(Hüseynbala Məmməd oğlu Xələfov) öz dayısı oğlu Əbdülxalq Hacı
Əbdülkərim oğlu tərəfindən güllə ilə öldürülmüşdür.”
Məhz bu dövrdə Ü.Hacıbəyovun Avropa teatr prosesinin institussional
sənət faktı olan balet tamaşası poetikanı teatr düşüncəmizdə realizə etməyə
cəhd göstərirdi : 1919-cu ilin fevralında “Üzeyir bəy Hacıbəyov tərəfindən
“Dağıstan” adlı balet –rəks təsnif edilmişdir.” Üzeyir Hacıbəyov tərəfindən
digər bir balet-rəks yazılıbdır ki, bunun da adı “Azərbaycan”dır.Keçən günlərdə
yazmış olduğu “Dağıstan”baleti Lezginka sayağında olduğu halda bu yeni
Azərbaycan” baleti tərəkəmə səpkisindədir.
Bu dövrdəki teatr düşüncəsinin yüksək intellektual səviyyəsini , peşə
ləyaqətini və mənəvi bitkinliyini təsdiq eləyən bir faktı göstərmək istəyirik .Bu
fakt həm də Türkiyə-Azərbaycan teatr əlaqələrinin tarixinə işıq salır . Türkiyə
teatr sənətinin görkəmli nümayəndəsi Ərtoğrul Möhsün 1919-cu ilin aprel-mart
aylarında İstanbula qastrola gəlmiş Azərbaycanın Tiflis aktyorlarından belə
yazır: “Onların vəzifəsi uyuyan diyarın xalqına
bir parça zövq , bir
parça nəşə ,
bir parça sənət , bir parça gözəllik gətirməkdir.Onlar bizə kafi dərəcədə bunları
gətirdilər .Çox təşəkkürlər edirik.İstanbulun sənətə biganə xalqına gəlincə ,
onlara alman filosofu İnştenin Zərdüştə söylətdiyi sözü təkrar edirik : Gözəlliyin
səsi qayət pərdə arxasında çıxar.Bu səsi ancaq ən oyanıq , ən həssas ruhlar
duyalar və analar ( qabartmalar mənimdir –M.Ə.) “.Tamaşa zamanı zaldan” Dans
istəyirik , komedi istəyirik “ səslənən tələblərə aktyor Mir Seyfəddin
Kirmanşahlının cavabı çox əlamətdardır : “...Məcburəm məlum etməyə ki , biz
Azərbaycandan buraya dans etməyə, ya komedi çıxatmağa gəlmədik .bu qədər
zəhmətə qatlaşçağımızın səbəbi Azərbaycan həyatını və teatrını göstərmək
üçündür.Teatr oyunbazxaba deyil ....Bizim məqsədimiz xalqı əyləndirmək, pul
qazanmaq olsaydı , bir neçə rəqqas tapıb , həm də yaxşı pul qazanardıq
“.( qabartma mənimdir – M.Ə.) İstanbulda çıxan “Tamaşa “ jurnalının 1 aprel
sayında dərc olunmuş yazıda qeyd olunur ki, Ərtoğrul Möhsün Azərbaycan
incəsənətini öyrənmək üçün Qafqaza üç aylıq səyahətə getmişdir...