Суал-97: Йцклямя – бошалтма ишляри вя йцклярин нягли. Uzunölçülü yüklərin
yüklənməsi, boşaldılması və nəqli
Ъаваб:
- Ağır çəkili və uzunölçülü yüklərlə işləyərkən ancaq yükqaldırıcı mexanizmlərdən istifadə etmək lazımdır.
- Uzunölçülü yüklərin yüklənməsi və boşaldılması ilə məşğul olan fəhlələr işin gedişi vaxtı krançı və siqnalçı ilə vizual mübadilə aparmaq üçün bütün şərti işarələri bilməlidirlər.
Ağır və uzunölçülü yüklərin qaldırılmasında və yerdəyişdirilməsində inventar vasitələrindən və alətlərdən istifadə edilməlidir. Bu işlər üçün boru kəsiyindən, metal parçasından, taxta və əşyalardan istifadə etmək qadağandır.
Borunu əl ilə daşıdıqda xüsusi tutucu kəlbətinlərdən istifadə edilməlidir. Boruların lingin, bel dəstəyinin və s. üstündə daşınması qadağandır.
-Fasilələr vaxtı boruların asılmış halda saxlanılması qadağandır.
-Boruların qaldırılması və daşınması bir qrup fəhlənin iştirakı ilə yerinə yetirilirsə, ağırlıq hər adam hesabına 40kq-dan artıq olmamalıdır. Bu zaman xüsusi kəlbətindən istifadə edilməlidir.
-Uzunluğu 4 m-dən çox olan boru dəstələri, borular və polad boruların seksiyaları, döndərici dairə ilə təchiz olunmuş biroxlu yedəkli avtomobillərdə daşınmalıdır. Borular kuzovun döşəməsinə və avtoqoşqunun döndərici dairəsinə bərkidilmiş xüsusi tirlərin üstünə düzülməlidir.
-Borudaşıyıcıların hərəkəti zamanı yüklənən boru seksiyalarının dağılıb tökülməsinin qarşısını almaq üçün seksiyalar taxta travers və dayaqlar vasitəsilə bərkidilməlidir.
-Uzunölçülü yüklərin yığılması və səhmana salınması elə edilməlidir ki, keçidlər və yollar tutulmasın.
Onları aşağı endirib yerə qoyduqda trosun, zəncirin, kanatın sıxılmaması üçün onların altına araqat qoyulmalıdır.
-Yük asılı vəziyyətdə olanda nasazlığı aradan qaldırmaq və ilməyin vəziyyətini dəyişmək qadağandır. Nasazlıq aşkar edilən kimi yük aşağı endirilməli və nasazlıq yerdə aradan qaldırılmalıdır.
-Boruların yüklənməsi, boşaldılması, daşınması və sıra ilə düzülməsi, bu işlərin təhlükəsiz yerinə yetirilməsi üçün mühəndis-texniki heyətdən xüsusi olaraq ayrılmış şəxsin nəzarəti altında aparılmalıdır.
-Müxtəlif diametrli və ölçülü boruların və uzunölçülü yüklərin yüklənməsi, boşaldılması və yerdəyişdirilməsi işlərinin aparıldığı yerlərdə kənar adamların olması qadağandır.
-Uzunölçülü yükləri daşıyan avtomobilin kuzovunun bortları olmamalıdır. Lakin, kuzov yükləri düşməkdən qoruyan qaldırıcı və qatlanan dayaqlarla təchiz olunmalıdır. Kuzovun və qoşqunun dayaqları yuxarıdan zəncir və ya burazla mütləq bağlanmalıdır.
-Avtomobilə boruların yüklənməsi (boşaldılması) işlərinə, avtomobil tam dayandıqdan və sürücünün işarəsindən sonra başlanılmalıdır.
-Boruların ilməklənməsi üçün burazın uzunluğu qaldırıcı mexanizmin qarmağı ilə yükün mümkün qədər aralı olmasını təmin etməlidir.
-Uzunölçülü yüklər qaldırılan və ya endirilən zaman ona əl ilə istiqamət vermək olmaz.
-Uzunölçülü yükün bir ilməklə qaldırılması qadağandır.
-Yükləri ikibuynuzlu qarmaqdan asarkən buraz və zəncir elə bağlanmalıdır ki, qarmağın hər iki buynuzuna eyni ağırlıq düşsün.
-Qalaq açılmazdan əvvəl, qalaqda uzunölçülü yüklərin dayanıqlığı və dayaqlara etibarlı dirənməsi yoxlanılmalıdır.
-Uzunluğuna görə nəqliyyat vasitələrinin qabaritindən 2 m və daha artıq çıxan yüklər qoşqulu avtomobillərdə daşınmalıdır.
Uzunölçülü yüklərin (rels, boru, tir, şalban) daşınması bir qayda olaraq mexanikləşdirilməlidir. Əl ilə boşaltmada möhkəm tirlər tətbiq olunmalıdır. Bu iş ən azı 2 nəfər yükvuran fəhlə tərəfindən yerinə yetirilməlidir.
-Eyni vaxtda müxtəlif uzunluqlu yüklər daşınarsa, nisbətən gödək olan yüklər üstdən yığılmalıdır.
-Mexanikləşdirilmiş borudaşıyan maşınların diyirlədiciləri eyni uzunluqda və qalınlıqda olmalıdır və onlar borudaşıyan maşına etibarlı bərkidilmək üçün qurğu ilə təchiz olunmalıdır. Yükləmə-boşaltma zamanı diyirlədicilərin maillik bucağı 300 –dən artıq olmamalıdır. Boşaltma zamanı boruları (uzunölçülü yükləri) atmaq qadağandır.
Mexanikləşdirilmiş borudaşıyan maşınlarda işləyərkən т/т –nın tələblərinə əməl olunmalıdır.
-Borudaşıyan qoşqulara uzunölçülü yüklər (boru, rels, şalban və s.) yüklənərkən avtomobilin kabinəsinin arxa hissəsi ilə yük arasında müəyyən məsafə saxlanılmalıdır ki, yedəkçi avtomobilə görə qoşqu sərbəst olaraq hər tərəfə (900 bucaq altında) dönə bilsin.
-Yüklər avtomobilə qaldırıcı mexanizm ilə yüklənən zaman, sürücü və yükləyicilər kabinədə, banda (kuzovda) və ya avtomobilin pilləsində olmamalıdır.
-Müvafiq tutucu və saxlayıcı mexanizm olmadıqda, maili yerlərdə yükün yerdəyişdirilməsi qadağandır.
-Yükün yuxarı və aşağı hərəkəti (yükləmə-boşaltma) zamanı onun altında (önündə) durmaq qadağandır.
-Yükün hərəkəti (yüklənib-boşaldılması) zamanı vərdənələrin kənara çıxan ucları arasında durmaq və onların üstündən keçmək qadağandır.
-Aşağıdakılar qadağandır:
-ucları avtomobilin yan tərəf qabaritindən çıxan yükləri daşımaq;
-sürücünün kabinəsinin qapısının qabağını yüklə kəsmək;
-uzunölçülü yükləri dirəklərdən yuxarı yükləmək.
-Tormozlama və maili hərəkət zamanı yüklərin yerdəyişməsinin qarşısını almaq üçün yüklər etibarlı bərkidilməlidir.
-Yükləmə-boşaltma zamanı diyircəklərdən (nakat) istifadə edilərkən aşağıdakı tələblərə əməl olunmalıdır:
-diyircəklər metaldan hazırlanmalı, yükün çəkisinə uyğun olmalı və nəqliyyat vasitələrinə və ya qəfəsələrə bərkidilmək üçün tərtibata (quruluşa) malik olmalıdır; hər bir diyircəyin çəkisi iki adama düşən yükdən artıq olmamalıdır;
-quraşdırılmış diyircəklərin meyl bucağı 300-dən artıq olmamalıdır;
-diyircəklər arasındakı məsafə elə olmalıdır ki, boru və ya tirin (şalbanın) ucları diyircəkdən kənara 1,5 m-dən çox çıxmasın;
-diyircəkdə yükün geriyə yuvarlanmasının qarşısını alan quruluş nəzərdə tutulmalıdır;
-hər dəfə istifadə olunmazdan əvvəl diyircəklərin sazlığı və davamlılığı işin rəhbəri tərəfindən yoxlanılmalıdır;
-fəhlələr diyircəklər arasında dayanmamalıdırlar.
Dostları ilə paylaş: |