Maddə 21
Assambleya
(1) [Tərkib] (a) Razılığa gələn Tərəflər 1967‐ci il Tamamlayıcı Aktının 2‐ci maddəsi ilə
bağlı olan dövlətlərin üzv olduqları Assambleyanın üzvləridirlər.
(b) Assambleyanın hər bir üzvü bir nümayəndə ilə təmsil olunur, nümayəndənin
müavinləri, müşavirləri və ekspertləri ola bilər. Razılığa gələn hər bir Tərəfi yalnız bir
nümayəndə təmsil edə bilər.
(c) Assambleyanın üzvü olmayan İttifaq üzvləri Assambleyanın iclaslarına müşahidəçi
qismində buraxılırlar.
(2) [Funksiyaları] (a) Assambleya:
(i) İttifaqın saxlanılması və inkişafına və bu Aktın tətbiqinə dair bütün məsələlərə baxır;
(ii) bu Akt və ya 1967‐ci il Tamamlayıcı Aktı ilə xüsusi olaraq ona həvalə edilmiş və ya
tapşırılmış vəzifələri yerinə yetirir və hüquqları həyata keçirir;
(iii) Baş direktora yenidən baxılma üzrə konfransların təşkili barədə tapşırıqlar verir və
bu cür hər hansı konfransın çağırılmasına dair qərar qəbul edir;
(iv) Təlimatda dəyişikliklər edir;
(v) İttifaqla bağlı Baş direktorun fəaliyyətini və hesabatlarını nəzərdən keçirir və təsdiq
edir və İttifaqın səlahiyyətlərinə daxil olan məsələlər üzrə Baş direktora bütün lazımi
göstərişləri verir;
(vi) proqramı müəyyənləşdirir və İttifaqın ikiillik büdcəsini müəyyən edir və onun
maliyyə hesabatlarını təsdiq edir;
(vii) İttifaqın maliyyə reqlamentini qəbul edir;
(viii) İttifaqın məqsədlərinə nail olmaq üçün zəruri hesab etdiyi komissiyalar və işçi
qrupları yaradır;
(ix) (1) (c) bəndi nəzərə alınmaqla hansı hökumətlərarası və qeyri‐hökumət
təşkilatlarının onun iclaslarına müşahidəçi kimi buraxıla biləcəyini müəyyən edir;
(x) İttifaqın məqsədlərinə nail olmağa yönəlmiş istənilən digər lazımi fəaliyyəti həyata
keçirir və bu Aktla onun üzərinə qoyulan istənilən digər funksiyaları yerinə yetirir.
(b) Təşkilatın inzibati funksiyalarını həyata keçirdiyi digər İttifaqlar üçün də maraq
kəsb edən məsələlərlə bağlı, Assambleya Təşkilatın Koordinasiya komitəsinin təkliflərinə
baxaraq qərarlar qəbul edir.
(3) [Yetərsay] (a) Dövlət olan və konkret məsələlərlə bağlı səsvermə hüququna malik
olan Assambleya üzvlərinin yarısı bu məsələlərlə bağlı səsvermədə yetərsay hesab edilir.
(b) (a) yarımbəndinin müddəalarına baxmayaraq, hər hansı sessiyada təmsil olunan və
konkret məsələ ilə bağlı səsvermə hüququna malik olan ölkələr yarıdan az, lakin
Assambleya üzvü olan dövlətlərin üçdə birinə bərabər və ya ondan artıq olarsa, Assambleya
qərar qəbul edə bilər; lakin Assambleyanın bu cür qərarları, onun özünəməxsus prosedur
qaydalarına aid qərarlar istisna olmaqla, yalnız aşağıdakı şərtlər daxilində məcburi olur.
Beynəlxalq büro Assambleyada təmsil olunmamış, lakin müzakirəyə çıxarılan məsələlərlə
bağlı səsvermə hüququna malik olan, Assambleya üzvü olan dövlətlərə həmin qərarı
göndərir və qərarın göndərilmə tarixindən üç ay ərzində onun lehinə, əleyhinə səs verməsi
və ya bitərəf qalmasına dair yazılı bildiriş göndərməyi onlardan xahiş edir. Verilən müddət
bitdikdən sonra səsvermədə iştirak edərək səs vermiş və ya bitərəf qalmış belə üzvlərin sayı
sessiyanın özündə yetərsay əldə etmək üçün çatışmayan üzvlərin sayına bərabər olarsa, bu
cür qərarlar eyni zamanda zəruri çoxluq şərtini saxlamaqla qüvvəyə minir.
(4) [Assambleyada qərarların qəbul edilməsi] (a) Assambleya öz qərarlarını, imkan
daxilində, konsensus əsasında qəbul edir.
(b) Konsensus vasitəsilə qərar qəbul etmək mümkün olmadıqda, qoyulan məsələ
səsvermə ilə həll olunur. Belə halda:
(i) Razılığa gələn Tərəf dövlət olduqda o, bir səsə malik olur və ancaq öz adından səs
verir,
(ii) hökumətlərarası təşkilat olan istənilən Razılığa gələn Tərəf özünün üzv dövlətləri
adından səs verə bilər, bu zaman verilən səslərin sayı bu Aktın iştirakçısı olan və ona daxil
olan üzv dövlətlərin sayına bərabər olmalıdır. Əgər hökumətlərarası təşkilata daxil olan üzv
dövlətlərin hər hansı biri səsvermədə iştirak etməklə öz hüquqlarından istifadə etmək
qərarına gələrsə və əksinə, bu zaman belə hökumətlərarası təşkilatların heç biri səsvermədə
iştirak edə bilməz.
(c) Yalnız 1967‐ci il Tamamlayıcı Aktının 2‐ci maddəsinin müddəaları ilə bağlı olan
dövlətlərə aid məsələlər üzrə, bu maddə ilə bağlı olmayan Razılığa gələn Tərəf səsvermə
hüququna malik olmur, eyni zamanda, yalnız Razılığa gələn Tərəflərə dair məsələlərdə onlar
səsvermə hüququna malik olurlar.
(5) [Əksəriyyət] (a) 24(2), 26(2) maddələrinə uyğun olaraq Assambleya qərarları verilən
səslərin üçdə iki səs çoxluğu ilə qəbul edir.
(b) Səsvermədə bitərəf qalan səslər nəzərə alınmır.
(6) [Sessiyalar] (a) Assambleya, Baş direktorun, müstəsna hallardan başqa, iki ildə bir
dəfə Təşkilatın Baş (b) Assambleyası ilə eyni yerdə və eyni vaxtda çağırdığı növbəti
sessiyaya yığışır.
Assambleya, Assambleyaya üzv olan ölkələrin dörddə birinin tələbi və ya Baş
direktorun təşəbbüsü ilə, Baş direktor tərəfindən çağırılan növbədən‐kənar sessiyaya yığışır.
(c) Hər bir sessiyanın gündəliyini Baş direktor hazırlayır.
(7) [Prosedur qaydaları] Assambleya özünün prosedur qaydalarını qəbul edir.
Maddə 22
Beynəlxalq büro
(1) [İnzibati funksiyalar] (a) Beynəlxalq qeydiyyatla bağlı funksiyaları, o cümlədən bu
İttifaqa dair digər inzibati funksiyaları Beynəlxalq büro yerinə yetirir.
(b) Beynəlxalq büro, əsasən, iclasları təşkil edir, Assambleyanın Katibliyi və
Assambleya tərəfindən təsis edilə bilən ekspert komitələrinin və işçi qruplarının
funksiyalarını yerinə yetirir.
(2) [Baş direktor] Baş direktor İttifaqın yüksəkvəzifəli şəxsidir və İttifaqı təmsil edir.
(3) [Assambleyanın iclasları ilə yanaşı digər iclaslar] (a) Baş direktor, Assambleya
tərəfindən təsis edilən istənilən komitənin və işçi qrupunun iclaslarını, yaxud İttifaqa aid
məsələlərlə bağlı digər iclasları çağırır.
(4) [Assambleyada və digər iclaslarda Beynəlxalq büronun rolu] (a) Baş direktor və Baş
direktor tərəfindən təyin edilən şəxslər Assambleyanın və Assambleya tərəfindən təsis
edilən komitələrin və işçi qruplarının bütün iclaslarında, habelə İttifaq adı altında Baş
direktor tərəfindən çağırılan bütün iclaslarda səsvermə hüququna malik olmadan iştirak
edirlər.
(b) Baş direktor və ya onun təyin etdiyi istənilən heyət üzvü Assambleyanın,
komitələrin, işçi qruplarının və (a) yarımbəndində göstərilən digər iclasların ex officio
katibidir.
(5) [Konfranslar] (a) Beynəlxalq büro Assambleyanın göstərişi əsasında yenidən baxılma
üzrə istənilən konfransa hazırlıq işlərini həyata keçirir.
(b) Beynəlxalq büro sözügedən yenidənbaxılma üzrə konfranslara hazırlıq məsələləri
ilə bağlı hökumətlərarası təşkilatlarla və beynəlxalq və milli qeyri‐hökumət təşkilatlan ilə
məsləhətləşmələr apara bilər.
(c) Baş direktor və baş direktorun təyin etdiyi şəxslər səsvermə hüququ olmadan
yenidən baxılma üzrə konfranslarda aparılan müzakirələrdə iştirak edirlər.
(6) [Digər funksiyalar] Beynəlxalq büro bu Aktla bağlı ona həvalə edilmiş istənilən digər
funksiyaları yerinə yetirir.
Maddə 23
Maliyyə
(1) [Büdcə] (a) İttifaqın büdcəsi vardır.