|
Суал Мяшял системинин истисмарыСуал-98: Йцклямя – бошалтма ишляри вя йцклярин нягли. Yanar (tezalışan) yüklərin
|
səhifə | 117/138 | tarix | 13.05.2022 | ölçüsü | 1,66 Mb. | | #86951 |
| sual cavablar (3)Суал-98: Йцклямя – бошалтма ишляри вя йцклярин нягли. Yanar (tezalışan) yüklərin
yüklənməsi, boşaldılması və nəqli
Ъаваб:
Yanar (tezalışan) yüklər – benzin, kerosin, liqroin, metanol, texniki spirt, dixloretan və s. avtosisternlərdə və ya metal çəlləklərdə nəql edilir. Başqa qablarda (şüşə qablarda, vedrələrdə və s.) yanar yükləri nəql etmək qadağandır.
Yanar yüklərin daşınması və saxlanılmasında istifadə olunan tutumlar saz və germetik olmalıdır.
Bu məqsəd üçün istifadə olunan sisternlərin və tutumların üzərində silinməyən açıq rənglə «Zəhər», «Oddan təhlükəlidir!» və yanar məhlullar üçün qəbul olunmuş başqa xəbərdaredici işarələr yazılmalıdır.
Yanar yüklərin doldurulması və boşaldılması zamanı papiros çəkmək və oddan istifadə etmək qadağandır.
Partlayış təhlükəli, tezalışan və zəhərli yüklərin doldurulması və boşaldılması işinə, həmin yüklərin xüsusiyyətləri və təhlükəliliyi haqqında xüsusi təlim keçmiş fəhlələr buraxılır.
Çəlləkləri diyirlətmək üçün polad lingdən istifadə etmək qadağandır.
Yanar məhlulla dolu olan çəlləklər avtomobilin banına (kuzova) araqatı olan ramalara və ya ağac çüy bərkitməklə tıxacı yuxarı vəziyyətdə yığılmalıdır. Benzin və ya başqa neft məhsulları ilə dolu olan çəlləkləri avtomobildən yerə atmaq qadağandır.
Çəlləklərin nəqlində, saxlanılmasında və yüklənməsində onların düşməməsi üçün xüsusi tədbirlər görülməlidir. Dolu çəlləklər saxlanılan və nəql edilən zaman onlar günəş şüalarından və yerli qızmadan qorunmalıdır.
Yanar yükləri daşımaq üçün təyin olunmuş avtomobildə yanğını söndürmək üçün vasitələr və xəbərdarlıq siqnalı (qırmızı bayraq) olmalıdır.
Təhlükəli maddələrin daşınması nəzərdə tutulan taralar, ümumi istifadə üçün olan avtomobil nəqliyyatlarında təhlükəli yüklərin saxlanması və daşınması [217] tələblərinə cavab verməlidir.
Təhlükəli maddələr olan bütün yük yerlərində yükün təhlükəlilik növünü (dərəcəsini), qablaşdırmanın yuxarı hissəsini, qablaşdırmada olan zərif qabların sayını göstərən yarlıqlar olmalıdır.
Yükləmə –boşaltma işlərini yerinə yetirərkən yükün növündən və iş şəraitindən asılı olaraq müvafiq fərdi mühafizə vasitələrindən istifadə edilməlidir.
Yanar yük çəlləklərinin nəqli zamanı avtomobilin banında (kuzovda) işçinin olması qadağandır.
Yanar (tezalışan) yüklərin boşaldılması və doldurulması zamanı avtosistern, yaxınlıqda olan yerləbirləşdirici qurğuya bənd edilməlidir, əgər o yoxdursa, kənarda 0,5 m dərinliyə torpağa sancılmış daşınma yerləbirləşdiriciyə bərkidilməlidir.
Avtosisterni yerləbirləşdirici qurğudan ayırmağa, yalnız doldurulma və ya boşaldılma prosesi qurtardıqdan sonra icazə verilir.
Statik elektrikləşmədən qorunmaq üçün tətbiq olunan xüsusi təyinatlı yerləbirləşdirici qurğunun müqaviməti 100 Om-dan çox olmamalıdır.
Boşaldıcı rezin şlanqlar, diametri 2 mm-dən az olmayan mis məftillə sarınmalı, sarğının addımı 100 mm-dən çox olmamalı, məftilin bir ucu şlanqa digər ucu isə şlanqın ucluğuna bərkidilməlidir. Şlanqın ucluğu zərbədən qığılcım yaratmayan metaldan olmalıdır.
Avtosisternlərə doldurma və boşaltma işləri müəyyən maddələr üçün xüsusi təyin olunmuş nasoslardan, qüsursuz şlanqlardan və borulardan istifadə etməklə yerinə yetirilməlidir.
Avtosisternlərin doldurulması və boşaldılması yükgöndərən və yükalan təşkilatın qüvvə və vəsaiti ilə yerinə yetirilir. Yükün avtomatikləşdirilmiş sistem vasitəsi ilə boşaldılması istisna olmaqla, yükləmə-boşaltma işlərini aparmaq üçün sürücülərdən istifadə etmək qadağandır.
Avtomobildə qurulmuş nasosun köməyi ilə yerinə yetirilən doldurma və boşaltmanı istisna etməklə, təhlükəli yüklərin avtomobilə yüklənib və boşaldılması yalnız avtomobilin mühərriki sönmüş olduqda yerinə yetirilməlidir.
Belə halda sürücü nasos idarə olunan yerdə olmalıdır.
Qığılcımsöndürücü quruluşla təchiz olunmuş işlənmiş qazlar borusu (boğucu boru) avtosisternin mühərrikindən qabağa çıxarılmalıdır.
Yanar maddələr saxlanılan (benzin, kerosin və s.) tutumların doldurulma həddi tutumların həcminin 95%-dən çox olamamalıdır.
Doldurma və ya boşaltma üçün saxlanılmış avtosisternin işəsalma açarı söndürülməli və sürətlər qutusu neytral vəziyyətdə saxlanılmalı, çarxların altına qabaqdan və arxadan dayaq qoyulmalıdır.
Avtosisterndə lyukun açılması və dirsəyin bərkidilməsi zamanı işçilər küləkdöyən (əsən) tərəfdə dayanmalıdırlar.
Avtosisterni doldurarkən, rezin şlanqın ucu sisternin dibinə qədər salınmamalıdır (dibdən 200 mm məsafədən artıq olmamaq şərti ilə).
Doldurma və boşaltma estakadası ərazisində avtosisternin təmiri qadağandır.
Avtosistern doldurulduqdan sonra rezin şlanqın içərisindəki maye tam boşaldılmalı və bu zaman yanar maddənin yerə tökülməsinə yol verilməməlidir.
Avtosisternin yaxınlığında yanğın baş verərsə, onu təcili təhlükəsiz yerə sürməli, bu mümkün olmadıqda sisterni su şırnağı ilə sulamaq lazımdır.
Ərzaq məhsullarının təhlükəli maddələrlə birgə daşınması qadağandır.
Yükü nəql edən zaman avtomobildə texniki nasazlıq baş verərsə və bu nasazlığı yerində aradan qaldırmaq mümkün olmazsa, sürücü daşıdığı yükün xüsusiyyəti barədə xəbərdarlıq etməklə texniki kömək çağırmalı, təhlükəli maddələrin axması halları olduqda isə bunu təcili aradan qaldırmaq üçün müvafiq tədbirlər görməlidir.
Təhlükəli yüklərin yüklənməsi və boşaldılması ərazisində və onların daşınması zamanı papiros çəkmək, yaxud oddan istifadə etmək qadağandır.
Papiros çəkməyə yalnız xüsusi ayrılmış yerlərdə icazə verilir.
Dostları ilə paylaş: |
|
|