HƏR İKİ DÜNYANIN SAKİNİ
Hər bir yazar, şair Səyavuş Sər-
xanlını həyatın m üxtəlif nöqtələrindən
işıqlandıra bilər. Onun haqqında mə
nim də ürəyimdə şairin söz qığılcım
ları yaşayır. Onun odlu-alovlu, bulaq
kimi çağlayan bir şair, publisist, tər
cüməçi olmasını heç kim dana bilməz.
Onu «Ulduz» jurnalında çalışdığı vaxt
lardan tanıyırdım. O, həm daxilən, həm
də zahirən olduqca gözəl bir insan idi.
Sanki Səyavuş Allahın ən şəfqətli, ən
səxavətli bir anında dünyaya göz aç
mışdı. O, bir dünyanın, bir mahalın, bir kəndin, bir ocağın ba
harını, qışını, qarını, yağışını, istisini, soyuğunu, küləyini, ucalıq
zirvəsində dayanan nəslin, valideynlərin səmimiyyətini, dəya
nətini, diqqətəlayiqliyini, dəyərli kəlamlarını, işıqlı ruhunu, dün
yanın ağrılı-acılı, şəkərli-duzlu, ölməzliyini əbədiyyətə qovuş
durmaq üçün ədəbiyyata gətirmişdi. Onun şeirlərini oxuyanda bir
şairin simasının işığı, möcüzəsi, kövrəkliyi, qəlbinin rənga
rəngliyi, şeirin, sənətin qranit heykəli gözlərimin önündə canlanır.
Şair anası Səadətə yazdığı «Ana» şeirində deyirdi:
Vuruldum Vətənə ana adında,
Ömrümün gecəsi-gündüzü ana!
Həyat dediyimiz kainatın da
İlk sözü anadı, son sözü ana!
Burada onun valideynə bağlılığına heyrət edirsən. Doğrudan da
ana kainatın alternatividir.
İnsanın ilk və son sözü də ana olur. Elə bir şair tanımıram ki,
ana haqqında yazmasın. Səyavuşun ana haqqında yazdığı şeirlə
rinin isə ədəbiyyatda özünəməxsus yeri var. O, şeirlərində analara
isti yuva qurur. Şairin şeirlərindən torpaq ətri gəlir. Torpaq ətri
Səyavuş S ərxa n lı
-----------------------------------------------------------------------------------
------------------------------------------------------------ Vətən, səslə oğlunu
gələn şeir isə həmişə yaşamalıdır.
Torpaq axtarıram, bir ovuc alıb,
Sıxanda Xaqani hayqırsın orda.
Torpaq axtarıram, zəlzələ salıb,
Qandallar, zəncirlər qırılsın orda!
Atasının xatirəsinə həsr etdiyi « Təbiət ağlayır, dəyməyin mə
nə...» şeirində isə o bir ata varlığının, ata sözünün kəsərini ön
plana çəkir. Atasını, özünü təbiətin bir parçası sayır, «i - deyir.
Hələ 80-ci illərin əvvəllərində şair Vətəninin bir parçası olan
Qarabağ haqqında deyirdi:
Mənim Qarabağım bir daş kitabdı -
Düşübdü başına düşmənlərimin.
Qarabağ Azərbaycanın qan yaddaşıdır. Qarabağ döyüşlərində
saysız-hesabsız şəhidlərimiz qurban gedib. Şair ağrılarımıza göz
yummur. Körpələrin qundaqda qurban getməsini bir xalqın faciəsi
hesab edir.
Səyavuş onu soruşanlara, axtaranlara üzünü tutub deyir:
Məni xatırlayan,
Soruşan olsa -
Üzüm ellərədir,
Ünvanım - şeir.
Kim məni tapanda pərişan olsa,
Özümə tutduğum divanım - şeir...
Bəli, onun mayası şeirlə yoğrulmuşdu. Onu şeirsiz yad etmək
qeyri-mümkündür. O, dostları üçün, insanlar üçün şeirdən, şeiriy-
yatdan çox əziz bir insan kimi yadda qalıb. İnanmaq olmur ki, be
lə insanlar dünyadan köçə bilər. Yox, o, dünyadan köçməyib. O,
əvəzsiz yaradıcılığı ilə bu dünyadan şaxələnmiş xeyirxahlığı ilə o
biri dünyaya adlayıb.
Şair onu sevənlərə, sevməyənlərə bir gözlə baxır:
s tü ä ?
Ey məni sevənlər, ey sevməyənlər,
Sizi düşünürəm, qurbanam sizə.
Mən inanmıram ki, Səyavuş Sərxanlım sevməyənlər olsun. O,
sadəcə olaraq təvazökarlıq göstərir. O, sevən və sevilən şairdir.
Səyavuş sevgiyə, m əhəbbətə yaradıcılığında ülvi bir hisslə ya
naşır. M əhəbbətə sevənlərin həyatında ucalıq zirvəsindən baxır:
M əhəbbət - dünyadan bizə əmanət,
Dəymə, o mirvari qaşına, dəymə.
Nə bülbülü ağlat, nə gülü göynət,
Dəymə, əbədiyyət yaşına, dəymə.
Görənlər desin ki, alışan budu,
Gecəsi-gündüzü pərişan budu,
Sinəsi həsrətdən o şan-şan budu,
Dəymə, həsrət dolu o şana, dəymə.
M əhəbbət yolunu bir yol bilmişəm,
Min yol ağlamışam, bir yol gülmüşəm.
Bir yol görənəcən min yol ölmüşəm,
Dəymə, gileyləri daşana, dəymə.
Sevənlərin ağlamasını, qəlbi eşq yolunda yaşayanların göynə-
məsini arzu edən şair ağlayan, göynəyən sevgilərin də şahidi olur.
Belə sevgilərə, belə həsrətlərə, belə hicranlara, belə ayrılıqlara
ürəkağrısı ilə yanaşır.
Deməli, o, iki dünyanın sakinidir. Rus dilində nəşr olunan kita
bımın adını da o qoyub. Şair Zülfüqar Şahsevənli ilə rus dilində
nəşrə hazırlanan kitabı nəzərdən keçirib fikrini bildirmək üçün
onun yanma gəlmişdim.
O, kitabda çapa hazırlanan şeirləri oxudu və bədahətən kitaba
belə bir ad verdi - «Nastala vremya». Zülfüqar bu qənaətə gəl
məsinin səbəbini soruşdu. Səyavuş təmkinlə, səbirlə bizə izah et
di ki, müstəqillik əldə edilənə qədər yazıçılarımız rus dilində
kitab nəşr etdirmək üçün Moskvadan asılı idilər. İndi isə artıq
д а о
Səyavuş Sərxanlı
-----------------------------------------------------------------------------------
müstəqillik qazanmışıq. Rus dilində olan kitabları respublikamız
da özümüz nəşr edəcəyik. Artıq vaxt yetişib. Biz hamımız buna
hazır olmalıyıq.
Bu kitab başqa ad altında Moskvada «Molodaya Qvardiya»
nəşriyyatında çap olunmalı idi. Səyavuş Sərxanlının tövsiyəsi ilə
«Nastala vremya» adı altında respublikamızda çap olundu. Bu
respublikamızda müstəqillik əldə edildikdən sonra rus dilində çap
edilən ilk kitablardan biri idi. Sonra Səyavuş ürəyinin odunu bu
sətirlərə qataraq onu rus dilinə tərcümə etdi. Kitab oxucuların bö
yük marağına səbəb oldu. Çox-çox sonralar onun övladı Hicran
xanımla bir kollektivdə işləyərkən bir daha şahid oldum ki, Sə
yavuşun mənsub olduğu nəsil gözəllik nişanəsi, insani keyfiy
yətlər məcmuəsi, qayğıkeşlik nümunəsidir. Hicran xanım şairə ol
masa da, atasının qoyub getdiyi ən ülvi hisslərin, müqəddəsliyin,
xeyirxahlığın, bənzərsiz arzuların, ən başlıcası, gözəlliyin daşıyı
cısıdır. Səyavuş haqqında, xüsusilə onun yaradıcılığı barədə çox
danışmaq olar. Bu, olduqca böyük bir mövzudur. Mən sadəcə ola
raq Səyavuş haqqında öz hisslərimin bir qismini siz oxucularla
bölüşməyə çalışdım. Əgər hamı Səyavuş kimi təvazökar, qarşı
sındakı insanı başa düşməyə layiq bir şəxs olsaydı, inanıram ki,
cəmiyyətdə çox çətin olan m əsələlər öz həllini asanlıqla tapmış
olardı.
Qəbrin həmişə nurla dolsun, Səyavuş! Sən həmişə bizimləsən.
Biz gəlməyəcəyik sənin yanına, bizi gətirəcəklər. Onda çox şeyi
bölüşəcəyik səninlə. Nağıllar dünyasında nağıllar aləmi söhbəti
mizin mövzusu olacaq...
Hamı yadda saxlasın ki, şair ölmür, bir dünyadan başqa dün
yaya köçür. Hər iki dünyada yaşayır və yaradır. Bəli, sənin sa
dəliyin, məhəbbətin, xoşbəxtliyin, böyüklüyün bizimlə yaşayır və
bizimlə də yaşayacaq. Mən buna bütün varlığımla inanıram!
Şah məm məd Şahməmmədov,
şair-publisist
------------------------------------------------------------------------------
Vətən, səslə oğlunu
Dostları ilə paylaş: |