(5) [Dərcetmənin təxirə salınması barədə vəsatət] Beynəlxalq iddia sənədində dərcetmənin
təxirə salınması barədə vəsatət də ola bilər.
Maddə 6
İlkinlik hüququ
(1) [İlkinliyə görə iddia] (a) Paris Konvensiyasının 4‐cü maddəsinə uyğun olaraq
beynəlxalq iddia sənədinə, Paris Konvensiyasının iştirakçısı olan ölkələrdən hər hansı
birində və ya Ümumdünya Ticarət Təşkilatının üzvü olan ölkələrin hər hansı birində verilən
və yaxud da bu ölkələrdən birinə münasibətdə bir və ya bir neçə əvvəlki iddia sənədinin
ilkinlik tarixi barədə vəsatət qoşula bilər.
(b) Təlimatda nəzərdə tutula bilər ki, (a) yarımbəndində göstərilən ərizə beynəlxalq
iddia sənədi verildikdən sonra da verilə bilər. Bu halda Təlimatda, bu cür ərizənin verilməsi
üçün ən son müddətin bitdiyi vaxt müəyyən edilir.
2) [İlkinliyə görə iddia edilməsinə əsas verən Beynəlxalq iddia sənədi] Sonrakı aqibətindən
asılı olmayaraq, beynəlxalq iddia sənədi, verildiyi tarixdən etibarən, Paris Konvensiyasının
4‐cü maddəsinə uyğun olaraq verilmək üçün düzgün tərtib olunmuş iddia sənədinin
ekvivalentidir.
Maddə 7
Göstərilməklə bağlı rüsumlar
(1) [Göstərilməklə bağlı müəyyən edilmiş rüsumlar] Müəyyən edilmiş rüsumlar (2)‐ci bənd
nəzərə alınmaqla, Razılığa gələn hər bir Tərəfin göstərilməsi üçün nəzərdə tutulan
rüsumlardan ibarətdir.
(2) [Göstərilməklə bağlı fərdi rüsum]
İdarəsi ekspertiza aparan İdarə olan Razılığa gələn
istənilən Tərəf və beynəlxalq təşkilat olan Razılığa gələn Tərəf Baş direktora ünvanlanan
ərizədə ona bəyan edə bilər ki, istənilən beynəlxalq iddia sənədində onun göstərilməsi ilə
əlaqədar və beynəlxalq iddia sənədi verməklə həyata keçirilən, istənilən beynəlxalq
qeydiyyatın uzadılması ilə əlaqədar, (1)‐ci bənddə qeyd edildiyi kimi, göstərilməklə bağlı
müəyyən edilmiş rüsumlar fərdi rüsumla əvəz edilir. Bu rüsumun məbləği ərizədə göstərilir
və ərizədə göstərilən məbləğ sonrakı ərizələrdə dəyişdirilə bilər. Yuxarıda göstərilən
Razılığa gələn Tərəf rüsumun məbləğini mühafizənin başlanğıc müddəti və mühafizənin
müddətinin hər bir uzadılması, yaxud da Razılığa gələn müvafiq Tərəfin mümkün hesab
etdiyi maksimum mühafizə dövrü üçün müəyyən edə bilər. Lakin belə rüsumun məbləği,
beynəlxalq prosedurdarı istifadə etməklə, Razılığa gələn həmin Tərəfin İdarəsinin, eyni
sayda sənaye nümunələrinə ekvivalent dövrə görə mühafizə verməklə iddiaçıdan, qənaət
edilən məbləğ çıxılmaqla ala biləcəyi məbləğdən artıq ola bilməz.
(3) [Göstərilməklə bağlı rüsumların köçürülməsi] Beynəlxalq büro (l)‐ci və (2)‐ci bəndlərdə
qeyd edilən və göstərilməklə bağlı Razılığa gələn Tərəfə aid olaraq ödənilən rüsumları
Razılığa gələn Tərəfə köçürür.