68
– Amma biz onu indi xəstəxanaya aparmalıyıq. Siz dos tu-
nuzdan ancaq onda arxayın ola bilərsiniz, – söylədi.
Həsən gözlərini açanda harada olduğunu müəyyənləşdirə
bilmədi, yanında Mixaellə Vera Solovyovanı görəndə:
– Məni kim gətirib bura? Mən hardayam?
Mixael gülə-gülə:
– Mələklər gətirib, bu gözəl mələyi də sənə həyan olmağa
qoyub getdilər, – azərbaycanca danışaraq Həsənə sataşdı.
Mixael Tiflisdə Həsənlə birgə bir sinifdə oxumuşdu. On ların
məhəlləsindəkilərin əksəriyyəti azərbaycanlı olduğundan, uşaqlıq
dostları da azərbaycanlılar idi. Hərdən onun gürcü ləhcəsi ilə
azərbaycanca danışmağı Həsənin xoşuna gəlirdi.
Vera azca aralıda həkimlə danışırdı. Mixael yenə də
Azərbaycan dilində sözünə davam elədi:
– Həsən, bu qız sənə vurulub, başına çarə qıl, mənimlə birgə
səhərdən buradadır, kimdən eşidib bilmirəm, bir addım da səndən
uzağa getmədi.
Bu an Vera Həsənə yaxınlaşdı:
– Əzizim, bura Moskvadır, havası dəyişkəndi. Bu möv sümdə
çətirsiz evdən çıxmaq olmaz. Bunu nəzərə almamısan. Yəqin ki,
bir də belə etməzsən. Həkimin dediyinə görə, bir həftə xəstəxanada
qalmalısan.
Vera ilk dəfə idi, Həsənə “doroqoy”la, həm də sənlə mü raciət
edirdi. Bu, Həsənin diqqətindən yayınmadı. O, Veranın bir həftə
xəstəxanada qalmaq fikrinə etiraz edərək qətiyyətlə:
– Nə? Yox! Mən bunu edə bilmərəm, hər soyuqdəymədən
sonra bu qədər dərsdən qalsam, vay mənim halıma. Mən hər şeyi,
elə bu müalicəni də evdə, dərslərdən ayrılmadan davam edərəm.
Həsən ciddi təkidlərdən sonra həkimləri də, Vera ilə Mixaeli
də razı sala bildi.
– Onda biz səni evə ötürək, lazım olan dərmanları alaq, sonra
qayıdarıq, – Mixael dedi.
– Hə, buna etirazım yoxdur.
Onlar Həsənin mənzilinə gəldilər. İkiotaqlı mənzildə yük-
sək səliqə-sahman görəndə bu evdə hansısa xanımın yaşa ma-
69
sından şübhələnən Vera o biri otağa boylanaraq bu səliqə-sahmanı
“yaradan xanımı” axtardı. Görməyəndə üzünü Həsənə tutaraq:
– Bax, pəncərədən görünən o üçmərtəbəli zabitlər evinin
ikinci mərtəbəsində, sizinlə üzbəüz nənəm yaşayır. Babam rəh mə-
tə gedib, nənəm xalamla o evdə qalır. Mən bura tez-tez ona baş
çəkməyə gəlirəm. Bizim ailənin diplomsuz həkimi sayılan nə-
nəmin təbii dərmanları, bitki çayları, göbələk şorbası sağalmaq
üçün əsl məlhəmdir. Biz Mixaellə indi gedib sənə lazım olan hər
şeyi gətirərik.
– Zəhmət çəkməyin, mən artıq yaxşıyam.
– Bir azdan lap yaxşı olacaqsan, – deyib Vera tələsik qapıdan
çıxdı.
Mixael Həsəni tək qoymadı. Veranın ayaq səsləri pilləkən-
lərdən uzaqlaşanda Həsən gülümsəyərək dedi:
– Mixael, mən belə qayğılara alışsam, axırı necə olacaq? Bu
qız haradan qarşıma çıxdı? Zalım balasının gözləri elə bil də nizdir.
Bir də, dostum, onun gözlərindən mənə nə, biz tələbə yoldaşlarıyıq.
Bura təhsil almağa gəlmişik, sevgi dastanı yazmağa yox.
Mixael gülürdü:
– Səni bilmirəm, mən filoloji fakültəsindəki bizim kurs
yoldaşımız kuban gözəli Daşanı görən gündən ağlım başımdan
çıxıb. Sən Tiflisdə də hər şeydə, həmişə böyük iradə göstərə bi-
lirdin, amma mən bacarmıram. Sənin xəstəliyin soyuqdəy mə dir,
mənimki sağalmaz sevgi.
Veranın əlləri dolu olduğu üçün qapını ayağı ilə “döydü”.
Mixael qapını açdı. İsti göbələk şorbasının ətri kiçik səbətdən
ətrafa yayıldı. O dedi:
– Bəh, bəh, əcəb iştaha gəldim. Bu şorbanı ölü yesə dirilər.
Həsən ucadan güldü.
Vera səbətdən göbələk şorbasını, qarağat, çiyələk mürəb bə si-
ni masanın üstünə düzdü. Şorbaya azacıq xardal əlavə edərək dedi:
– Nənəm bir doktor kimi məni əmin etdi ki, sən bunu yesən,
sabahacan bütün ağrıların, halsızlığın çəkilib gedər.
– Belə şorbanı tək yemək günah olar, gəlin birgə yeyək.
– Mən yemişəm, bunusa sizə gətirdim.
70
Vera yeməyi qablara çəkəndən sonra iki qafqazlı balasının
iştahla yeməsinə tamaşa edirdi.
Deyirlər, dünyanın ən saf, təmiz və təmənnasız sevgisi tələ-
bəlik illərində yaranan, sonra da ailə qurmaqla nəticələnən mə-
həbbətdir. İllərin sınağından çıxan, bütün ülvi hissləri özündə
yaşadan tələbəlik sevgisilə qurulan ailələr çox möhkəm olur, alın-
maz qalanı xatırladır. Müxtəlif dostların, çoxsaylı müəllimlərin
əhatəsində, onların şahidliyi ilə sevən-seçənlərin hərəkətləri, bir-
birinə münasibətləri daha dolğun formalaşır, sınaqlardan çıxaraq
möhkəmlənir. Belə sevgi bəzən uğursuz olanda qəlblərdə, talelərdə
dərin yaralar yaradır. Belə yara hər iki tərəfin sonrakı xoşbəxtlik
cəhdlərini daim pozur, ömür boyu onların qəlbinin sızıltılı ağrıları
ilə müşayiət olunur. Bəzən gənclikdə kor-koranə, öz-özünə
yaranan və getdikcə möhkəmlənən sevgi müxtəlif maneələrə rast
gələrək sınaqlara çəkilir. Bəzən də sevənlərin özünün içində ağıl,
iradə və sevgi hisslərinin üçtərəfli davası baş verir. İnsanın iradəsi
ilə ağlı sevgi əleyhinə birləşirsə, ən ülvi sevgi belə məğlubiyyətlə
bitir. Yox, əksinə, iradə sevginin tərəfində dayanırsa, o zaman vay
ağılın halına. Gənclik sevgisi uğursuz olan insanlar sonrakı bütün
həyatlarında bu itkinin acısını yaşayırlar, onlardakı sevgi tamlığı,
sevgi bütövlüyü zədələnmiş olur. Bu “yarı”lar sonradan ayrı-ayrı
məkanlarda nə qədər xoşbəxt həyat qurmaq istəsələr də, həmişə
yarımçıq sevgi ilə yaşayırlar. Onların qarşılarına çıxan yeni insan nə
qədər ali hisslərə malik olsa da, yaşamağa çalışdıqları yeni sevgi nə
qədər təmiz, ülvi görünsə də, qurduqları ailə ilə xoşbəxt görünməyə
çalışsalar da, məsum, saf sevgi hissləri onlardan uzaq düşür.
Həsən hazırda ağlı ilə hisslərinin arasında qalmışdı. O, sonrakı
ailə taleyini bugünkü sevgi hissilə yanaşı qoyaraq, fikirləşir, qərar
verməyə çalışırdı. Bu prosesdə hələ ki onun fərdi iradəsi bitərəf
idi, hələlik öz sözünü deməmişdi, sevginin əley hinə olan amilsə,
yalnız Fərəc bəyin nümunəsi idi. Həsən yemək yeyə-yeyə qəlbində
özünü danlayırdı: “Xəstəlik olma saydı, bu qız da onun evini
tanımayacaqdı. Nə isə…” Yenə özünə təskinlik verməyə çalışdı:
“Biz hələ ki ancaq tələbəlik dostlarıyıq, başqa heç nə. Mən bunların
Dostları ilə paylaş: |