62
«növündən» və energetik sistemdəki yerindən asılı olaraq, o, bu və
ya digər üzvün fəaliyyətinə təsir edəcəkdir.
Əslində, bu proseslər daha mürəkkəbdir və hər bir qüvvə (bu,
bizim öz fikir və düşüncələrimiz, yediyimiz qidanın «sahəsi», ovsun,
bədnəzər və s. ola bilər) uyğun enerjili qatla – incə cisimlə
münasibətdə olur. Məsələn, hər bir qidanın öz xronal sahəsi
(qoloqramması) var və o, fərqli tezliyə malikdir. Qida mədədə,
tərkibindəki qida maddələri hüceyrələrdə yerləşdiyi kimi, qidanın
xronal sahəsi də insanın qoloqrafik sahəsində «yerləşir». Nəticədə,
orqanizmə daxil olan hər bir qida fiziki bədəni möhkəmləndirsə də,
qoloqrammanı müəyyən dərəcədə təhrif edir. (Bütün bunlardan
xəbəri olmayan Nizaminin sözləridir: O qədər çox yemə, ağırlıq etsin,O
qədər ac qalma can əldən getsin ). Adətən, çox yedikdə və ya «ağır»
qida yedikdən sonra insanı yuxu basır. Bu, müdafiə xarakteri daşıyır.
Belə ki, yatarkən qoloqramma güclənir (yəqin ki xronal enerjinin az
şüalanması hesabına) və «kənar qüvvəni» dəf edə bilir (daha
doğrusu, «uda» bilir). Əgər insanı həmişə yedikdən sonra yuxu
basırsa, bu onun xronal enerjisinin çatışmadığını göstərir. Qidanın
fiziki bədənlə yanaşı, qoloqrafik sahəyə də təsir etməsi nəticəsində
insan daim istifadə etdiyi qidanın xasiyyətinə oxşar xasiyyətlər
qazanır, həmişə ətini yediyi heyvanın xüsusiyyətlərinə malik olur.
Daha incə enerjili «sahəcik» isə müvafiq olaraq, energetik
sistemin daha incə qatlarına təsir edir. Düşüncə, fikir və hisslərimiz
də bir «enerji parçası» olaraq energetik sistemdə dəyişikliyə səbəb
olur. (Sağlamlığın emosiyalardan, əhval-ruhiyyədən asılı olmasının
səbəblərindən biri də budur). Burada kənar qüvvənin keyfiyyəti
mühüm rol oynayır. İnsan üçün təbii olan Sevinc, Fərəh, Sevgi kimi
hisslər (və onlardan doğan emosiyalar) energetik sistemdə xoas
yaratmır, əksinə, onu gücləndirir. Çünki, o, insan üçün təbiidir, yəni
energetik sistemlə həmcins enerjidir (insana özündən pay vermiş
Vahid, Sonsuz, Əbədi İdrak – Mütləq Sevinc, Mütləq Fərəh, Mütləq
sevgi, Azadlıq mənbəyidir). İnsanın təbiətinə əslində yad olan kin,
63
qəzəb, nifrət və s. bu kimi neqativ hisslərin enerjisi energetik sistem
üçün yaddır və onun üçün artıq yükdür. Ona görə də energetik sahə
onu dəf etməyə çalışır və bu zaman külli miqdarda enerji sərf edir.
Bu enerji itkisi fiziki bədəndə də əks-səda yaradır.
Hisslərin, emosiyaların təkcə kefiyyəti deyil, gücü də mühüm
əhəmiyyət kəsb edir. Güclü emosiyalar – istər müsbət olsun, istər
mənfi, orqanizmə mənfi təsir edir. Qəfil sevincin insana zərərini
hamı bilir. Çünki həmcins olsa belə, müsbət enerji həddən artıq çox
olduqda, energetik sistem üçün çox artıq yük olur və o, bu yükü
bəzən daşıya bilmir. Həddi-qədəri gözləmək hikməti burada da
özünü göstərir.
Hər bir orqanizm yaranarkən ona müəyyən qədər enerji verilir,
yəni hər bir energetik sistem Fövqəlşüurdan müəyyən qədər pay alır.
Hər bir energetik sistemin gücü bu payın miqdarından asılıdır,
orqanizmin yaşama müddəi və davamlılığı, onda baş verən
energetik proseslərin sürəti və ritmi bu enerjinin miqdarından
asılıdır. Dəqiqliklə desək, bu, vaxt enerjisidir. Hər bir canlı üçün
vaxt və həyat ritmi müxtəlifdir. Efemer kəpənəklər də öz ömrünü üç
yüz il yaşayan tısbağa kimi intensiv keçirir, yəni tısbağanın həyatı
üç yüz ilə sığışdığı kimi, kəpənəyin də ömrü bir günə sığışır. İnsanlar
da öz vaxt enerjisinə və həyat ritminə görə (ömür çırağındakı yağın
necə yanmasına görə) bir-birindən fərqlənirlər. Lakin başqa
canlılardan fərqli olaraq, insan öz şüuru ilə (daha incə sahələrilə) bu
prosesə təsir göstərə bilər. Yəni ömür çırağındakı yağın yanmasını
artırıb-əskiltmək insanın özündən asılıdır. Hər şey malik olduğunu
necə sərf etməkdən asılıdır.
Diqqət yetirin: insan Fövqəlşüurdan müəyyən qədər pay alır və
ömür çırağındakı yağı yox, onun yanmasını artırıb-əksiltmək insanın
özündən asılıdır. Yəni insan ömrünü uzatmaq mümkün deyil, onu
qısaltmamaq olar və bu da onu uzatmağın yeganə yoludur. Ona görə də
insan ömrünü uzatmağın mümkünlüyü haqqında bütün söhbətləri
cəfəngiyyat hesab edirəm. Qocalma – təbii, elə bu səbəbdən də
64
qarşısıalınmaz bir prosesdir. «Qocalmanın səbəsi» adı altında edilən
«kəşflər» isə onun mahiyyəti yox, çoxsaylı təzahürlərindən biridir.
Aydındır ki, orqanizm yaranarkən ona verilən Həyat Enerjisi
(ömür çırağındakı yağ) və onun çevrilmələrinin proqramı (bu yağın
necə yanması) kifayət deyildir və daim fəaliyyətdə olan – yaşayan,
enerji sərf edən orqanizm kənardan enerji – qida almalıdır.
Orqanizm daim üç cür enerji (prana) ilə təmin edilir: qida enerjisi,
hava enerjisi və kosmik enerji. Qida enerjisi – fiziki bədəni, hava
enerjisi – energetik bədəni və kosmik enerji (həyat enerjisi) –
qoloqrafik bədəni qidalandırır.
İnsan Təbiətdən daha çox enerji ala bilər və eyni zamanda malik
olduğu enerjini daha az sərf edə bilər. Yəni, orqanizmin enerji ilə nə
dərəcədə təmin edilməsi və malik olduğu enerjinin nə qədər sərf
edilməsi insanın özündən asılıdır.
Malik olduğu enerjinin necə sərf etmək bilavasitə insanın
fəaliyyəti, daha doğrusu, öz həyat tərzini necə qurması ilə bağlıdır.
Çünki hər üç enerji orqanizmin yaşamasına – fəaliyyətinə sərf edilən
enerjidir və artıq bilirik ki, israfçılıq etməməklə bu enerjiyə qənaət
etmək olar.
Orqanizmin enerji ilə təmin edilməsinə gəlincə, bu enerjilərin çox
və ya az qəbul edilməsi yenə insanın özündən asılıdır. Lakin Təbiət
burada da həddi gözləməyin qayğısına qalır, daha doğrusu, bizi
buna «məcbur edir». Belə ki, hər üç enerji müvafiq bədənin
qidalandırmaqla yanaşı, biri digərinin işinə nəzarət edir, yəni onlar
bir-biri ilə sıx bağlıdır. Artıq bilirik ki, qida fiziki bədəni
möhkəmləndirsə də, öz «sahəsi» ilə qoloqrafik bədəni təhrif edir.
Ona görə də elə qidalarla qidalanmaq lazımdır ki, az miqdarda
qəbul etdikdə də orqanizmi lazımi qida enerjisi ilə təmin edə bilsin.
Başqa bir misal. Tənəffüs zamanı həm orqanizm oksigenlə təmin
edilir, həm də hava enerjisi energetik bədəni qidalandırır. Lakin tez-
tez tənəffüs etməklə (biz məhz bu cür tənəffüs edirik) qida
maddələrinin mənimsənilməsi üçün vacib olan CO2-nı azaltmış
Dostları ilə paylaş: |