Səyavuş Sərxanlı-----------------------------------------------
XIII
Qoşalaşıb göy üzünə uçmuşuq,
Göy ölübsə, məndən qanad gözləmə.
Biz ki, belə bu həsrəti qucmuşuq,
Rəhmdilə, rahat həyat gözləmə.
İcazə ver, öz dilimə baş əyim,
Öz yurduma, öz elimə baş əyim,
Yanım, yanım, öz külümə baş əyim,
Ocağımı sönmüş, boyat gözləmə.
Sənli başqa, sənsiz tamam başqayam,
Səninləyəm-sıralarda başdayam,
Daş qoyduğun əziz yerə baş qoyam;
Çaylar kimi ötüm... fəryad gözləmə.
Gidi dünya qananlarla dünyadı,
Yaşlı gözdə cansız daş da mənadı.
Damlanı da dərk edəndə dəryadı,
Qanmayana məndən isbat gözləmə.
Özün boyda bayramlara dəyərsən,
Öz sevginlə ağır başlar əyərsən,
Sevilməyi bacarmasan əgər sən,
Onda məndən, məndən imdat gözləmə!
XIV
Qardı... yağıb qapımızı o kəsdi,
Ağ bayraqlı qara qışa inandım.
Qarğışların gileyləri əbəsdi,
Yağışların arxışına inandım.
Vətən, səslə oğlunu
İnsan öldü, işi bitdi dünyanın,
Beş qarışı kama yetdi dünyanın.
İnsan gəldi, insan getdi-dünyanın
Bir quruca qamışına inandım
Ağılsız baş kimə yardı, bilmədim,
Kimə yazdı, kimə qardı, bilmədim,
Sevmədisə, nə apardı, bilmədim,
M ən ağılın faraşına inandım.
Həsrətlərin ağ şamına nə deyim,
Səhərinə, axşamına nə deyim?
Sevilənin bayramına nə deyim,
Sevilməzin göz yaşma inandım.
Keflərimi bəbəyindən nalladım,
Həsrətimi dar günümə tulladım.
Ağ qızları öpə-öpə yolladım,
İnandımsa, qaraşına inandım.
Yatmışlara qıylar çəkən sevginin,
Köksümüzə qəmlər əkən sevginin,
Selə dönüb-yıxan, tikən sevginin
Bircə həsrət yağışına inandım.
XV
Bir məhəbbət körpüsünü adladım,
Bir ocağın çiçəyini sevmişəm.
Onu nahaq, özümü haq odladım,
Köyrəklərin köyrəyini sevmişəm.
O dağlara, dağlar ona yaraşıq,
Gül yapışan topuqları gür işıq,
Səyavuş Sərxanlı----------------------------------------------
Bir işıqdı, bir işıqdı, bir işıq-
Çıraqların göyçəyini sevmişəm.
Mən də oldum eşqə düşən,yol azan,
İndən belə yaşa asan, öl asan;
Bir xəzanam, bir xəzanam, bir xəzan-
Daha duma lələyini sevmişəm.
Bu ağ yolda divanəlik azdı, az,
Bir sevgiylə qoca dünya dağılmaz!
Daha qürub gözlərimdən sağılmaz,
Dan üzünün ləçəyini sevmişəm.
Aya deyin göyə mənsiz baxmasın,
Çaya deyin daha mənsiz axmasın,
Sinəm necə qabarmasın, qalxmasın,
Bir m ələklər mələyini sevmişəm!
XVI
Dünyaları sizə verdim, yaşayın,
Dərdlərimin dəryasına dəyməyin.
Dəryaları sizə verdim, yaşayın,
Gözlərimin dəryasına dəyməyin.
Mənim qəmlə onun mənlə işi var,
Həsrətlərdən od sinəmdə meşə var,
İlk sevgidən əzəl ana döşü var,
İlk sevginin mənasına dəyməyin.
Məhəbbətsiz-al səhər də zil axşam,
Sevməzlərə lap məhəttəl qalmışam!
Ömür boyu mən pərvanə, siz də şam,
Ümidimin çırasına dəyməyin
« s o ?
------------------------------------------ Vətən, səslə oğlunu
XVII
Səsim-ünüm yetməyirdi heç hara,
Səni sevdim, şəkər oldum, bal oldum.
Dərdsiziydim, qəmsiziydim biçara,
Dərdə düşdüm, Rüstəm oldum, Zal oldum.
Qıy çəkməsən, onda həyat heç nədi,
Kimlər dindi, kimlər mısıb dinşədi!
Ömür yazıq kəhər olub kişnədi,
Mən yazıq da ayağında nal oldum.
H ərə əkdi səhvlərini özüyçün,
Gözdən tökdü şehlərini özüyçün.
Dostlar çəkdi keflərini özüyçün,
Mən də belə ağlar oldum, qal oldum.
Danışırdım göylə çölün düzündə,
Dərdlərimi duydum ayın gözündə,
Boz dünyanın toylu-yaslı üzündə
Yana-yana özüm boyda xal oldum!
XVIII
Ölüm haqdı - addımbaşı bizimdi,
Az ömürlü büsatları qoruyaq.
Ulu göyün nur yağışı bizimdi,
Nuru geçən həyatları qoruyaq.
Qoça yerin qar-yağışı nə deyir,
Ayın, günün gül baxışı nə deyir?
Gör dağların sel naxışı nə deyir,
Yanıb sönən fəryadları qoruyaq.
«
j ö
?
Ulu göylər, en kömək ol, tək mənəm,
Bir çaylağam, sellər-sular yüklənən.
İmdada yet, haqq yolunda təklənən
Səbrləri, inadları qoruyaq.
Ömrümüzü dar günlərdən geçirən,
Şirin zəhər, acı şərbət içirən,
Bir gün bizi gül çiynində köçürən
Qara gözlü övladları qoruyaq.
Söz demirəm ki, daş ataq, baş tutaq,
Söz deyirəm-söhbətlərdə yaşadaq.
Sevgisizin quyusuna daş ataq,
Sevənləri-qanadları qoruyaq.
XIX
Dünya, əgər son əlacın ölümsə,
Adım sevgi azarına yazılsın!
Bir adam ol, bir bizə də gülümsə,
Qıyma, ömür ah-zarına yazılsın.
Dünya, sirdə sənə çatan deyiləm,
Mən ki sənin anan, atan deyilən,
Mən ki səni alıb-satan deyiləm,
Qoyma adım bazarına yazılsın.
Mən dağlara atam kimi vuruldum,
Gül bağlara anam kimi vuruldum,
Vurğunlara adam kimi vuruldum,
Adım insan gülzarına yazılsın.
Selə dönüb tüstülənib yox olsam
Sevənlərin cərgəsindən çıxılsam,
Səyavuş Sərxanlı
---------------------------------------------------------
Sevəmməyib, qəm dağından yıxılsam,
Səsim Kərəm məzarına yazılsın.
XX
Günlərimi sayıb, səni
Aya, ilə qısqanıram.
Sevib səni, duyub səni,
Şirin dilə qısqanıram.
Qəlbə axan yaş oldun ki,
Yananlara baş oldun ki,
Elə, elə xoş oldun ki,
Belə, belə qısqanıram.
Könlü sənə verən gündən,
Qərib gündən, Kərəm gündən,
Gül üzünü görən gündən
Səni gülə qısqanıram.
Kəmərini bel öpəndə,
Tellərini əl öpəndə,
Gül bədəni tül öpəndə,
Səni tülə qısqanıram.
Mən demirəm çağlayanam,
Gecə-gündüz ağlayanam,
Adi neyəm - dağlayanam,
Tək bülbülə qısqanıram.
Sinən qönçə boşlayandan,
Gül açmağa başlayandan,
Ellər səni xoşlayandan
Səni elə qısqanıram.
Sənsiz- günə gecə deyim,
Bir yaxın dur, incə deyim:
Bir könülsən, necə deyim,
Min könülə qısqanıram?!
----------------------------------------------------
Vətən, səslə oğlunu
«
3
?
Dostları ilə paylaş: |