83
İmzalar: Əngəxaran kənd sakinləri: 1. Ağacan Mehdi oğlu. 2. Fərzalı Gəray
oğlu. 3. Babaverdi Əhməd oğlu. 4. Saday Adıgözəl oğlu. 5. Məşhədi Qədim
Məşhədi Nadir oğlu. 6. Molla Həmzə Əhməd Əfəndi oğlu
91
.
MƏRZƏNDĠYYƏ SOYQIRIMI
İsrəfilova Bibigül Süleyman qızının yaddaşından: Ermənilərin Şamaxını
yandırması xəbərini eşidən kimi camaat atla, ulaqla, piyada Pirsaat boyunca
qaçmağa başladılar. Məqsədləri Kür üstünə getmək imiş. Sən demə, erməni
caniləri hər tərəfdən kəndlərə basqın edirlərmiş. Kəndimizin bir dəstəsi tez
uzaqlaşır. İkinci dəstəsini isə Çaylı obası ilə Quşçu obası arasında saxlayırlar.
Mirəli Məmmədrza oğlu, Dursun Alı qızı, Gülsüm Sərxan qızı, Ülkər Sərxan qızı,
Hacı Mürşüd, Yaxşı Hacı Mürşüd qızı, Hacalı Hacı Mürşüd oğlu, Dursun İsmayıl
qızı, Eminə Dursun qızı, Gərəgməz Fətəli qızını elə yoldaca vəhşicəsinə
öldürdülər. Sonradan həmin şəhidləri Quşçu qəbiristanlığında dəfn ediblər. Bundan
əlavə, kəndimizin mollaları - Molla Əmircan və Molla Qəni qardaşlarını ağsaqqal
kimi Şamaxıya - ermənilərlə danışığa dəvət ediblər və ordaca qətlə yetiriblər.
Mərzəndiyə kəndində qalan yaşlıları, xəstələri isə, orada öldürüb, kəndi tamamilə
yandıraraq, daş üstündə bir dənə daş qoymamışlar. Türklər gələndən çox sonra
qaçqın və köçkünlər geri qayıdırlar. Məlum olur ki, bir çox ailələrdən bir nəfər də
sağ qalmamışdır. Bir sözlə ermənilər bizim kəndə yaman dağ çəkiblər”.
QUġÇU
SOYQIRIMI
Ermənilərin dəhşətli faciələr törətdikləri
kəndlərdən biri də Quşçu
olmuşdur. Erməni cəlladları bu qədim kənddə 192 nəfər kişi, 115 nəfər qadın və 25
nəfər uşaq qətlə yetirmişlər. Bu barədə 1919-cu il aprel ayının 18-də kənd sakini
Səbzəli Paşa oğlu Muradov Fövqəladə İstintaq Komissiyasına belə bir məlumat
vermişdir: “Mən, Muradov Səbzəli Paşa oğlu Şamaxı uyezdinin Quşçu kəndinin
starşinası, savadlı, 42 yaşım var, müsəlmanam. Bizim Quşçu kəndi Şamaxının 20
verstliyində yerləşir. Ermənilər bizim kəndə 2 dəfə basqın etmişlər. Birinci dəfə
1918-ci ilin mart ayında - dəqiq yadımdadır, bizim kəndə ermənilər səhər tezdən
soxuldular. Əvvəlcə onlar kəndi uzaqdan atəşə tutdular. Biz kənddən çıxıb
Abdulyan qəzasına tərəf çıxmalı olduq. Yol boyu ermənilər bizim üzərimizə
hücum çəkib, qırmağa başladılar. Kəndə soxulan ermənilər ən yaxşı evləri yandırır
və bütün kəndi qarət edirdilər. Heyvan-qaranın hamısını aparırdılar. Əsgərlərin
hamısı ermənilərdən ibarət idi. 15 gündən sonra biz kəndimizə qayıtdıq. Bir gün
keçəndən sonra bu dəfə malakanlar bizə hücum etdilər. Biz yenidən qaçmağa üz
91
ARDA. f. 1061, s.l.iş. 100, vər. 117-118.
84
qoyduq. Onlar kəndə girib, onu yenidən dağıtmışlar. Biz kəndə qayıtdıqdan sonra
Mərəzədən iki malakan gəlib bizə dedi ki, biz bolşeviklərə tabe olmalı və silahları
onlara təhvil verməliyik. Yalnız bundan sonra sizin rahatlığınız ola bilər, dedilər.
Biz razılaşdıq və təslim olduq.
Hətta akt bağladıq. Hər iki hücum zamanı çoxlu itki vermişik. 300 nəfər
adam öldürülmüş, kənd yandırılmışdı”.
92
Ermənilərin kənddə törətdiyi faciələr barədə ixtiyar yaşlılar - Nəcməddin
Qüdrət oğlu (1924-2001), Ağacan Ağalar oğlu (1918-1993), Qədir Əhmədağa oğlu
(1916-1993), Misir Hacalı oğlu (1923-1994) Saçlı Soltan Mehdi qızı (1920-1998)
tərəfindən xeyli məlumatlar əldə etmişik.
Ağacan Ağalar oğlunun yaddaşından: “Həmin vaxt qırğını öz gözləri ilə
görmüş atam rəhmətə gedənə qədər yeri düşəndə deyərdi: “Bala, ermənidən bizə
dost olmaz. Onlar kənd adamlarına qarşı elə işgəncələr vermişlər ki, heç bir yerdə
görünməmişdir.
Gözlərinin
qarşısında
balası
öldürülən ananın vəziyyətini bir anlığa gözünüzün
qabağına gətirin. Və yaxud, oğlu gözləri qarşısında
işgəncə ilə öldürülən qoca atanı fikirləşin. Arxa-
arxaya bağlanmış, ər-arvadın bir güllə ilə
öldürülməsini təsəvvür edin. Heç bir məmləkətdə
belə qırğın törədilməyib. O, da yadımdadır ki,
ayaqyalın, başıaçıq yaşlı insanlar, körpə uşaqlı
qadınlar qaça bilməyib Əliçapan dağının koğuşlarına
pənah aparmışlar. Boz ayın (mart ayı - müəllif)
soyuğu, sazağına tab gətirməyən 22 insanın çoxu on
beş gün içində ölmüş və ancaq 8 nəfəri salamat
qalmışdır. Onların da hamısı xəstəliyə tutulmuşdur.
Bir neçə gündən sonra onları səkkizi də sətəlcəmdən vəfat etdi: Musa Nağı oğlu,
Güllü Bayram qızı öz körpəsi ilə, Qədir Mirzəqulu oğlunun, Gülqız Babasəlim
qızının adı indi yadımdadır. Amma indi o, kafirlərlə bir yerdə yaşayır. Hər şeyi də
unutdurdular bizə. Amma biz şahidlər heç vaxt o zülmü unuda bilmərik”.
Nəcməddin Qüdrət oğlu və Saçlı Soltanmehdi qızının yaddaşından:
“Ermənilərin Bəylər obasının yanında atdıqları güllə səsindən kənddə olan əhali
pərən-pərən düşdü. Qəfil hücumdan qorxuya düşən əhali Qararx, Şıxbörkü, Çillik
istiqamətində ayağıyalın, başıaçıq qaçmağa başladı. Amma xəstə, qoca, hamilə
qadın və uşaqlar kənddən çox da aralana bilmədilər. Kafirlər kimə çatırdılarsa,
qılınc ilə qətlə yetirir və ya güllə ilə vururdular. O zaman qaçanlar arasında ancaq
Əhmədov Məhəmməd və Qəniyev Hacalıda tüfəng var idi. Çillik yolu ilə
qaçanların ardınca ermənilərin gəldiyini görən Hacalı və Məhəmməd düşməni
karıxdırmaq üçün hərdən dayanıb düşmən tərəfə bir neçə güllə atırdılar. Kafirlər,
92
ARDA. f. 1061, s. 1. iş. 85, vər. 19.
Dostları ilə paylaş: |