yetishi, tushunishi va shaxslararo munosabatlar tizimida o’zidagi takrorlanmas
alohidalikni namoyon etishining ijtimoiy-psixologik manbalarini o’rganish, ushbu
jarayonlarning yoshga va jinsga bog’liq ayrim jihatlarini tahlil qilish, bizga shaxs-
jamiyatning ajralmas bir qismidir degan nazariy
xulosani chiqarishga imkon
beradi.
Individ, ya’ni tabiiy zot sifatida dunyoga kelgan odam bolasi tug’ilgan kunidan
boshlab o’ziga o’xshash insonlar qurshovida bo’ladi va uning butun ruhiy olami,
qiziqishlari, intilishlari va qobiliyatlari ana shu ijtimoiy muhitda namoyon bo’ladi,
chunki agar insonning ontogenetik taraqqiyot davriga e`tibor qaratadigan bo’lsak,
odam bolasi parvarishga muhtoj holda, o’ziga o’hshash kishilar davrasiga tushadi,
sekin-asta jismoniy, ruhiy va ijtimoiy taraqqiot tufayli ijtimoiy munosabatlarning
faol ob`yekti va sub`yektiga aylanadi.
Ijtimoiylashuv tushunchasi ijtimoiy-psixologik kategoriya bo’lib, bu shaxsning uni
o’rab turgan tashqi ijtimoiy muhit ta’sirlariga berilishi, uning norma va qoidalarini
o’zlashtirishga moyilligi, o’zlashtirganlik darajasini ifodalovchi jarayondir.
Insonning tug’ilib, o’zini bevosita o’rab turgan tashqi muhit ta’sirida ulg’ayishi,
shu jamiyat, shu atrof-muhit qurshovida tarbiyalanishi yotadi.
Oilaning ijtimoiy muhiti har bir shaxs uchun ana shunday birlamchi,
dastlabki
ijtimoiylashuv o’chog’i va ulg’ayish maskani hisoblanadi.
Ilk o’spirinning xarakter xususiyatlarini shakllanishiga asosiy ta’sir etuvchi omillar
qatoriga biologik, ijtimoiy va psixologik ta’sir vositalarini kiritamiz. Xuddi shu
davrda ulg’ayibkelayotgan shaxs organizmida biologik, fiziologik qayta qurilish
davri kechishi natijasida ularda agressiv xulq motivlari namoyon bo’ladi. Ayniqsa
o’smirlik davrida organizmning jismoniy va ruhiy jihatdan bir-biriga nomutanosib
tarzda rivojlanishi kuzatiladi, jinsiy balog’atga yetish va funksional yangilanishlar
tufayli gormonlar miqdorining o’zgarishi yuz beradi.
Bir tomondan bu o’smir organizmidagi barcha o’zgarishlar gipotalamus va
endokrin bezlarning rag’batlantiruvchi va nazorat qiluvchi ta’siri ostida kechadi.
Ayrim gormonlarning ortiqcha ishlab chiqarilishi natijasida o’smir xatti-harakatida
agressivlik(jizzakilik, serzardalik, qaysarlik) holatlari kelib chiqadi.
O’smir xatti-harakatlarida agressiv xulq-atvor ko’rinishlari kelib chiqishining
asosiy
sabablariga, uni o’rab turgan ijtimoiy muhit ta’sirini ham kiritishimiz
mumkin, chunki, o’smir xarakter xususiyatlarining shakllanishi u yashab turgan
muhit ta’siri ostida yuzaga keladi.
Agressiv xatti-harakat paydo bo’lishida ko’pgina omillar ishtirok etadi, jumladan,
yosh, shaxsiy xususiyatlar, tashqi jismoniy va ijtimoiy sharoitlar. Masalan,
agressivlikni shovqin, issiq, torlik, ekologik muammolar, meteo sharoitlar va h.k.
kabi sharoitlar kuchlantirishi mumkin. Ammo ko’pgina shu masalani o’rganuvchi
71
tadqiqotchilar fikricha, shaxsning agressiv xatti-harakatlari
shakllanishida hal
qiluvchi rolni bevosita ijtimoiy muhit o’ynaydi.
Ijtimoiy muhitning asosi bo’lgan oila, shaxs xulq-atvorining shakllanishiga katta
ta’sir o’tkazadi, oilada olingan tarbiya bir umrga saqlanib qoladi. Oilaning tarbiya
instituti sifatida muhimligi shundaki, voyaga yetib kelayotgan shaxs hayotining
ko’p qismini o’tkazadi va shaxsga ta’sir etuvchi muddati bo’yicha birorta ham
tarbiya institutlari oilaga teng kela olmaydi.
Farzand tarbiyasida oilaning birlamchi roli haqida E.Fromm: "Oila — o’ziga xos
jamiyatning "psixologik vositachisi", shuning uchun oilada adaptatsiya jarayonida
bola keyinchalik jamiyatda adaptatsiya va turli ijtimoiy muammolarni yechish
asosi bo’lib qoladigan xarakterni shakllantiradi", degan edi.
Shaxs oilada o’zlashtirgan xarakter xislatlarini o’zida aks ettiradi va uni ijtimoiy
muhitda
namoyon qiladi, ba`zan tajovuzlorlikning oilada namoyon bo’lish
shakllari turlicha kechishi mumkin: bu bevosita ijtimoiy yoki jinsiy tajovuzkorlik,
sovuqqonlik, salbiy baholar, boshqa bir shaxsni ruhan ezish, tazyiq o’tkazish,
boshq bir shaxsni emotsional qabul qilmaslik bo’lishi mumkin.
Tajovuzkor xatti-harakatlarning paydo bo’lishiga turli oilaviy omillar ta’sir etishi
mumkin. Masalan, oilaviy birlashishning quyi darajasi, o’zaro to’qnashuvlar, bola
va ota-ona o’rtasidagi yetarli darajadagi emotsional yaqinlikning yo’qligi, bolalar
o’rtasidagi salbiy munosabatlar, oila tarbiyasining noadekvat usuli. Masalan, o’ta
qattiq jazo qo’llaydigan, o’ta qattiq nazorat qiluvchi ota-onalar yoki bolalarning
mashg’ulotlarini nazorat qilmaydigan, farzandining hayotiy rejalariga e`tiborsiz
ota-onalar tajovuzkor xulqqa ko’proq duch kelishadi.
Tadqiqotchilarning fikriga ko’ra, shaxsning agressiv xatti-harakatiga ta’sir etuvchi
xususiyatlardan biri — bu frustratsiyani ko’tara olmaslik qobiliyatidr. Ma’lumki,
frustratsiya ehtiyojlarni qondirishda yoki maqsadga erishish yo’lida paydo bo’lgan
to’siqlar tufayli kelib chiqqan holatdir.
Bolada agressiv xulqning shakllanishida asosan ota-onaning ta’siri
kuzatiladi va
oila tarbiyasidagi quyidagi omillar katta rol o’ynaydi:
bola harakatidan qoniqmagan ota-ona reaksiyasi;
bolalar va ota-onalar o’rtasidagi munosabatlar;
oiladagi o’zaro uyg’unlik darajasi;
aka-uka, opa-sing'illar o’rtasidagi munosabatlar;
ota-ona va farzand o’rtasidagi keskin vaziyatlar;
Ijtimoiylashuvning ikkilamchi maskanlari ham mavjudki, unga barcha bosqichdagi
ta’lim muassasalari, Mehribonlik uylari, ixtisoslashgan maxsus maktab-internatlar
hamda harbiy bilim yurtlari kiradi, chunki u yerda nisbatan uzoq vaqt mobaynida
bola ta`lim oladi va tarbiyalandi, ijtimoiy normalari, qadriyatli yo’nalishlari
72
ta’sirida dunyoqarashi shakllanadi, shaxs bo’lib yetishadi.
Shunday qilib, tor ma’noda ijtimoiylashuv shaxsning ijtimoiy muhitga kirib
borishi, unda singib ketishi, tashqi ijtimoiy muhit normalarini
qabul qilib ularga
rioya qilishi yoki qilmasligini tushuntiruvchi jarayondir.
Ijtimoiylashuv tushunchasi ma’no jihatdan yaqin bo’lgan “tarbiya” va “moslashuv”
tushunchalari uzviy ravishda bog’liq. Ijtimoiylashuv tushunchasi tarbiya
jarayonidan ancha keng ma`noga egadir, chunki uning mazmunida har doim ham
qolipga solib bo’lmaydigan, har doim ham shaxs tomonidan anglanmaydigan
xolatlar ham mavjud bo’ladi.
Moslashuv esa ijtimoiylashuv jarayonining muayyan bir tarkibiy qismi, uning
harakatga keltiruvchi omili sifatida qaralishi mumkin.
Dostları ilə paylaş: