lanni pozan şəxslərə qarşı zəif mübarizə aparırlar. Öz hüquqlarını
qorumaq üçün müvafiq orqanlara müraciət edən qadınların şikay
ət və ərizələrinə baxılmasındakı lənglik onlara qarşı mühafizəkar
münasibətin göstəricisi idi.
1950-51-ci illərdə qadınların hüquqlarının pozulmasına dair 52
şikayət ərizəsi prokurorluq və məhkəmə orqanlarına daxil
olmuşdu ki, bunlar içərisində 2 qətl, 5 zorlama, 11 təhqiretmə
hadisəsi, 6 ikiarvadlılıq məsələsi və digər məsələlər var idi [95, s.l.
iş. 2058,bağlama 162, v.l, 51].
Naxçıvanda qadınlar arasında işin ən mühüm formalarından
biri də vilayət, rayon, şəhər partiya komitələri, icraiyyə komitələri
nəzdində, həmçinin idarə və müəssisələrdə, kolxoz və sovxozlarda
yaradılan qadın şuraları oldu.
Qadın şuraları qadın fəallarına arxalanaraq qadın və qızların
ictimai istehsala daha geniş cəlb edilməsi, əmək, məişət və istirahət
şəraitinin yaxşılaşdırılması, ana və uşaq mühafizəsi, çoxuşaqlı
analara kömək məsələləri ilə məşğul olurdu. Şuraların əsas
fəaliyyət istiqamtlərindən biri də qadınların hüquqlarının və sosial
müdafiəsinin qorunmasından ibarət idi.
«Respublikada qadınlar arasında işin vəziyyəti və onu
yaxşılaşdırmaq tədbirləri haqqında» Azərbaycan K(b)P MK-nın
1950-ci il 12 avqust tarixli qərarından sonra Naxçıvanda qadın
məsələsinin həlli istiqamətində bir sıra addımlar atıldı. Demək olar
ki, bütün müəssisə və təşkilatlarında qadın şuralarının yaradılması
sür'ətləndirildi. Təkcə Naxçıvan rayonunun 16 kolxozunda, 4
idarəsində, 5 məhəllədə qadın şuraları təşkil edilmiş, oraya 7000
qadın cəlb edilmişdi [95, s.l, iş 2057, bağlama 162, v.2]. 1950-ci ildə
respublikada 42 qadın rəhbər vəzifəyə irəli çəkilmiş (onun 17-si
Naxçıvan rayonunun payına düşürdü), 4 qadın SSRİ Ali Sovetinə,
5-i Azərbaycan, 24-ü Naxçıvan Ali Sovetlərinə, 405 qadın isə yerli
sovetlərə deputat seçilmişdi [95, s.l, iş 2063, bağlama 162, v.3].
Lakin kişilərlə müqayisədə qadınların rəhbər orqanlarda təmsil
olunması qənaətbəxş deyildi. Respublikada. mövcud olan 12
nazirlikdən 1-nə (ictimai-tə'minat naziri S.Rzayeva- S.A.), 22
komitə və idarədən 1-nə, 74 kolxozdan 3-nə, 59 sovetlikdən isə 8-
nə qadınlar başçılıq edirdi. Qadm şö'bələrinə rəhbərlik edənlərin
hamısının ali təhsili var idi (təkcə Noraşen qadınlar şöbəsinin
müdiri orta təhsilli idi - S.A.) [95, s.l, iş 2089].
104
I
1953-cü ilin noyabrında Naxçıvan vilayət partiya komitəsinin
plenumunda qadınlar arasında işin vəziyyəti yenidən müzakirə
edilərək, qadınların rəhbər Vəzifələrə irəli çəkilməsi tövsiyə olundu.
Z.Məmmədova Naxçıvan Vilayət Partiya Komitəsində tə'limatçı,
X.İbrahimova Naxçıvan şəhər sovetinin katibi, K.Ələkbərova
Noraşen prokurorunun müavini, T.Xəlilova 2№-li qızlar
məktəbinin direktoru, T.Sadıqzadə - Ordubad rayon XMŞ müdiri
vəzifəsinə irəli çəkilmişdi. Lakin kənd təsərrüfatında qadınlar
çoxluq təşkil etməsinə baxmayaraq, onlar rəhbərlikdə zəif təmsil
olunmuşdular. Əgər 1950-ci ildə Naxçıvanda 3 qadın kolxoz sədri,
2 qadın isə briqadir işləyirdisə, 1953-cü ildə onlar vəzifədən azad
edilmişdilər.
Maraqlıdır
ki,
Sosialist
Əməyi
Qəhrəmanı
F.İmanquliyeva Noraşen rayon Kirov adma kolxoza sədr tə'yin
olunmuş, lakin bir ildən sonra savadsız olduğu üçün işdən
götürülmüşdü [95, s.l, iş 2089, bağlama 163, v.37].
Azərbaycan və Naxçıvan rəhbərliyi səviyyəsində qadınlar
arasında işin vəziyyətinə dair 50-ci illərin I yarısında bir sıra
qərarlar qəbul edilsə də, (Azərbaycan KP MK-nin 1953-cü il 15
oktyabr tarixli
«Qadınlar
arasında
siyasi
tərbiyə
işinin
yaxşılaşdırılması tədbirləri haqqında» və Naxçıvan VPK 14 noyabr
tarixli müvafiq məsələyə, dair qərarları və s. - S.A.) bu qərarlar1
kağız üzərində qalırdı. Sov. İKP-nin XIX, XX qurultayları
arasında Naxçıvan MSSR-da qadınlar arasında işə dair məsələ
vilayət partiya komitəsinin 1 plenumunda, 6 büro iclasında, rayon
komitələri plenumlarında müzakirə edilsə də, respublikada
qadınların siyasi fəallığı aşağı idi. Baxmayaraq ki, XIX
qurultaydan sonra 70 nəfər qadın irəli çəkilmiş, 181 məktəbdən 11-
nə qadınlar rəhbərlik edirdi. Bu dövrdən e'tibarən bütün
Azərbaycanda olduğu kimi, Naxçıvanda da rayon partiya
komitələrinin katibələri vəzifəsinə qadınların tə'yin edilməsi
praktikası yaranmışdı. Səkinə Sadıqova Naxçıvan, Tovuz
Əsgərova Şahbuz, Məhbubə Həsənova Ordubad, Zeynəb
Ramazanova Culfa, Zeynəb Məmmədova Noraşen rayon PK
katibləri tə'yin edilmişdilər [95, s.l, iş 2089, v. 14-15].
Naxçıvan VPK nomenklaturasma daxil olan 305 vəzifədən yal
nız 26-sını qadınlar təşkil edirdi. Respublikanın 6 maarif və səhiyyə
şö'bəsinin heç birinə qadın rəhbərlik, etmirdi, baxmayaraq ki, bu
sahələrdə qadınlar artıq kifayət qədər təmsil olunmuşdular.
105
I
Bölgədəki 84 kolxoz sədrinin hamısı kişi idi. 60 müavindən 2-si,
522 briqadirdən 4-ü, ferma müdirlərindən 1-i qadın idi. Kolxoz və
sovxozlarda 1 aqronom, 2 zootexnik, 5 mal həkimi qadın idi.
Sənaye müəssisələrində isə direktor, mühasib, sex müdirləri
vəzifələrində yalnız kişilər işləyirdilər. Ordubad ipək fabrikində
işləyənlərdən 100-ə yaxmı qadın olsa da, orta pillədə onlar zəif
təmsil olunmuşdular. Bu vəziyyət Naxçıvan sənət artelində də eyni
idi [95, s.l, iş 2089, s. 10-15].
Qadın şö'bələri, qadın şuraları partiya orqanlarının təzyiqi
altında qadınlar arasında siyasi iş apararkən, onların hüquqlarını
qorumaq əvəzinə, bir çox hallarda qadın ləyaqətini alçaqdan
hərəkətlərə yol verir, qadınların milli və dini hisslərinə hörmətsizlik
edirdilər. Qadınlar arasında dini hissləri aradan qaldırmaq cəhdləri
və çadraya qarşı sərt inizibatçılıq tədbirləri müharibədən sonra
xüsusilə amansız şəkil almışdı. İslam dini ilə bağlı müqəddəs
günlərdə fəal qadınlar kənd və qəsəbələrə yollanır, qadınları dini
ayinləri yerinə yetirməməyə çağırırdılar. Bu məqsədlə onlar
dövlətin, partiyanın əlində olan bütün tə'sir vasitələrindən- qəzet
və curnallardan, radiodan istifadə edir, geniş təbliğat, təşviqat
işləri, mühazirə və söhbətlər aparırdılar. 1980-cı illərin sonuna
qədər respublikada qadiri problemlərinə həsr edilmiş bütün
tədbirlərin, yığıncaq, iclas, müşavirə, seminar, konfrans və
plenumların diqqət yetirdiyi əsas məsələlərdən biri o vaxtın dili ilə
desək «qadınlar arasında dini qalıqların aradan qaldırılması,
onların ateizm tərbiyəsi» idi. Çadra əleyhinə mübarizə də məhz bu
konteksdən
aparılırdı.
Lakin
bu
mübarizənin
sərtliyinə
baxmayaraq, Naxçıvan əhalisi, qadınları hətta belə qorxu və
təzyiqlər şəraitində öz dini inanclarını qoruyub saxlaya bilmişdilər.
Respublikanın partiya rəhbərliyi, mədəniyyətdə, təhsildə, qadın
məsələsində qazanılan uğurlardan danışarkən, yubiley günlərində
təbliğatda adətən Nehrəm kəndini misal gətirir, sanki bununla da
sovet dövrü Nehrəminin C.Məmmədquluzadənin vaxtilə qələmə
aldığı Danabaş kəndindən tamamilə fərqləndiyini sübuta yetirmək
istəyirdi., Lakin bu dövrün partiya sənədlərinədə belə Nehrəm
kəndində dini mərasimlərin icra olupduğu, hətta fəal qadınların
belə məscidə getmələri və çadra örtmələri göstərilir [95, s.l, bağla
ma 162, 2060, s .l5]. (C.Məmmədquluzadənin yazdığı Danabaş
kəndi bir kəndə deyil, geniş mə'nada ümumiləşmiş Azərbaycan
106
*
Dostları ilə paylaş: |