MƏKTƏB VƏ MAARİF
1834-cü il məlumatına əsasən həmin ildə Bakıda cəmi bir ümumi ibtidai
məktəb vardı. Bu məktəb ona görə ümumi məktəb adlanırdı ki, orada Bakıda
yaŞayan bütün millətlərin uŞaqları oxuya bilərdilər. Həmin il 8 fevral təliqəsinə
əsasən bu məktəbin cəmi 29 Şagirdi vardı. Burada oxuyan uŞaqların əksəriyyəti
dövlət məmurlarının uŞaqları idi. 28 nəfərdən 11 nəfəri bəy, dvoryan, knyaz
uŞaqları, 11 nəfər isə tacir və varlıların uŞaqları idi. Yerli zümrələrdən olan
azərbaycanlılar öz uŞaqlarını bu məktəbə buraxmırdılar. Bunun da səbəbi o idi ki,
bu məktəblərdə ana dili və Quran təlim olunmurdu. Azərbaycanlı uŞaqların
əksəriyyəti mədrəsələrdə oxuyurdular. Şəhərdə mollalar tərəfindən saxlanılan belə
mədrəsələrin sayı 12-dən artıq deyildi. Bunlarda da 142 nəfər uŞaq oxuyurdu.
Təkcə MaŞtağa nahiyyəsində 23 mədrəsə vardı ki, burada təhsil alan Şagirdlərin
sayı 200 nəfərə yaxındı. Məscidlərin nəzdində olan bu mədrəsələrdə dərs deyən
mollaların əksəriyyəti İrandan gəlmə idilər. Mədrəsələrin xərcini qismən məscidlər
və qismən valideynlər ödəyirdi.
Qafqaz caniŞininin 1843-cü il 17 may tarixli fərmanı əsasında Bakıda
müsəlman məktəbi açılır. Bu məktəbin üç nəfər müəllimi və 50 nəfər Şagirdi vardı.
Dərslər Azərbaycan, rus, ərəb və fars dillərində aparılırdı. Yalnız rus dili
müəlliminin maaŞı hökümət hesabına ödənilirdi. O biri müəllimlər isə maaŞlarını
ayrı-ayrı adamlardan toplanmıŞ ianə hesabına alırdılar.
Yalnız, 1887-ci ildən baŞlayaraq, Bakıda yeni Avropa tipli məktəblər
açılmağa baŞladı. Bunlar camaat içərisində üsuli-cədid məktəbi adlanırdı. İlk
təŞəbbüs həmin ildə Tiflisdə Aleksandr institutunu yenicə bitirib Bakıya qayıtmıŞ
Sultan Məcid Qənizadə və Həbib bəy Mahmudbəyov tərəfindən irəli sürülür.
146
Məktəbdə ana dili, fars dili ilə yanaŞı rus dili də təlim olunurdu. Buna görə də
məktəb "Rus-tatar məktəbi" adlanırdı. Fars dili ona görə keçilirdi ki, ticarətlə
əlaqədar bütün müəssisələrdə yazı-pozu fars dilində aparılırdı. Məktə_____bdə 50 Şagird
vardı. Hər uŞaqdan ayda 3 manat pul alınırdı. Lakin müəllimlər bu Şagirdlərin
demək olar ki, 25 faizinə pulsuz dərs deyirdilər. "Rus-tatar məktəbi"nin binası
cəmi iki dərs və bir müəllimlər otağından ibarət idi. 15 ədəd dörd nəfərlik
skamyası, iki dənə yazı taxtası, iki stolu və bir neçə dənə stulu vardı. Dərsləri
əsasən Sultan Məcidlə Həbib bəy aparırdı. İlk zamanlar yalnız ŞərŞət müəllimi
kənardan çağırılırdi. İkinci il məktəb böyüyür. Məktəbə gələn Şagirdlərin sayı 80
nəfərə çatır. Lakin yer olmadığından onlardan ancaq 50 nəfəri qəbul olunur.
Məktəb getdikcə böyüyür və onun üçün daha geniŞ bina kirayə etməli olurlar.
BaŞqa müəllimlər də dəvət olunur. Məktəbin mədaxili isə çox az idi. Kənardan
çağırılmıŞ müəllimlərə məvacib vermək, ev kirayəsi, odun, neft və su almaq üçün
vəsait çatmırdı. Məxarici ödəmək məqsədilə Sultan Məcid və Həbib bəy evlərdə
xüsusi adamların uŞaqlarına dərs deməklə də məŞğul olurdular. Dərs kitabları yox
idi. Özləri dərslik yazmağa məcbur idilər. Hətta məktəbin lövhəsini də Sultan
Məcid öz əli ilə yazmıŞdı. 1889-cu ildə Şəhər idarəsi məktəb binasının kirayəsi
üçün hər il məktəbə 6000 manat pul ayırdı. Məktəb 1891-ci ilədək davam edir. Bu
zaman Bakıda rus dilində aŞağıdakı məktəblər vardı; ibtidai məktəblər: Turgenev,
Aleksandr, Mixail məktəbləri. Orta məktəblər: Real məktəbi, "Müqəddəs Nina" qız
məktəbi, yaxud gimnaziyası, Mariya qız məktəbi, Azərbaycanda cəmi 7 Mariya qız
məktəbi vardı ki, bunlarda 1827 nəfər qız, o cümlədən 37 nəfər azərbaycanlı qızı
oxuyurdu. Gimnaziyalar 7 əsas və 1 hazırlıq sinfindən ibarət idi. Fənnlər iki cür
idi: məcburi və qeyri məcburi. Məcburi fənn cəmi 3 idi və bunlardan ibarətdi: rus
dili, matematika, coğrafiya, tarix, təbŞət, fizika, rəsmxətt və əl iŞi. Qeyri məcburi
fənnlər: alman dili və bədən tərbiyəsi idi. "Rus-tatar məktəbi"nin məqsədi real
məktəbə Şagird hazırlamaq idi.
Sultan Məcid Qənizadə və Həbib bəy Mahmudbəyovun "Rus-tatar məktəbi"
1887-ci ildən 1891-ci ilədək 4 il içərisində real məktəb üçün xeyli Şagird
hazırlamıŞdı. 1912-ci ilədək savadlı bakılıların 75 faizi həmin məktəblərdən
çıxmıŞdı.
1891-ci ildə "Rus-tatar məktəbi" tamamilə dumanın sərəncamına keçdi.
Hətta duma əlavə olaraq, 7 belə məktəb açdı. Açılan bu məktəblərdən biri Çəmbərə
kəndində, o biri isə Zərgər palanında idi. Çəmbərə kəndindəki məktəbin müdiri
Sultan Məcid, Zərgər palanındakı məktəbin müdiri isə Həbib bəy Mahmudbəyov
idi.
Sultan Məcid Qənizadə belə məktəblərdən Türküstan vilayətinin Səmərqənd
Şəhərində də açılmasını təklif etmiŞdi. Bu məqsədlə İsmayıl bəy Qaspirinski ilə
birlikdə Səmərqəndə gedərək, orada xüsusi cədid məktəbi açmıŞdılar.
147
1887-ci ildə, yəni "Rus-tatar məktəbi" açılmamıŞdan qabaq orta məktəbdə
cəmi 10 nəfər müsəlman məktəblisi oxuyurdu ki, bunlardan da çoxu özgə
Şəhərlərdən gəlmiŞdi. 1912-ci ildə isə real məktəbdə 200 nəfərdən çox müsəlman
uŞağı oxuyurdu. Gimnaziyalarda, texniki məktəbdə, ticarət məktəbində oxuyan
azərbaycanlı uŞaqlarının sayı artmıŞdı. Bakıda rus və Azərbaycan dilində savadlı
olanların 75 faizi rus-tatar məktəblərini bitirmiŞdilər. Bunlardan M. Ə. Rəsulzadə,
M. Əzizbəyov, Hacı İbrahim Qasımov, Hüseyn Ərəblinski, Mirzəağa Əliyev,
Kazımovski və baŞqalarını göstərmək olar. Mövcud 7 rus-tatar məktəblərindən
ancaq biri - 2 nömrəli rus-tatar məktəbi 6 sinifli Şəhər məktəbinə çevrilmiŞdi.
Yalnız sonralar, yəni 1907-ci ildə rus-tatar məktəbləri üç illik təhsildən dörd illik
təhsilə keçirlər. Daha sonralar, 1914-ci ildə isə bütün 4 sinifli məktəblər ali ibtidai
məktəb sisteminə keçmiŞdilər.
Rus-tatar məktəblərində dərs deyən müəllimlər mütləq Qori seminariyasını
bitirməli idilər. Ancaq müstəsna hal olaraq bəzən real məktəbi bitirənlər də burada
dərs deyə bilərdilər.
Xarici dil predmetlərini təlim etmək üçün universitet bitirmək lazımdı.
1901-ci ildə H. Z. Tağıyevin məŞhur qız məktəbi açılır. Bu məktəbin
nizamnaməsi H. B. Zərdabi tərəfindən tərtib edilmiŞdi. Məktəbin açılmasına çar
höküməti uzun müddət icazə vermirdi. Bu məsələ II Nikolayın taxta çıxması
gününədək uzanır. H. Z. Tağıyev imperatorun taxta çıxması günündən istifadə
edərək, təzədən hökümətə müracŞət edir və bu dəfə məktəbin açılmasına icazə ala
bilir. Məktəbin inŞaatını sürətləndirmək məqsədilə qız məktəbinə imperatoriçə
Aleksandra Fyodorovnanın adı verilir. Məktəbin tikiliŞinə 183 min beŞ yüz otuz iki
manat pul xərclənmiŞdi. Bundan əlavə Hacı məktəbin mənafeyinə xərclənmək
üçün 125 min də ayırmıŞdı. Qız məktəbində 20 nəfər qız məccani oxuyacaqdı.
Sonra binanın zirzəmilərindən gələn kirayə haqqı da məktəbə bağıŞlandı. Bunun
sayəsində məktəbdə pulsuz oxuyan qızların sayı 15 nəfər də artdı. Qəbul olunacaq
qızların sayı 50 nəfərdən ibarət nəzərdə tutulmuŞdu. Lakin arzu eləyənlərin sayı
çox olduğu üçün məktəbə birinci il 58 nəfər qız qəbul edildi. Məktəbin müdiri
Həsən bəy Zərdabinin arvadı Hənifə xanım idi. Uzaq Şəhər və kəndlərdən gələn
qızlar üçün məktəbdə pansion vardı. Burada yataqxana, yeməkxana və xəstəxana
üçün xüsusi otaqlar ayrılmıŞdı. Bakı Şəhərindən olan qızlar isə öz evlərində
qalırdılar. Məktəbin Şagirdləri kimi müəllimləri də ancaq müsəlmanlardan ibarət
idi.
Qız məktəbinin açılması ilə əlaqədar çətinliklərdən sonra Tağıyev daha yeni
bir çətinliklə üzləŞdi. Qız məktəbinin açılıŞı Şəhərin ruhani, mürtəce təbəqələri,
qoçular, tacirlər tərəfindən qəzəblə qarŞılanmıŞdı. Heç kəs qızını məktəbə
buraxmırdı. Guya Hacı müsəlmənlıqdan kənar iŞ tutmuŞdur. Hacının tərəfində olan
ruhani üləmalardan Bakı vilayəti qazısı Mir Məhəmməd Kərim, axund Ruhulla,
148
Mirzə Abuturab və baŞqalarının elmin qızlara vacib olduğu barədə Quran
ayələrindən möuzələr oxusalar da mürtəcə adamları öz rəylərindən döndərə
bilmirdilər. Axırda Tağıyev məcbur olur ki, İslamın müqəddəs Şəhərlərinə
nümayəndələr göndərsin. Qızlara da oğlanlarla birlikdə elm və təhsil almağa icazə
verilməsi barədə görkəmli müctəidlərdən rəsmi yazılı sənədlər gətirsinlər, yalnız
bundan sonra qız məktəbi ətrafında gedən ehtiraslı danıŞıqlara son qoyuldu və
Şəhər əhlindən çoxu öz qızlarını məktəbə buraxdılar. Camaatı sakitləŞdirmək
məqsədilə adlarını çəkdiyimiz hər üç üləma da qızlarını təhsil almaq üçün
Tağıyevin qız məktəbinə qoydular.
Bakıda eyni zamanda texniki məktəb ticarət məktəbi (kommerçeskoe
uçiliŞe) və "Dənizçilik kursları" adı altında dənizçilik məktəbi də fəaliyyət
göstərirdi. Sonralar Xəzər dənizinin ticarət gəmilərində iŞləyən bosman və
kapitanlar həmin bu məktəbi bitirmiŞdilər. Bunlardan əlavə iri sənaye
müəssisələrinin nəzdində fəhlə və qulluqçuların uŞaqları üçün özlərinin xüsusi
məktəbləri də vardı. Xeyriyyə cəmiyyətlərindən "Səadət", "NəŞr və Maarif',
"Nicat" və "Səfa" cəmiyyətləri tərəfindən müsəlman uŞaqları üçün xüsusi
məktəblər açılmıŞdı. Bu məktəblərdə ehtiyacı olan uŞaqlardan çoxu pulsuz
oxuyurdu.
İnqilabadək Bakıda rus dilində 5 kiŞi gimnaziyası vardı: 1 nömrəli
gimnaziya (Səməd Vurğun ilə D. Əliyeva küçələrinin tinində (Bədən Tərbiyəsi
İnstitutunun keçmiŞ binasında yerləŞirdi), 2 nömrəli gimnaziya (İstiqlaliyyət
küçəsində, indiki Xalq Təsərrüfatı İnstitutu binasının ikinci mərtəbəsində idi). 3
nömrəli gimnaziya əvvəllər indiki "Vətən" kinoteatrı binasının ikinci mərtəbəsində
yerləŞirdi. Sonralar isə Bazar (indiki Füzuli) küçəsində məxsusi bu gimnaziya üçün
tikilmiŞ binaya (indiki 4 nömrəli xəstəxananın binasına) köçmüŞdü, 4 nömrəli
axŞam gimnaziyası 2-ci gimnaziyanın binasında idi. 5-ci gimnaziya isə
Yemelyanov gimnaziyası idi.
Rus dilində 3 qız gimnaziyası da vardı: 1. Mariya gimnaziyası (hazırki
İncəsənət Muzeyi binasında yerləŞirdi). 2. "Müqəddəs Nina" gimnaziyası (hazırki
132 nömrəli məktəbin binasında). 3. 3 nömrəli qız gimnaziyası (hazırki Səməd
Vurğun küçəsində yerləŞirdi).
Real məktəblər də iki idi: 1 nömrəli Real məktəbi (hazırki Xalq Təsərrüfatı
institutu binasının birinci mərtəbəsində), 2 nömrəli Real məktəbi isə Azad
Azərbaycan qadını abidəsinin arxasında keçmiŞ çay fabrikinin binasında yerləŞirdi.
MƏTBUAT
Xeyriyyə cəmiyyəti bağlandıqdan sonra Həsən bəy Zərdabi qəzet çıxarmaq
fikrinə düŞür. "Həyat" qəzetinin 1905-ci il tarixli 115-ci nömrəsində o yazırdı:
149
"Bizim "Cəmiyyəti Xeyriyyə" bina tutmadığından aŞkar oldu ki, qəzet
çıxarmaqdan savayı bir qeyri əlac yoxdur ki, kağızın üstə yazılmıŞ doğru sözlər
qapı və pəncərələrdən o iman mənzillərinə çata bilsin. Heç olmazsa doğru söz
yerdə qalsın".
O dövrdə Azərbaycan dilində qəzet çıxarmaq çox çətin idi. Həsən bəyin
özünün yazdığı kimi "pul yox, yazıçı - yoldaŞ yox, çapxana yox, hürufat yox.
Dövlət tərəfindən izn almaq da ki, bir böyük bəladır".
Bu iŞdə ona yalnız o zaman Bakının general qubernatoru olan Staroselski
yaxından kömək edir. Staroselski rus dvoryanlarından olsa da, arvadı gürcü olduğu
üçün Qafqaz əhlinə qarŞı çox səmimi idi. O Həsən bəyə məsləhət bilir ki,
çıxaraçağı qəzetin adını "Əkinçi" qoysun. Hökümətin icazə verməsi üçün də bu
düŞünülmüŞ bir yol idi. Guya "Əkinçi" siyasət məsələlərinə qatıŞmayacaq, ancaq
əkin və əkinçilikdən danıŞacaqdır. Türk dilində hürufat olmadığı üçün Həsən bəyə
məsləhət bilirlər ki, qəzeti daŞbasması ilə (litoqrafiya üsulu ilə) çıxarsın. Həsən bəy
bu fikirlə razılaŞmır. Çünki litoqrafiya üsulu ilə qəzeti həftədə ancaq bir və ya iki
dəfə çıxarmaq olardı. O isə qəzeti gündəlik etmək fikrində idi. Uzun müddət
düŞünüb daŞınandan sonra hürufat almaq üçün 1875-ci ilin iyul ayında İstanbula
gedir. Hürufatı alıb, qayıdandan sonra əlahiddə bir çapxana açmaq lazım gəlir.
Həsən bəyin isə buna gücü çatmır. Staroselski yenə ona kömək əlini uzadır. O
Həsən bəyin İstanbuldan gətirdiyi hürufatı quberniya idarəsinin çapxanası üçün
satın alır və beləliklə Həsən bəyi çətin vəziyyətdən çıxarır. 1875-ci ilin 22
iyulundan quberniya idarəsinin mətbəəsində "Əkinçi"nin birinci nömrəsi çapdan
çıxır. Mürəttib məsələsi də çox çətinliklə həll edilmiŞdi. O zaman quberniya
çapxanasında Minasov adlı bir nəfər erməni mürəttibi iŞləyirdi. Həsən bəy ondan
istifadə etdi. Bir müddətdən sonra Minasov öz bacısı oğlunu da iŞə qəbul etdirib,
ona mürəttibliyi öyrətməyə baŞladı. Qəzetin üstündə rəsmi olaraq, "iki həftəlik
qəzet" yazılsa da, Həsən bəy həmin ilin payızından qəzeti həftədə bir dəfə
çıxarırdı. Çünki abunəçilərin sayı 400 nəfərə çatmıŞ və qəzetin ətrafında yazıçıların
sayı artmıŞdı. Staroselski özünü qəzetin senzoru təyin etmiŞdi. O iŞdən gedəndən
sonra isə senzor vitse qubernator oldu. Əlbəttə, Staroselskinin iŞdən getməsi,
Həsən bəyin özünün dediyi kimi, onun üçün bədbəxtçilik idi. Çünki Staroselski
gedəndən sonra qəzetin düŞmənləri yer-yerdən hücuma keçib, qəzeti bağlatdırmağa
çalıŞdılar. O biri tərəfdən qəzetdə siyasi xəbərləri çap etməyə icazə
verilmədiyindən abunəçilərin də narazılığı artırdı. Qəzet barədə danoslar yazılmağa
baŞladı. Jandarm tərəfindən Həsən bəyin hərəkətlərinə göz qoyuldu. Bu barədə
Həsən bəy özü belə yazırdı: "Gündə məndən və "Əkinçi"dən danoslar
göndərirdilər. Jandarm tərəfdən üstümə qaraulçular qoyuldu... Bununla belə mən
qəzeti vaxtında çıxarırdım. Elə ki, Dağıstanda Şuluqluq baŞlandı "Əkinçi"nin də
günü dəxi qara oldu. Bir gün Nəcəf bəy Vəzirovun məqaləsini ki, Moskvadan
150
göndərmiŞdi, vermiŞdim düzülməyə. Məqalədə bir dərviŞ bazarda dükanların
qabağında qəsidələr oxuyub, onları elm təhsil etməyə çağırırdı. Senzor qol çəkib,
çap olunmağa icazə vermiŞdi. Qəzeti çap olunub paylanandan sonra qubernatorun
hökmünə görə o nömrəni bağlayıb, məni istədilər. Gedib gördüm ki, mənim
Minasovum oradadır. Qubernator buyurdu ki, Minasov deyir ki, dərviŞin sözlərinin
qeyri mənası var. Ona görə nömrəni bağlayıb, sənə hökm edirəm ki, bir qeyri
nömrə çap edəsən. Cavab verdim ki, qeyri nömrə çıxarda bilmərəm. Mən gedəndən
sonra qubernator özü bir nömrə çıxardıb, payladı. Nömrə mənim adımla çıxmıŞdı.
Mən təvəqqe elədim ki, mənim adımdan qəzet çıxarmasınlar".
1877-ci üdə baŞlayan rus-türk müharibəsi qəzetə böyük zərbə oldu. Bütün
rus qəzetləri müharibənin gediŞindən ətraflı xəbərlər verdiyi halda "Əkinçi"yə
müharibə barədə bir sətir də çap etməyə icazə verilmədi. Hətta müharibənin
baŞlanmasını da bildirmək ona qadağan olunmuŞdu. Qəzetin üzərində senzor daha
da güclənmiŞdi. Həsən bəy bu barədə belə yazırdı: "Deyil ki müharibənin gediŞi,
hətta müharibə zamanı Rusiya içərisində vaqe olmuŞ təbii fəlakətlərə dair
məlumatı, Moskvada soyuqdan sərçələrin donub ölməsini də qəzetə yazmağa
müsaidə etməmiŞdilər. Senzorun fikrincə bunu müsəlmanlar "ruslara Allahın
qəzəbi keçmiŞdir" deyə izah edərlər".
Müharibə barədə heç bir məlumatın verilməməsi abunəçilər içərisində
qəzeti xeyli nəzərdən salmıŞdı.
Həmin bu günlərdə Dağıstanda iğtiŞaŞ baŞladı. Üsyan baŞçılarından bəziləri
güllələndi, bəziləri də sürgün edildi. Bununla "Əkinçi"ni bağlamaq üçün
hökümətin əlinə yaxŞı bəhanə düŞmüŞdü. Bütün Qafqazda üsyanın
baŞlayacağından qorxuya düŞən çar höküməti "Əkinçi"nin də bu iŞdə böyük rol
oynayacağını düŞünüb qəzeti bağlatdırdı. Qəzetin axırıncı - 56-cı sayı 1877-ci ilin
sentyabrında çıxdı. Qəzet bağlansa da Həsən bəyin özündən əl çəkmədilər. Real
məktəbinin direktoru Həsən bəyə təklif etdi ki, o Yekatirinadar və ya Kutaisi
gimnaziyasına müəllim getsin. Bu barədə Həsən bəy özü belə yazırdı: "Mən ərizə
verib, qulluqdan çıxdım. Çünki mən Bakıdan çıxıb, müsəlman iŞlərindən kənar
olmağı özüm üçün ölüm hesab edirdim.
Dava qurtardı. Amma mənim Bakıda qalmağım müŞkül oldu. PadŞahlıq
qulluğuna məni götürmədilər və bakılılardan da heç kəs məni qulluğa götürmədi.
...Bakıda daha qala bilməyib öz kəndimizə köçüb getdim".
"Bakinskaya izvestiya" qəzeti 1878-ci il 29 noyabr tarixli 25-ci sayında belə
bir elan vermiŞdi: "Real məktəbinin keçmiŞ müəllimi Həsən bəy Məlikov 20
noyabrdan istefaya çıxaraq xüsusi müəssisələrdə iŞlər müdiri, kontorçu, müəllim və
sairə bu kimi vəzifələrdə iŞləmək üçün yer axtarır".
"Əkinçi" bütün Zaqafqaziyada ilk türk qəzeti idi. Qəzet səhifələrində Həsən
bəyin yazdıqları əsasən kənd həyatından, kənd təsərrüfatından olurdu. Ancaq
151
bununla belə qəzetin səhifələrində dövrün bir sıra ictimai məsələləri də
iŞıqlandırılır, bu barədə mübahisələr açılırdı. Mollalar, mövhumatçılar, çar
çinovnikləri, yalnız öz mənafelərini güdən duma qlasnıları da Həsən bəyin
məqalələrində amansızcasına tənqid olunurdu. Azərbaycan dilinin təmizliyi Həsən
bəydən ötrü müqəddəsdi. O fars və ərəb sözləri ilə dolu olan və heç kəsin
anlamadığı bir dildən sadə Azərbaycan dilinə keçməyi yanar bir ürəklə təbliğ
edirdi. O yazırdı: "İstəyirsinizmi türk milləti yaŞasın, qabağa getsin, elmi və
mərifəti olsun, mədəniyyəti olsun - ona dil verin, türklər öz dillərini itiriblər, sizin
sözünüzü onlar anlamazlar. Onların dilini tapın, verin onlar yaŞasın, qabağa
getsin".
Həsən bəy Zərdabinin "Əkinçi"dən sonrakı həyatı da çox ağır keçmiŞdir. 16
il Zərdabda qaldıqdan sonra iflic xəstəliyinə tutularaq, Bakıya qayıdır. Yenə
qəzetlərdə mühərrirliklə məŞğul olur. "Kaspi" qəzeti səhifələrində öz məqalələri ilə
müntəzəm iŞtirak edir. Peterburq qəzetləri də onu öz səhifələrində iŞtirak etməyə
çağırırdılar. Dumaya seçilir və onun komissiyalarında fəal iŞtirak edirdi. Dumanın
iclaslarından birində məsələ qaldırmıŞdı ki, Şəhər yerlərindən keçən neft boruları
üçün vergi alınsın. Bu təklif neft sahibkarlarının böyük qəzəbinə səbəb olmuŞdu.
Onlardan biri öz qəzəbini belə ifadə etmiŞdi: "Lütün biri lüt. Özünün cibində bir
qəpik olmadığı halda bizim cibimizlə oynayır. Biz onu yetimə qəyyum etdik ki,
dumaya seçilməyə ixtiyarı olsun. İndi bizimlə belə rəftar edir".
Həsən bəy iflic olmasına, dilinin tutulmasına baxmayaraq, duma
komissiyalarının iclaslarında fəal iŞtirak edirdi. Hətta dumaya təzə seçki baŞladığı
zaman özünə qutu da qoydurmuŞdu. Ancaq xəstə olduğu üçün onu seçməmiŞdilər
və seçilmədiyini də heç kəs ona bildirməmiŞdi. Bununla belə o özünü əvvəlki kimi
qlasnı hesab edirdi. Lakin iclaslara nə üçün çağırılmadığına təəccüblənirdi.
1907-ci il 28 noyabrda Həsən bəy Zərdabi gözlərini əbədi yumur. Onun
dəfni zamanı natiqlərdən biri demiŞdi: "Həsən bəy Bakıya ac gəldi, ac da getdi".
"Əkinçi"dən sonra 1873-cü ildə Tiflisdə daŞ basma üsulu ilə "Ziya" qəzeti
çıxmağa baŞladı. Qəzetin ilk nömrəsi yanvarın 16-da çıxdı. 2 səhifədən ibarət idi.
NaŞiri Səid Ünsüzadə, müdir və mühərriri isə Cəlal Ünsüzadə idi. "Ziya" 1879-cu
ildə 46 ədəd, 1880-ci ildə isə 30 ədəd çıxmıŞdı. 1880-ci il dekabrin 6-dan qəzet
"Ziyayi Qafqaziyyə" adı altında hürufatla çıxmağa baŞlayır. "Ziyayi Qafqaziyyə"
qəzetinin nəŞri 1884-cü ilin 1 iyununadək davam edir. 1881-ci ilin sentyabrın 21-
dək 31 nömrə, 1882-ci il 26 oktyabrdan 1883-cü ilin 3 yanvarınadək 32 nömrə,
1893-cü ilin 10 yanvarından dekabrın 6-dək 30 nömrə, 1884-cü ilin yanvarından
iyunun 1-dək 11 nömrə çıxmıŞdır. Axırıncı illərdə qəzeti Səid Ünsüzadə redaktə
edirdi.
1883-cü ildən Tiflisdə Azərbaycan dilində "KəŞkül" adlı bir jurnal da nəŞr
olunmağa baŞlayır. Ta 1891-ci ilədək davam edir. Jurnal türk dilindən baŞqa fars və
152
ərəb dillərində də nəŞr edilirdi. Jurnalın səhifələrində siyasət, ticarət, sənaye və
ədəbiyyat məsələlərindən müntəzəm bəhs olunurdu.
Adlarını çəkdiyimiz mətbuat orqanları Tiflisdə çap olunsalar da daha çox
Bakıda satılırdı. Lakin "Əkinçi"dən fərqli olaraq bu mətbuat orqanlarının heç biri
Həsən bə_____y Zərdabinin xalqdan gələn gözəl ənənələrini davam etdirə bilmədi. Xalqa
bağlılıq bunlara tamamilə yad idi. Dərc olunan məqalələrdə cəmiyyətin kəskin
ictimai məsələləri qətiyyən öz əksini tapa bilmirdi. Qəzet və jurnal bütün bu
məsələlərin yanından sovuŞub keçirdi.
1905-ci il inqilabınadək çap edilən qəzetlərdən biri də "Şərqi rus" idi. 1903-
cü ildən Tiflisdə nəŞr edilmiŞ və 1904-cü ilədək davam etmiŞdir. 1904-cü ildə qəzet
bağlanır və redaksiyası Tiflisdən Bakıya köçür. Burada qəzet əvvəllər "Şərqi rusun
teleqramları", sonra 1905-ci ildə "AxŞam xəbərləri" adı ilə nəŞrini davam etdirir.
Qəzet Məmmədağa İahtaxtinskinin baŞçılığı ilə çap edilirdi. Qadın məsələsi,
xüsusən, hürufat islahı qəzetin səhifələrində görkəmli yer tuturdu.
Keçən əsrin yetmiŞinci illərində Bakıda rus dilində çap olunan mətbuat
baŞlıca olaraq, üç qəzetdən ibarət idi. Birinci qəzet 1876-cı ildən çap olunan
"Bakinskaya izvestiya" qəzeti idi. Bu qəzet rəsmi olaraq, Bakı quberniya idarəsinin
orqanı idi. 1881-ci ildən isə İmperator Rus Texniki Cəmiyyətinin Bakı Şöbəsinin
əlinə keçir. O Naruçev tərəfindən redaktə olunurdu. 1888-ci ildə isə qəzetin adı
dəyiŞib, "Bakı ticarət-sənaye vərəqi" adı ilə öz nəŞrini davam etdirir. Bu ad altında
o 1888-ci il 15 oktyabradək çap olunur. Redaktor Neruçevin ölümü ilə əlaqədar
qəzetin nəŞri müvəqqəti saxlanılır. 1889-cu ildən isə qəzet Sokolinskinin redaktəsi
altında öz iŞini davam etdirir. Qəzetin səhifələrində əsasən sənaye, neft istehsalı
sahəsi iŞıqlandırılır, müxtəlif Şəhər xəbərləri verilirdi.
Rus dilində ikinci böyük qəzet "Kaspi" idi. Siyasi-ədəbi qəzet idi.
Quberniya idarəsinin katibi Kuzmin tərəfindən təsis edilmiŞdi. 1887-ci ilin
mayında Kuzmin qəzetin çap edilmə hüququnu Svinkinə satır və ona müəllim
Liçkus-Xomutov müvəqqəti redaktor təyin olunur. Sonra qəzeti 1888-ci ildə
Qoryayevski, 1889-cu ildən isə Sokolinski redaktə edirdi.
XX əsrin əvvəllərində H. Z. Tağıyev "Kaspi" qəzetini redaksiyası ilə
birlikdə alaraq, Ə. M. TopçubaŞovun redaktorluğu ilə çap etdirir. Qəzetin ətrafına
H. B. Zərdabi, Əli bəy Hüseynzadə, F. Köçərli, M. A. İahtaxtlı, M. Mahmudbəyov
və baŞqa azərbaycanlı ziyalılar toplaŞaraq öz məqalələri ilə onun həyatında
yaxından iŞtirak edirdilər. Həsən bəy Zərdabi hətta bir müddət qəzetin əməkdaŞı
kimi iŞləmiŞdir.
Qəzetin səhifələrində artıq Azərbaycanın ictimai və ədəbi həyatı
iŞıqlandırılır. Azərbaycan ədəbiyyatı klassiklərinin əsərlərindən parçalar çap
olunurdu.
Dostları ilə paylaş: |