|
Суал Мяшял системинин истисмарыСуал-94: Тящлцкяли маддялярля ялагяли ишляр. Цмуми тялябляр
|
səhifə | 112/138 | tarix | 13.05.2022 | ölçüsü | 1,66 Mb. | | #86951 |
| sual cavablar (3)Суал-94: Тящлцкяли маддялярля ялагяли ишляр. Цмуми тялябляр
(Ъивя əlaqəli işlər)
Ъаваб:
Civənin qızdırılması, yuyulması, distillə edilməsi ilə əlaqəli işlərdə, onun açıq səthlərinin mövcud olduğu halda və civənin dağılması ehtimal olunan cihazlardan istifadə edildikdə bu işlər digər otaqlardan təcrid olunmuş ayrıca otaqlarda aparılmalıdır.
Civə içəri səthi minalanmış polad germetik balonlarda saxlanılmalı və daşınmalıdır. Çox az miqdarda olan civəni rezin balonlarda saxlamağa və nəql etməyə icazə verilir.
Civə ilə işləyən cihazlara baxış keçirmək, onları təmir etmək üçün nəzərdə tutulan otaqlarda civə kip tıxaclı, qalın divarlı şüşə tutumlarda və ya rezin kolbalarda qliserin altında 1 litrdən çox olmayan həcmdə saxlanılmalıdır.
Civə ilə dolu tutumlar dəstəyi olan xüsusi metal qablarda (futlyarlarda) daşınmalıdır.
Civə ilə iş görülən otaqların havası ayda bir dəfədən az olmayaraq onun buxarlarının mövcudluğuna yoxlanılmalıdır. Otaqda civə buxarlarının yüksək qatılığı aşkar olunduqda (0,01mq/m3 çox olduqda) sanitariya təmizləmə işləri və əlavə olaraq hava mühitinin analizi aparılmalıdır.
Civə ilə iş görülən otaqlarda aşağıdakı şərtlərə riayət olunmalıdır:
divarlar sementlə malalanmalı və yağlı boya ilə rənglənməlidir;
döşəmə və bütün divar boyu döşəmədən 100 mm yuxarı sahə qara plastik kütlədən hazırlanmış (viniplast) təbəqə ilə örtülərək bərkidilməlidir;
döşəmə civəni yığmaq üçün nəzərdə tutulan çalaya (tutucuya) doğru maili quraşdırılmalıdır;
ç) divar və tavanın küncləri hamar olaraq dəyirmiləşdirilməlidir.
Işçi mebelin quruluşu sadə, səthləri hamar olmalı, nitroemal və ya nitrolaklarla rənglənməli, döşəmədən hündürlüyü azı 20 sm olan ayaqlar üzərində yerləşdirilməlidir.
Stol və sorucu şkafların kənarlarında hündür bortlar və civənin axması üçün dəliklər olmalıdır. Dəliyin altında onun kənarlarına kip bağlanmış içərisi və çölü şpaklyovkalanmış və rənglənmiş civənin axması üçün tərtibat olmalı, onun da altında qalın divarlı tutum üçün (civənin yığılması üçün) yer nəzərdə tutulmalıdır. Tutumun içərisində daima su olmalıdır. Tərtibat suya dalmış vəziyyətdə olmalıdır.
Civənin axması üçün nəzərdə tutulan dəliyi kauçuk tıxacla qapayırlar. Hər gün yığılmış civə tutumdan boşaldılmalıdır.
Içərisində civə olan aparatların kranının civənin təzyiqi altında sıçrayıb düşməsini istisna edən xüsusi bərkidilmə sistemi olmalıdır. Kauçuk borucuqların aparatlara birləşən yerləri etibarlı surətdə bərkidilməlidir.
Otaqlar sanitariya vəziyyətindən asılı olaraq, dövri surətdə, ayda bir dəfədən az olmayaraq yığışdırılmalıdır (təmizlənməlidir). Bu vaxt divar, döşəmə və aparatların səthi sabunlu su ilə yuyulmalı və kalium-permanqanatın 0,1% məhluluna qatı xlorid turşusu (1 litr məhlula 5 ml HCl) əlavə etməklə silinməlidir.
Hər gün işə başlamazdan əvvəl və iş qurtardıqdan sonra otağın havası dəyişdirilməli, nəm süpürgə ilə təmizlənməli və nəm əsgi ilə stol, mebellər silinməlidir.
Çirkli civəni içərisində su olan bankaya töküb ağzını kauçuk tıxacla bağlamaq lazımdır. Civəni kanalizasiyaya tökmək qadağandır.
Dostları ilə paylaş: |
|
|