140
rum mən?”, – bir neçə dəfə üflədi, alınmadı. Mailin nəvəsində
velosiped vardı, deməli nasosu da olmalıdır. Əlində kamer kən‐
din ayağına – Mailin evinə yollandı. Velosiped pilləkənə söy‐
kənili qalmışdı, nasos da üstündə. Kameri doldurdu, nasosu da
özüylə götürüb Bərgüşada yollandı. Kövşənin bağ‐bağatları,
boy verən qovaq ağacları kəndin qabağını almışdı. Son dəfə
dağlara, ətraf ölü kəndlərə, ilan kimi qıvrılan çaya baxdı – “Ya
Allah!” – deyib kamerin üstünə uzandı, özünü Bərgüşadın iti,
qıjnov sularına verdi. Çayboyu boş qalmış kəndlərin səssiz‐sə‐
mirsiz görkəmi qulaq batırırdı, sanki Qubadlı ölmüşdü. Həyat
donmuş, bütün canlılar nəfəsini dərib durmuşdular, təkcə
Bərgüşadın səsi idi eşidilən, bir də sahil qumlarında şöhtüyən
alabəzək suquşları. Mirlər, Qəziyan, Məmər, Hal kəndlərini
ötüb keçdi. Dalğalar üzünə çırpılır, sifətini sillələyirdi. İri daş‐
ların dibində yaranan burulğanlar kameri yerində fırladırdı.
Sanki, Bərgüşad son qalmış Qubadlı sakininin yaxasından tutub
onu buraxmaq istəmir, qeyrətsiz hərəkətindən, fərarilikdən vaz
keçməsi üçün yalvarırdı. İti qıjnovları, qorxulu burulğanlardan
yan keçmək üçün kameri idarə etməkdən əldən düşmüşdü.
Cibindəki torpaq islanıb suya qarışırdı. Suyun dərin ləm yerinə
çatdı. Həkəri ilə Bərgüşad artıq birləşmişdilər, burdan o yana
çayın yarısı bulanıq, yarısı isə hələ də şəffaf axırdı.
Qarşıda “Həkəri” dəmiryolu stansiyası idi. Bu stansiya
Zəngilan rayonunun tabeliyindəydi. Bakıdan buradək qatarla,
buradan isə Qubadlıya avtobusla gedərdilər. Bura həm də
tikinti materiallarının yüklənib‐boşaldığı yer idi. Stansiyadan
aramsız avtomat atəşlərinin səsi gəlirdi. Tərəddüd içindəydi –
“Görəsən bizimkilərdi, ya ermənilər?”. Yük maşınları stansiya‐
dakı inşaat materialları – taxta, armatur, şveller, sement kisə‐
lərini daşıyırdı. “Ermənilərdir...” Ağəli nə qədər çalışsa da,
kameri digər sahilə çəkə bilmədi – qıjnovları yara biləcək gücü
qalmamışdı artıq. Sahildəkilər onun qaraltısını uzaqdan gör‐
141
müşdülər. Əlləri sustalmış halda stansiyanın tuşuna çatdı. Bir
neçə saqqallı ətrafdakıları da çağırdı. Əllərində konyak, viski
şüşələri suyun ortasında aramla hərəkət edən kamerə, üstün‐
dəki büzüşmüş Ağəliyə baxıb qəhqəhə ilə gülüşürdülər. Kameri
nişan alıb avtomatdan növbə ilə atəş açdılar, onu araq butulkası
əvəzinə nişan seçmişdilər. İlk beş güllə hədəfdən yan keçdi.
Altıncı erməni Ağəlini baldırından yaraladı, – güllə baldırını
keçib kameri deşdi. Kamer boşaldı, Ağəli suda çabaladı. Onun
bu əlacsız çabalaması sahildəkiləri daha da nəşələndirirdi.
Ermənilərdən biri suya girib Ağəlinin yanına üzdü, onun pen‐
cəyinin boynundan tutub sahilə çıxardı. “İt oğlu türk!” – deyib
çənəsinə güclü bir təpik vurdu. Ağəlinin çənəsi “şaqqıldadı”,
iki dişi qırılıb ağzına düşdü. Topa ilə onun harasına gəldi
vururdular. Kənardan gələn yüksək rütbəli zabit olmasaydı,
Ağəli canını tapşırmaq üzrəydi. Onu ayaqüstə dikəltdilər,
qaşları partlamış, yanaqları deşilmiş, çənəsi əyilmiş, gözləri,
sifəti qanın içindəydi. Ağəlini sudan çıxaran bayaqkı erməni
indi pencəyinin boynundan tutub onu ayaqüstə saxlayırdı.
– Hardansan? – zabit türkcə soruşdu.
Ağəlinin xırıltılı səsi sanki quyunun dibindən çıxırdı:
– Qubadlıdan.
– Orasını mən də bilirəm! Hansı kənddənsən?
– Saray.
– Paho! Mənim kirvəm də o kənddəndir ki, sənin adın
nədir!?
– A...ğ... – gözlərinin qanını biləyi ilə silib güc‐bəla ilə
başını qaldırıb zabitə baxdı – Kamo.., Ka‐moo..! – sınıq çənəsi
sözünə baxmadı, huşunu itirərək yerə sərildi.
* * *
142
...Yaxşı deyiblərmiş, – “Dağ dağa rast gəlməz, insan insana
rast gələr!” Sərhəd rayonlarında az qala hərənin bir erməni
kirvəsi – dostu vardı. Ağəlinin də uzun illər dostluq elədiyi iki
kirvəsi vardı – Kamo və Qrimik. Kamo mebel istehsalı ilə məş‐
ğul idi, Qafan ermənisiydi. Qrimik isə Gorusdan – həm kankan
idi, həm də aynabənd yığan ən yaxşı ustalardan biri. Hələ sülh
dövründə bu iki dost Ağəlinin evini unutmaz, hər dəfə biz
tərəflərə keçəndə pay‐püşsüz, əziz dostlarını yoluxmamış, ən
azı bir gecə qalmamış getməzdilər. Ağəli Kamoya “Fatihə” su‐
rəsini də əzbərlətmişdi. Qızı Nailənin cehizlik mebelini Kamo
pay vermişdi. Hətta, şifonerin dəstinə qoymağı unutduğu güz‐
günü aparıb düz Bakıda – Nailəgilin evlərinə özü çatdırmışdı.
Aralar qarışanda (bu 88‐ci ildə olmuşdu), Kamo bir gecə dostu‐
nun qapısını döyüb gecə onun qonağı olmuşdu. Onun idarəsini
yoxlayıb külli miqdarda yeyinti aşkar etmişdilər. Ağəli kirvə‐
sini darda qoymamış, oğlunun yığdığı puldan 2000 manat pulu
ona vermişdi. Sonra da kirvəsinə bizimkilər xətər yetirməsinlər
deyə onu sərhəddən sağ‐salamat Qafan tərəfə keçirmiş, son
dəfə halallaşıb vidalaşmışdılar. Qadir Allah bu ağır gündə onun
qarşısına Kamonu çıxarmışdı. Vallah, bu işlərin hamısını
düzən‐qoşan Allahdı...
Ağəlinin huşu özünə gələndə gördü ki, onu çarpayıya uza‐
dıblar və Kamo onun başının üstündə oturub qaşından axan
qanı silir.
– Ha, özünə gəldin, Ağa kirvə? Uşaqlar səni yaxşıca əziş‐
diriblər deyəsən, eləmi?
Ağəli başı ilə astaca təsdiq elədi.
– Eybi yox, “dəmir döyüldükcə paslanmaz” – həmişə belə
deyərdin, ha? Həkim çağırmışam, indi gəlib yaralarını sarıyar.
Sən möhkəm kişisən, tez sağalacaqsan. Uşaqlar necədir, Familə
bacı, mənim balaca Fərhad kirvəm?
Dostları ilə paylaş: |