80
Həsən ilk sevgisinin daşa dəyməsim bərk qorxurdu. Vera məsə-
ləsində özünü inandırmağa çalışırdı ki, bu, dostluqdur, sevgi deyil.
Vera isə tez-tez Həsənlə evliliyin xoş xəyallarına qapılaraq
getdikcə onu daha çox sevməyə başlamışdı. Həsən ondan qaçdıqca
Veranı özünə daha çox bağlayır, günü-gündən onun sevgisinin
dərinləşdiyini hiss edirdi.
Artıq dərs ilinin yekunları idi. İmtahanlar bitəndən sonra hamı
doğma məmləkətinə getməyə hazırlaşırdı.
Vera özünə yer tapmırdı: “Gedəcəyəm yanına, onsuz yaşaya
bilmədiyimi deyəcəyəm. Mənə biganə deyil, amma nədənsə elə bil
məndən qaçır. Belə olmaz axı…”
Vera fikrində, deyəsən, bu dəfə qətiyyətli idi. Yol boyu
yanından keçib gedənlərə qışqırıb-bağırmaq, hamıya hər şeyi
demək istəyirdi. Ürəyi dolduğundan ağlayaraq bütün içindəkiləri
bölüşməyə adam axtarırdı. Həsənin qaldığı mənzilin önünə nə
zaman çatdığını bilmədi. Bir də onu gördü, həmin doğma qapının
ağzında dayanıb. Əlləri əsə-əsə qapını döydü. Həsən qapını açanda
Veranı üzgün, həm də həyəcanlı görəndə ona elə gəldi kiminsə
əlindən qaçıb qurtulub, yaxud kimsə onu möhkəm incidib.
– Vera, sənə nə olub belə, kim incidib səni?
Vera qapının ağzındakı stulda oturaraq, güclə başını yuxarı
qaldırdı, birdən üzünü əlləri arasına alaraq gücü-qüvvəsi bitmiş
kimi hönkürdü.
– Kim səni incidib, niyə demirsən?
– Sən… sən… sən! İnsafsız, kim incidəcək? Mən sənə
neyləmişəm? Niyə incidirsən məni? Mənim günahım nəydi? Səni
sevməyim günahımsa, cəzamı verməyi də sənə həvalə edirəm.
Sizin oralarda sevənə belə amansız cəza verirlər?
Vera bərk-bərk hönkürürdü. Həsən çaşıb qalmışdı. Əlini
neçə dəfə onun saçlarına toxundurmağa, ayağa qaldıraraq bağrına
basmağa, üz-gözündən öpərək sakitləşdirməyə çalışsa da, özünü
güclə saxladı:
– Vera, mən belə bilmirdim. Sən mənə doğmasan, ürək və
tələbə dostum. Belə ağlama, sən ağladıqca bilirsənmi necə pərişan
oluram?
81
Vera başını yuxarı qaldıranda gözləri Həsənin dolmuş
gözlərinə sataşdı:
– Sən məni sevirsən. Bilirəm, çox sevirsən. Nədir o keçə
bil¬mədiyin sədd? Sən mənə bir şans ver, sevgimi sübut etməyə
imkan ver, Həsən. Mən səni dünyanın ən xoşbəxt adamı edərəm.
Belə böyük sevgi hər kəsin qarşısına çıxmaz. Həsən, sən məni
xəstə etmisən. Neyləyim, saçımı yolum, paltarımı cırım? Dəli-
divanə olduğumu sənə necə sübut edim? Bunu istəyirsənsə, buyur!
Vera əlini paltarının qoluna, boynuna ataraq dartmağa,
cırmağa, saçlarını yolmağa başladı.
Həsən çaşıb qalmışdı. Dağıdılmış uzun saçlarından duyulan
küknar ətri otağı bürüdü. Paltarının yaxası cırılmış, saçları pərişan
Vera Həsənə havalanmış mələk kimi görünürdü. Hər dəfə görüşüb
ayrılandan sonra onun ətri, küknar rahiyəsi qalmış boşluğunu əvəz
edirdi.
Həmişə özünü kifayət qədər güclü sayan Həsən indi cırılmış
paltarla, dağılmış saçlarla onun qarşısında dayanan bu məsum,
sevimli rus qızını sakitləşdirməkdə aciz idi. Bütün gücünü toplayıb
onun cırılmış köynəyinin yaxasını bağladı, saçlarını tumarlayaraq
oxşadı, əllərini əlinə aldı.
O heç vaxt Veranın bu həddə yüksələn əsəb gərginliyini
ağlına gətirə bilməzdi: “Bu qız məndən cəsarətlidir. Mən onun
bu böyük sevgisindən istifadə edə bilmərəm. Bu, nakişilik olar.
Mən ya bu qızın taleyinin məsuliyyətini daşımalıyam, ya da bu
sevginin əzabını qəbul etməliyəm”. Vicdanı, sevgisi, ağlı və
iradəsi qarşı-qarşıya durmuşdu. Bu anda hansının qalib çıxacağı
sonrakı bütün hər şeyə başlanğıc olacaqdı. Həsəndən ötrü sevgidə
kişi məsuliyyəti, mərdliyi və nəzakəti şəxsi hisslərindən çox-çox
yüksəkdə dayanırdı.
“Bu məsum qızın çiçək kimi tərtəmiz sevgisindən namərdcəsinə
istifadə etmək nə qədər yanlış addım olardı. Vera, sən bilsən
ki, mən səni nə qədər sevirəm, mən, doğrudan da, səni lap çox
sevirəm, amma əminəm, bu sevginin sonrası faydalı olmayacaq.
Bir evliliyin sıxıntısı və qorxusu məndən məhz indi, elə bu anda
daha dözümlü olmağı, ürəyimə köz basmağı, dözməyi tələb edir,”
82
– Həsən Veranın əllərini buraxaraq bir addım geri çəkildi:
– Vera, sən o qədər gözəlsən ki… Sən həyatında ürəyincə olan o
qədər oğlanlarla rastlaşacaqsan, elə sevəcəksən, elə seviləcəksən...
Bizim evliliyimiz nə sənə, nə də mənə xoşbəxtlik gətirə bilər. Biz
fərqli-fərqli adamlarıq.
– Niyə? Niyə, Həsən? Onda niyə sən mənim qarşıma çıxdın?
Niyə məni özünə bağladın, niyə, niyə!?
Həsən yerində donub qalmışdı. Nə edəcəyini bilmirdi. Qızın
göz yaşları qarşısında az qala müvazinətini itirərək yıxı lacaqdı.
Günah iş tutubmuş kimi son dərəcə əzab çəkirdi. Vera da bunu hiss
edirmiş kimi, sanki bir qədər sakitləşməkdə idi. Bir qədər sakit
dayanaraq o, qəfildən ayağa qalxdı.
– Bax, Həsən, sən tətilə gedirsən, mən bu ayrılığa necə
dözəcəm? Mən səni sevdiyimi sənə necə sübut etməliyəm. Özümə
qəsd etməyimlə?
Vera Həsəni qucaqlamaq istədi, lakin Həsən bir addım geri
çəkildi. Vera başını aşağı salaraq:
– Sən məni cavabsız sevginlə alçaldır, məhv edirsən, Həsən!
– Sus, Vera, belə danışma. Mən sənin ağlamağına, əzab
çəkməyinə dözə bilmərəm.
– De ki, məni sevirsən. Həsən, bu ki, doğrudur!
– Sən Moskvadan mənimlə istisi adamın beynini qaynadan
uzaq Zərdaba getsən, inan, səmimi deyirəm, körpə, zərif küknar
tingi kimi solub-solub məhv olacaqsan, Vera. Ora zərif bir rus
qızının baş çıxaracağı, yaşayacağı yer deyil.
– O zaman biz burada yaşayaq, atam sənə ürəyincə bir iş
tapar, evimiz də var, birlikdə xoşbəxt yaşayarıq. İstəsən, lap mən
sizin ailədə – Zərdab dediyin yerdə də yaşayaram, söz verirəm,
bacararam.
– Yox, Vera, mən sənin daha gözəl şəraitdə yaşamağını layiq
bilirəm.
Həsən Vera ilə həyat yollarının davam edə bilməyəcəyinə qəti
qərar vermişdi. Odur ki, dolayı yollarla, həm də nəzakətlə, zərif
qəlbini sındırmadan onu özündən uzaqlaşdırmaq istəyirdi. Həsən
həyatında qarşısına ilk çıxan bu məsum sevgi önündə güclə, lakin
Dostları ilə paylaş: |