|
![](/i/favi32.png) Суал Мяшял системинин истисмарыСуал-91: Анбарлара олан тялябляр, Цмуми тялябляр (Йанар газ балонлары сахланылан
|
səhifə | 108/138 | tarix | 13.05.2022 | ölçüsü | 1,66 Mb. | | #86951 |
| sual cavablar (3)Суал-91: Анбарлара олан тялябляр, Цмуми тялябляр (Йанар газ балонлары сахланылан
анбарлары).
Ъаваб:
Yanar qaz balonları saxlanılan anbarlar çardaxsız, arakəsməsiz, yüngül tip örtüklü yanmayan konstruksiyalardan tikilməli və birmərtəbəli olmalıdır.
Atmosfer çöküntüləri və günəş şüalarının təsirindən balonları qorumaq şərti ilə onların açıq meydançalarda da saxlanılmasına icazə verilir.
Yanar qaz balonları saxlanılan anbarların döşəmələri zərbə zamanı qığılcım verməyən materialdan olmalıdır.
Qrup halında balonların divarla arakəsməsi olmadan yerləşdirilməsinə yalnız yanmayan bütöv divarlı (qapı və pəncərəsi olmayan divar) binalarda icazə verilir.
Qrup halında balonlar şkaflarda və ya yanmayan materiallardan hazırlanmış xüsusi budkalarda saxlanılmalıdır.
Sıxılmış, mayeləşdirilmiş, həll olunmuş qazların saxlanılması üçün ayrılmış balonlar [9]-n tələblərinə cavab verməlidir.
Balonların xarici səthi hər bir qaz üçün müəyyən edilmiş rəngə uyğun rənglənməlidir.
Balonların müəyyən edilmiş normadan artıq sıxılmış, mayeləşdirilmiş və həll olunmuş qazlarla doldurulması qadağandır.
Yanar qaz balonları (hidrogen, asetilen, propan, etilen və s.) oksigenli balonlardan, sıxılmış hava və digər oksidləşdiricilərdən, həmçinin zəhərli qazlardan ayrı saxlanılmalıdır.
Oksigenli balonlar yağlarla və yağlı materialı olan armaturlarla təmasda olmamalıdır. Oksigenli balonların əllə daşınması zamanı ventildən tutmaq qadağandır.
Sıxılmış qaz stansiyalarının partlayış təhlükəli otaqlarında və yanar qaz balonları saxlanılan otaqlarda təhlükəli qaz qatılığının yaranması barədə siqnal verən cihazlar quraşdırılmalıdır.
Göstərilən cihazlar olmadıqda otağın havasının növbədə bir dəfədən az olmayaraq qaz analizi aparılmalıdır.
Analiz üçün hava nümunələri otağın aşağı və yuxarı hissələrindən götürülməlidir. Otaqda təhlükəli qaz qatılığı aşkar olunarsa, otağın havasının dəyişdirilməsi üçün tədbirlər görülməli, onun qazlanması səbəbləri aydınlaşdırılmalı və aradan qaldırılmalıdır.
Düzülmə zamanı balonların bir-birindən zərbə almasına, balon qapaqlarının döşəməyə düşməsinə yol verilməməlidir.
Yanar qaz balonlarında sızma aşkar olunarsa, həmin balonlar təcili olaraq anbardan kənarlaşdırılmalıdır.
Yanar qaz balonları istilik mənbələrindən 1m-dən az olmayan məsafədə saxlanılmalıdır.
Yanar qaz balonları saxlanılan anbarlara ayaqqabısının altlığına (dabanına) metal mismar və ya nal vurulmuş şəxslərin daxil olması qadağandır.
Balonların günəş şüalarının birbaşa təsirindən qorunması üçün anbarın pəncərə şüşəsi ağ rənglə rənglənməli və ya günəşdən qorunma qurğuları ilə təchiz olunmalıdır.
Balonlar saxlanılan anbarlardan radiusu 10 m-dən yaxın məsafədə yanar materialların saxlanılması və odlu işlərin aparılması qadağandır.
Başmaqlı yanar qaz balonları anbarlarda şaquli (dik) vəziyyətdə saxlanılmalıdır. Balonların aşmaması üçün, onlar xüsusi yuvalara yerləşdirilməli və ya çəpərlənməlidir.
Başmağı olmayan balonlar taxta çərçivələrdə və ya stellaжlarda üfiqi vəziyyətdə saxlanılmalıdır.
Balonlar sıra ilə yığılarkən, onların hündürlüyü 1,5 m artıq olmamalı, bütün ventillər qoruyucu qapaqlarla bağlanmalı və hamısı bir tərəfə yönəldilməlidir.
Yanar qaz balonları saxlanılan anbarların təhlükəsiz qaz qatılığını təmin edən məcburi ventilyasiyası olmalıdır.
Ventilyasiyası nasaz anbarların istismarı qadağandır.
Qaz balonları olan anbarlarda digər maddə, material və əşyaların saxlanılması qadağandır.
Dostları ilə paylaş: |
|
|