34
tarixchi Prisk Paniyskiy, Prokopiy Kesariyskiy va Feofan Vizantiyskiy asarlaridir.
Shuningdek, mazkur davr tarixshunosligida suriyalik yozuvchi Zenon Glakning
"yunoncha" yozilgan "Eftalit podshohlari tarixi" asari
ham asosiy manba
hisoblanadi.
Eftalitlar tarixi bilan shug‘ullanuvchilar ko‘pchilikni tashkil etsada, ularning
etnik tarkibi, tabiati haqida nuqtai nazar mavjud emas. Eftalitlar turli tillarda
turlicha nomlanadi: kitoblarda e-da yoki i-da, armanlarda - xeptal, idal, tetal,
arablarda - xaytal, yaftal, yunonlarda - adel, eftalit, suriya manbalarida - abdel,
eftalit, o‘rta fors tilidagi manbalarda - eftal, xeftal, tojik-fors tilidagi
manbalarda -
xetal, xaytal.
Xitoy manbalarda eftalitlarning kelib chiqishi haqida juda ko‘p tahminlar bor,
lekin ular bir-biriga qarama-qarshidir. Xitoy manbalaridagi ma’lumotlarni quyidagi
guruhlarga bo‘lish mumkin:
a) eftalitlar - yuechjilarni bir tarmog‘i;
b) eftalitlar - gaogyuy turk qabilalarini bitta bo‘lagi;
v) eftalitlar - geshi (turfon) qabilalaridan kelib chiqqan;
g) ular qang‘ vorislaridir.
Yuqoridagilardan ko‘rinib turibdiki, eftalitlarning kelib chiqishi va etnik
nomning ma’nosi to‘g‘risida tarixchilar o‘rtasida yagona fikr yo‘q.
VI asr o‘rtalariga kelib, Markaziy Osiyoda yirik ko‘chmanchilar davlati - Turk
xoqonligi tarkib topdi (551-744 yillar). Bu davlatning hududi Koreyadan to Kora
dengiz bo‘yigacha, O‘rta Osiyo va Xitoyni ham o‘z ichiga olar edi. Bu davrga oid
ma’lumotlar etarli, biroq ular bir-biriga qarama-qarshi bo‘lib, aniq ma’lumotlar
bermaydi.
Turk hoqonligi tarixi haqida o‘rta asr tarixchilaridan Tabariyning "Tarix ar-rasul
va-l mulk" va Narshaxiyning "Buxoro tarixi" asarlarida muhim ma’lumotlar
beriladi. Shuningdek, turk hoqonligi tarixi rus olimi L.N.Gumilev tadqiqotlarida
ham o‘z aksini topgan. Ayniqsa, uning «Qadimgi turklar»
asari bu borada yirik
tadqiqot hisoblanadi. O‘zbek olimi Nasimxon Raxmon «Turk xoqonligi» asarida
turklar tarixi, yozuvlari, afsonalari haqida qimmatli ma’lumotlar beradi. Turk
xoqonligi bilan ba’zi masalalar I.Bichurin, V.V.Bartold, A.Yu. Yakubovskiy,
A.Bernshtam va boshqa olimlar asarida keltirilgan.
35
Avvalo, turk atamasi etnik mazmunni anglatmay, bir necha qabila va xalq
birlashuvini bildiruvchi siyosiy atama sanalgan. S.P.Tolstoy "Turk" so‘zi "yosh
uylanmagan jangchi" ma’nosini anglatadi, deydi. So‘ng bu so‘z qabila an’analari
va nihoyat siyosiy jihatdan birlashgan xalqlarning umumiy nomiga aylangan.
Tabariy
yozishicha, turklarning eng kuchli, jasur va qudratli hoqoni Sinnabu
Yobg‘u bo‘lib, uning qo‘shini ham juda ko‘p edi. Turk hoqonliginipg O‘rta
Osiyoni qo‘lga kiritish niyati oshkor bo‘lgach, eftaliylar o‘zlarining turklar va
sosoniylar eroni orasida qolganligini angladilar. Sinnabu Yobg‘uning juda ko‘p
lashkari bo‘lgan eftaliylar bilan urushib, ularning podshosi Varzuni o‘ldirdi. U
Varzuning barcha qo‘shinini, ularning boyligini va mamlakatini qo‘lga kiritdi.
Eftaliylar yurtining ilgari Xusrav 1 tomonidan zabt etilgan qismi bundan mustasno
edi. Eron Xusrav I Anushirvon zamonida (531-579) yiriklashib, kuchli
davlatga
aylangan va shuning uchun eftaliylarga xiroj to‘lamay qo‘ygan edi
O‘rta Osiyo eftaliylariga qarshi ikkala qo‘shnisi kim oldin hujum qilishga
shaylanib turishardi. Chamasi, eftaliylar ikkala davlatga qarshi jang qilishgan.
Tarixiy ismlarga kelsak, arab manbalaridagi Sinjabu, Rum-Vizantiya
manbalaridagi Salzibulga to‘g‘ri keladi. Tarixiy manbalarni sinchiklab o‘rgangan
E. Gavenining fikricha, turklar eftaliylarni 563 va 587 yillar orasida tor-mor
keltirganlar. Bu voqeani A. A. Mendel’shtam 563 yilga yaqin, G. Moravchik esa
560 yil atrofida deb hisoblaydilar.
Sanasi qachonligi juda aniq bo‘lmasa-da, bu urush oqibatida, Firdavsiy
yozganidek, «Chochda, Terakda (Chirchiqda S. T.), Samarqand va So‘g‘dda juda
ko‘p joylar vayrona bo‘lib, boyqushlar makoniga aylandi. Chag‘aniyon, Bomiyon,
Xuttalon va Balx aholilari boshiga qora kunlar keldi».
Tabariyning yozishicha, turklar Erondan ilgari eftaliylarga to‘plab turgan
xirojlarini (Turonga) to‘lashni talab etganlar. Eron-Turon munosabatlari qanchalik
keskinlashganidan qat’iy nazar, shunday tarixiy vaziyat vujudga kelganki, O‘rta
Osiyoning janubidagi viloyatlar, xususan, hozirgi O‘zbekistoniipg janubi,
Tojikiston va Turkmaniston sosoniylar Eroni qo‘l ostida, O‘rta Osiyoning shimoliy
viloyatlari esa Turk hoqonligi ixtiyoriga o‘tib qoldi. Zarafshon vodiysida qolgan
eftaliylar esa turklarga xiroj to‘lashni davom ettirdilar.
Shuningdek, Tabariy
Erondagi siyosiy vaziyat, xususan, Mazdak qo‘zg‘aloni
haqida ham ma’lumotlarni berib o‘tadi. Tabariyning yozishicha, «oddiy fuqaro
fursatdan foydalanib, Mazdak va uning tarafdorlariga qo‘shilib, ular atrofida
uyushdilar». Bu fikrni Beruniy xam tasdiqlaydi: «Son-sanoqsiz odamlar ularga
ergashdilar». Eron shohi Qubod I siyosiy vaziyat taqozosi bilan, ko‘nglida
36
xohlamasa xam o‘zini Mazdak tarafdori deb e’lon qiladi. Haqiqatan ham 528-529
yil voqealari shundan dalolat beradi. Lekin keyinchalik
Qubod tarafdorlari
Mazdakni o‘ldirib, markaziy hokimiyatni qaytarib olishdi va mazdakchilarning
etakchilarini qirib tashladilar va ularning izdoshlarini shafqatsiz kaltaklab, quvg‘in
qildilar.
Dostları ilə paylaş: