251
Əməvi, Abbasi və Fatimi xəlifəliklərinin dövründə dövlətin idarə olunmasında,
elmdə və mədəniyyətdə böyük rol oynamışdılar. Orta əsrlər dövründə əhl əz-
zimməyə mənsub olan alimlər fəlsəfənin, təbabətin, dəqiq elmlərin inkişafında
xüsusi rol oynamışdılar. Buna misal kimi Misir sultanı Səlahəddinin sarayında
həkimlik etmiş, əvvəllər isə vətəni Kordobada yaşamış böyük yəhudi alimi
Maymonidi (1135-1204-cü illər) göstərmək olar.
Əhl əl-kitab heç də hökmən islam dininə keçirilməli deyildi, onlar müsəlman
dövlətində yaşayıb onun himayəsindən istifadə edə bilərdi. Əlbəttə, yuxarıdakı
məhdudiyyətlərə görə əhl əz-zimmə özünü “ikinci sort” vətəndaş və ya təbəə kimi
hiss edirdi və bu müəyyən dərəcədə bütöv əsrlər ərzində xristianları müsəlmanlığa
keçməyə həvəsləndirirdi. İslam əhalinin digər dinlərə sitayiş edən hissəsini kütləvi
surətdə öz inamına keçirməyə isə səy göstərmirdi. Osmanlı imperiyasında Bosniya
və Dağlıq Albaniya istisna olmaqla müsəlman dininə kütləvi keçid faktları baş
verməmişdi. İslamın digər dinlərə qarşı dözümsüzlüyü birinci növbədə
bütpərəstliyə qarşı, Persiya ərazisində isə zoroastrizmin səcdəgahlarına qarşı
amansız mübarizədə özünü göstərirdi. Zoroastrizm məbədləri dağıdılırdı.
Əhl əz-zimmədən olan adamların saray xidmətinə cəlb olunmasına isə 750-
ci ildən hakimiyyətə gəlmiş və paytaxtı Dəməşqdən Bağdada keçirmiş Abbasilər
sülaləsinə məxsus olan xəlifələrin inkişafla müşayiət olunan iki əsrlik hökmranlığı
dövründə xüsusilə genişləndi. Bu dövrdə xəlifəlikdə elmin və maarifin inkişafına
ciddi fikir verilirdi. Qədim yunan fəlsəfəsi öyrənilib onun müddəalarından islam
dininin etik əsaslarını formalaşdırmaq üçün geniş istifadə edilirdi. İslam dininin
mühüm cəhətləri fəlsəfi tədqiqatlara və araşdırılmalara məruz qoyulmaqla xeyli
zənginləşdirdi, onun postulatlarının elmi cəhətdən əsaslandırılmasına xüsusi qayğı
göstərilirdi. Ərəb islam dünyası orta əsrlərdə unudulmuş antik fəlsəfənin
öyrənilməsində xüsusi proqressiv rol oynadı və hətta qədim yunan filosofları
Platon və Aristotel ərəblər tərəfindən özününküləşdirilərək Əflatun və Ərəstun
adlanmağa başladı. Dəqiq elmlər, xüsusən cəbr sürətlə inkişaf edirdi. Ərəblər elmin
inkişafına böyük xidmət göstərən öz tədqiqatlarını müsəlman İspaniyasına
ötürürdülər, buradan isə ərəblərin intibaha məruz qoyduqları antik elm və fəlsəfə
252
də, digər elmi nailiyyətlərlə yanaşı Avropaya keçməyə başladı və Renessansın
meydana gəlməsinə yol açdı.
Abbasilərin dövründə maarif də sürətlə inkişaf edirdi. Qərb tarixçilərinin
tədqiqatı göstərir ki, X əsrdə xəlifəliyin ərazisində kişi cinsindən olanlar arasında
savadlılar əhalinin iyirmi faizini təşkil edirdisə, Avropada bu göstərici bir faizə
bərabər idi. Abbasi xəlifələri dövlət və inzibatçılıq işlərinə digər dinə mənsub
olanları geniş cəlb edirdilər. Bu dövrdə adamlar hansısa zümrəyə və klana məxsus
olduğuna görə deyil, yalnız əsasən biliyinə, bacarığına, qabiliyyətinə görə
vəzifələrə irəli çəkilirdi. Deməli, meritokratiya prinsipləri həyata keçirilirdi. Yaxşı
inzibatçılıq ənənələri isə peyğəmbərin özündən qalmışdı. Məhəmmədin Mədinə
ictimai həyatına başçılıq etdiyi illər ərzində şəhər sürətlə inkişaf etməyə başladı, bu
sosial və iqtisadi tərəqqidə şəhərin həm də dünyəvi başçısı missiyasını yerinə
yetirən Məhəmmədin xidmətlərini azaltmaq ədalətsizlik olardı.
Hər bir müsəlman bu dinin əsaslarını və dindarların beş başlıca vəzifəsini
bilir. Bu vəzifələr əslində islamın “beş dayağını” təşkil edir. Bunlardan birincisi
Allahın bir ilahi qüvvə və Məhəmmədin onun peyğəmbəri və ya elçisi olduğuna
inamdır. Bu inam isə göylərdən nazil olmuş Qurana əsaslanır. Quran Məhəmməd
peyğəmbərə göndərilmiş “ilahi vəhylərin” toplumudur. Quran sözü “oxunan,
tələffüz edilən” mənasını verir, başqa sözlə Məhəmmədə deyilənləri o, təkrar
etmişdir. Bəzən Quranın özünün mətnində o zikr (xəbərdarlıq, xatırlatma) adı
altında da ifadə olunur.
Quran surə adlanan 114 fəsildən ibarətdir. “Fatihə” (1-ci surə) istisna
olmaqla digər surələrin uzunluğu getdikcə azalmaq qaydasındadır. Surələr bir-
birindən “bismillahirrəhmanirrəhim!” sözləri ilə ayrılır, bu kəlmə təkcə 9-cu surədə
işlənmir, bu da onunla əlaqədardır ki, həmin surə əvvəllər 8-ci surə ilə birləşmişdi.
Öz növbəsində hər surə ayələrə bölünür. Ayə kəlmə və ya kəlmənin bir hissəsidir.
Belə ki, “Fatihə” bu ayələrdən başlayır (1) “Həmd [şükr və tərif] olsun Allaha –
aləmlərin Rəbbinə, (2) [Bu dünyada hamıya] rəhmli, [axirətdə isə ancaq
möminlərə] mərhəmətli olana” və s. Quranın böyük hissəsi qafiyəli nəsrlə
yazılmışdır, belə ki, bir neçə ayə eyni qafiyə ilə qurtarır. Məhəmməd ilk vəhyi
253
ramazan ayında aldığına görə ramazan ayı Quranın “Əl-Bəqərə” surəsində oruc ayı
kimi müəyyən edilmişdir: “[Oruc tutmaq] sayı müəyyən olan [bir ay] günlərdir”
(184-cü ayə). Lakin Quranın hamısı peyğəmbərə birdən deyil, hissələrlə, əvvəlcə
Məkkədə, sonra isə Mədinədə verildi. Məkkə surələri birinci, ikinci, üçüncü
dövrlərə bölünməklə Mədinə surələrindən məzmun, üslub, dil xüsusiyyətlərinə
görə fərqlənir. İlk Məkkə dövrünün surələri ədəbi nöqteyi-nəzərdən mükəmməldir,
yüksəkdir və emosional gücə malikdir. İkinci dövrün surələri sakitdir, bu surələrdə
başlıca yeri təkallahlıq moizələri tutur. Üçüncü dövr surələrində peyğəmbərlər
haqqında çoxlu əhvalatlar vardır, burada Allah əsasən Rəhman (mərhəmətli) adı ilə
adlanır. Mədinə surələri çoxlu sitayiş, hüquqi və etik göstərişlərdən ibarətdir.
Bütünlükdə Quran sitayiş, etik, hüquqi, təsərrüfat xarakterli göstərişlər,
qaydalar, qadağalar, məsləhətlərdən ibarət olduğuna görə onun birmənalı başa
düşülməsi və qəbul edilməsi üçün təfsir ənənəsini yaratmaq lazım gəldi. Təfsir
Quran mətninin izah edilməsi məqsədini güdür.
Müsəlmanın ikinci vəzifəsi namazdır (səlyətdir). Gündə beş dəfə təkrar
olunan namazı evdə, məsciddə, çöldə qılmaq olar. Namazdan əvvəl mərasim
yuyunması baş verir. Cümə namazı ümumi ibadət hesab olunur, həmin gün dindar
müsəlmanlar kollektiv namazda iştirak etmək üçün məscidə gəlməlidir. Cümə
namazı moizə ilə müşayiət olunur. Məhz cümə namazı vaxtı kütlələrin əhval-
ruhiyyəsinə təsir etmək imkanı yaranır.
Məscid müsəlmanların namaz yeri olmaqla yanaşı, burada dindarlar dini
moizələrə qulaq asır və disputlarda iştirak edirlər. Məsciddəki mehrab Qibləni -
Məkkə Kəbəsinin istiqamətini göstərir. Namaz qılan müsəlmanlar üzlərini məhz bu
istiqamətdə tuturlar. Hər bir məscidin bir və bir neçə minarəsi olur ki, bu
qüllələrdən müsəlmanlar gündə beş dəfə namaz qılmağa çağırılırlar.
Müsəlmanın üçüncü ritual vəzifəsi orucdur (saumdur). Oruc vaxtı adamlar
yeməkdən, içməkdən və əyləncələrdən imtina edirlər. Bütün oruc tutulan dövrdə
adamlar özlərini Allaha həsr etməli, namazla, Quranı və dini əsərləri oxumaqla,
xoş düşüncələrlə məşğul olmalıdırlar. Ramazan ayında xəstə və səyahət edənlər
istisna olmaqla, bütün dindarlar hökmən oruc tutmalıdır. Ramazan ayının sonunda
Dostları ilə paylaş: |