Yenə duyğu dağların,
Yenə sevgi anların,
Yenə dəli çağların,
Səyavuşu qayıtdı...
P.S. Bu ailəni tərk edib gedərkən istedadlı şair-publisist
Səyavuş Sərxanlıya qarşı qəlbimdə baş qaldıran ehtiram hiss
lərini Səməd Vurğunun dili ilə dodaqlarım obrazlı şəkildə
biixtiyar pıçıldayırdı:
Ölüm sevinməsin qoy, ömrünü vermir bada,
El qədrini canından daha əziz bilənlər.
Şirin bir xatirətək yaşayacaq dünyada,
Sevərək yaşayanlar, sevilərək ölənlər!..
Əli HƏSƏN,
şair-publisist
Səyavuş S ərxa n lı
----------------------------------------------------------------------------
SƏYAVUŞUN ÇİNARI
Mən hələ orta m əktəbdə oxuyarkən
Səyavuş Sərxanlının şeirlərini “Azər
baycan gəncləri” qəzetində oxuyub tə
sirlənmişdim. Və elə təsirlənmişdim ki,
nəinki imzası, hətta şeirlərindəki bəzi
misralar da yadımda qalmışdı. 1965-ci
ildə universitetə qəbul olandan bir ne
çə ay sonra məni Səyavuşla Fərman
Kərimzadə tanış elədi.
- Məmmədin yaxşı şeirləri var, -
dedi, - kömək elə, çap olunsun.
O zaman hələ Səyavuş tələbə olsa
da, mən ona ustad şair kimi yanaşır
dım, hətta yanında siqaret çəkməyə də utanırdım. Amma bu ta
nışlıq çox tezliklə dostluğa çevrildi və o ilin payızında Səyavuşun
xəstələndiyini eşidəndə qrup yoldaşlarına qoşulub ona baş çəkmə
yə getdim. Amma nə bizi palataya buraxdılar, nə o palatanın yo-
lunu-yolağasım bizə tanıdan arıq, uzun hörüklü qara şirin qızı.
Neyləyə bilərdik ki? Pəncərədən baxa-baxa qaldıq. O qızın da
gücü göz yaşlarına çatdı. Bir neçə aydan sonra yenidən Səyavuşa
baş çəkməyə gedəndə mən o qızı yenə həmin pəncərənin qarşı
sında gördüm. Yenə də gözləri yaş içində idi və deyəsən onu ye
nə də içəri buraxmaq istəmirdilər.
Biz yenə Səyavuşla pəncərədən hal-əhval tutduq. Amma o qız
içəri girməyə yol tapdı və qayıdanda bizə xoş xəbər gətirdi:
- Bir həftədən sonra onu evə buraxacaqlar, - dedi. O qızın
kimliyi ilə maraqlananda, - tələbə yoldaşıdır, - dedilər. Amma,
sən demə, o qız Səyavuşun yalnız tələbə yoldaşı deyilmiş...
Həyat elə gətirdi ki, mən Səyavuşla iki ilə qədər bir otaqda
qaldım. O qız yenə də hərdənbir görünürdü. Amma həmişə gülə-
gülə gəlirdi, ağlaya-ağlaya qayıdırdı. Artıq Səyavuşu bütün res
publika tanıyırdı. O, Azərbaycan televiziyasında veriliş aparırdı.
Aparıcılığı öz yerində, qəzetlərdə “padval-padval” məqalələr ya
zırdı. Bir dəfə yenə o uzun hörüklü qız bizim kirayə elədiyimiz
otaqdan incik çıxanda Səyavuşdan soruşdum:
<5£ŞS?
------------------------------------------------------------------------------
Vətən, səslə oğlunu
- Sən o qızı niyə incidirsən?
- Heç mən onu incidərəm, - dedi. Məni həyata həkimlər yox,
o qız qaytarıb, bütün qadınlar kimi o da ağlağandı, mən neyləyim?
Heç bilmirəm necə oldu ki, onların toyunda iştirak edə bil
mədim. Bir də eşitdim ki, onların ilki dünyaya gəlib.
O zaman mən daha şeir yazmağın daşını atmışdım, hekayə ya
zırdım. Bir dəfə o hekayələrdən birinin əlyazmasını Səyavuşa
verdim ki, oxuyub fikir söyləsin. Amma bir-iki ay keçəndən sonra
Səyavuş dedi ki, bəs hekayəni itirmişəm. Amma fikirləşdim ki,
yəqin xoşuna gəlməyib, ona görə belə deyir. Üstünü vurmadım,
amma bir neçə ay sonra hekayəni “Ulduz” jurnalında görəndə
gözlərimə inanmadım...
Bu, mənə ilkin ədəbi hörmət öz yerində, hətta bir qədər də
şöhrət gətirən “Kamal müəllimin mahnısı” hekayəsi idi.
Mən bu hadisənin təfsilatını “Ulduz” jurnalının (1977-ci il, №3)
sayında yazmışam və Səyavuşun haqqında ötən il bir neçə radio
verilişi hazırlamışam və verilişlərdə karıma gələn Səyavuşun səsi
olub. Nə yaxşı ki, sağlığında onu bir yox, bir neçə dəfə danışdı
rıb-dindirmişəm, xalq yaradıcılığı ilə bağlı bir neçə söhbətini len
tə almışam.
Yaradıcılığına yaxşı bələd olduğumu bilirdi. Bir dəfə soruşdu:
- Ən çox hansı şeirim xoşuna gəlir? - mən fikirləşmədən
dedim ki, Elmira xanıma yazdığın bütün şeirlər. Ucadan güldü.
Mən soruşdum:
- Bəs indi niyə elə şeirlər yazmırsan? - O yenə ucadan güldü,
amma birdən-birə səsi titrəyə-titrəyə, - ağac ildə bir dəfə çiçək
ləyər, - dedi.
Son illər ağaclara adamlardan çox mehr salmışdı. Yazı masası
nın üstündə mütləq ağac budağı olardı. Sahil bağındakı çinarlar
dan birinə isə deyəsən vurulmuşdu, - o mənim çinarımdı, - de
yirdi.
M.F.Axundov adına kitabxananın qənşərindəki o bəyaz gövdəli
çinar bu il də yarpaqlayıb, amma...
Məmməd ORUC,
nasir-şair
m
Səyavuş S ərxa n lı
-----------------------------------------------------------------------------------
д а ?
ÖZÜ GETDİ, SÖZÜ QALDI DÜNYADA
Onun dünyaya gəlişindən ancaq ata
sı, anası, əzizləri xəbər tutdu. Böyüdü,
yaşa doldu, tanındı, sevildi. Qəfil ölü
mü isə hamını sarsıtdı. Şəxsən mən ne
çə gündür ki, bu dost itkisinin əzabını
çəkirəm.
Futbol olan gecələri əvvəlcə bizə
zəng vurardı, oğlum Vidadidən matç
ların vaxtını soruşardı, sonra da mə
nimlə hal-əhval tutardı. Sevdiyi ko
mandalar çox idi: Azərbaycan yığma
sı, “Real” (Madrid), “Milan”, bir də
“Şəmkir”. “Şəmkir”in iki dəfə çempion olması ona hədsiz sevinc
bəxş etmişdi. Son illərdə isə bu komanda tənəzzül keçirirdi və
artıq onun əzabını üzündən hiss eləyirdim.
Səyavuş Sərxanlı ilə dil tapmaq mənim üçün çox asan idi. Ne
çə il bir otaqda işləmişdik, dərdimiz-sərimiz bir idi. Yəni bu dün
yada nə hadisə baş verirdisə, o barədə düşüncələrimizi bölüşmə-
liydik.
Səyavuş Səxanlı Şəmkirin Sərxan kəndində dünyaya göz aç
mışdı. Atasını doyunca görməmişdi, anası isə Səyavuş əllini keç
məmiş vəfat elədi. Ana itkisi onu yaman sarsıtmışdı.
Ana - ilk məhəbbət sözü kimidir,
Safdır hər niyyəti, hər arzusu da.
Ana - təbiətin özü kimidir,
Bir əli oddadır, bir əli suda.
Ana məktəbini keçməyən həyat,
Özünə bir ömür qazana bilməz.
Bir ana kölgəsi düşməyən həyət
Yüz ocaq yansa da, qızına bilməz.
------------------------------------------------------------------------------
Vətən, səslə oğlunu
д а ?
Dostları ilə paylaş: |