2.Stalinizm dövrü
3.Xruşşov ilkbaharı ( mülayimləşmə)çağı(отеппель)
4.Durğunluq zamanı (застой)
5.Yenidənqurma (перестройка)dönəmi
Burada xüsusilə vurğulamalıyıq ki, araşdırmamızın məqsədi teatr
prosesinin universal və institussional səciyyələri olacaq , çünki , fikrimizcə
konkret və predmetli təhlil çox mürəkkəb əməliyyat olduğundan bu olduqca
məsuliyyətli əməliyyat kollektiv tədqiqatlar tərəfindən görülməlidir.Bir səbəb də
ondan ibarətdir ki, bu gün ümumi tarixi konsepsiya hələ ki, yaradılmayıb.Bir
çox fakt və hadisələrin dəyərləndirilməsində kəskin fərqlər var , odur ki, vəziyyəti
tündləşdirməmək üçün yalnız aşkarıadımız səciyyələrin konstotassiyasıyla
kifayətlənəcəyik.Əlvə edək kiŞ insan amili də bizim üçün çox əhəmiyyətli
olduğundan prosesin personaliyalarının , subyektlərinin dəyərləndirilməsini daha
müvafiq tarixi şəraitdə və daha bağımsız , daha müstəqil tədqiqatlara tapşırırıq.Bu
qənaətə kimdənsə qorxmağın və ya üzgörənlik eləməyin nəticəsində
gəlməmişik : sadəcə olaraq , ənənvi milli və obyektiv elmi ədəb qaydaları bizi
bu mürəkkəb , ağrılı və incə əməliyyatdan müvəqqəti imtina etməyə vadar
edir...Bu əsaslandırmalarımız qənaətbəxşdirsə , araşdırmamıza keçək..
1.SOVETLƏŞMƏ MƏRHƏLƏSİNDƏ TEATR PROSESİ
Azərbaycanda Sovet hakimiyyətinin qurulmasından az keçməmiş yeni
rejim strukturlaşdırılma işini aparmağa başladı : “...inqlabın ikinci günündən
etibarən ( qabartam mənimdir – M.Ə.) müsəlman artistlər dəstəsi maarif
komissarlığının sərəncamına qəbul edilmişdir...Komisarlıqda incəsənət şöbələri
təşkil edilir ( 7 may, 1920-ci il “ Kommunist” “...Maarif komissarlığı yanındakı
teatr heyəti bütün teatr və kinoların milliləşdirilməsi haqqında qərar qəbul
etmişdir.( “4 may, 1920-ci il “ Əxbar” qəzeti ).Bu tədbirlərin başlıca məqsədi
teatr prosesinin ideoloji məqsədlərini yeni siyasi –iqtisadi rejimin məqsəd və
vəzifələrinə bağlamaq idi.Məhz həmin ildə ədəbi –bədii tənqid siyasiləşməyə
başlayır və “ictimai məhkəmələr “ dramaturji personajları mühakimə
edirdi,amma tarix göstərdi ki, əslində bunlar gələcək siyasi məhkəmə
proseslərinin bir növ məşqi idi : yeni meyarlar , yeni ritorika və yeni
movitassiyalar sınaqdan keçirilmiş...İlk hücumlara məntiqli olaraq “sehr”
poetikasından qaynaqlanan əsərlər məruz qaldı : birinci məhkəmə 20-ci il
iyulun 23-də “Ölülər”in qəhrəmanı Kefli İsgəndər üçün qurulmuşdu 26-dekabr
sayında isə “Kommunist” qəzetində əlamətdar məlumat dərc olunmuşdu :”
Dövlət teatrında oynanmış olan möhtərəm şairin Hüseyn Cavidin “İblis “ adlı
pyesinə bir çox şəxslər tərəfindən yazılmış və idarəmizə göndərilmiş olan
tənqidlər növbə ilə qəzetimizdə dərc ediləcəkdir”.Bu təsadüfi deyi” çünki həmin
dövrdə adı çəkilən pyeslər geniş tamaşaya hazırlanmaqda idi, hətta 17 dekabr 20-
ci il sayında “Azərbaycan füqərası” qəzeti yazdığı kimi :
“Gərək bizim məmləkətdə bir teatr, bir klub və bir səhnə qalmasın ki,
“Ölülər “ orda oynanmasın “.
Bu cür şəraitdə teatr prosesi yeni səmtlərə yönəlirdi..1923-cü ilin aprelində
Azərbaycan teatrının əlli illiyi münasibəti ilə Azərbaycan Kommunist Partiyası
Mərkəzi Komitəsinin təbrik məktubunda isə teatrın ideoloji vəzifələri açıq bəyan
olundu: “..Teatr fəhlə - kəndli sinfi ideyasını yayan qüvvətli vasitələrdən
biridir....Bizim təbliğatın ən yaxın və sınanmış vasitələrindən biri teatrdır
( qabartmalar mənimdir – M.Ə.) “ “ Tənqidçi-təbliğ teatrı” yaradılması da bu
dövrə təsadüf edir.
İiyirminci illərdə Kommunist Partiyası və Sovet hökümətinin vahid
planıyla Bakıda teatr şəbəkəsi yaradılır : : opera , dram , tənqid- təbliğ , işçi-
kəndli , işçi, gənc tamaşaçılar , uşaq teatrları əhalinin bütün təbəqələrini əhatə
etməli idi.Gəncə, Naxçıvan, Şəki, Quba , Ağdam , Qazax və digər şəhərlərdə
dövlət teatrlarının açılması teatr prosesinin imkan və təbəqələrini nəzərə
almadan , yalnız siyasi motivlərdən baş verirdi. “ Qardaş respublikalarda :
Gürcüstan , Ermənistan , Dağıstan, Türkmənistanda açılan və Azərbaycan
türkcəsində fəaliyyət göstərən teatrların fəaliyyəti də süni siyasi məqsədlər
güddüyündən nəticə etibarı ilə uzun müddətli olmadı : hazırda onların heç
birində Azərbaycan teatrı yoxdur.Teatrşünaslığımız Azərbaycan teatrının
inkişafında böyük rol oynamış rus əyalət rejissorlarından A.A. Tüqanov ,
A.A.İvanov , Uqryumıy, A.S.Varşavski və b. Adlarını hörmətlə çəkir.Həqiqətən
bu adamlar zəhmətlərinə görə hər cür hörmətə layiqdirlər , amma onların
fəaliyyəti obyektiv olaraq teatr prosesimizin rus teatr düşüncəsinə
uyğunlaşdırmağa yönəltmişdi.Nə yaxşı ki, bizim Üzeyir bəyimiz var idi , əks
təqdirdə ,Azərbaycan milli musiqisinin əsaslarını da mərkəzdən ezam olunmuş
bir ortabab bəstəkar yaradacaqdı.”
Sovetləşdirmə mərhələsində teatr prosesi hələ “müsəlman” və “türk”
ifadələriylə təyin olunurdu və özünəməxsus qanunlarıyla bağlılıqda poetikanı
sosial-siyasi mövzularla zənginləşdirirdi.Amma məhz bu mərhələdə qalib
gəlmiş , amma hələ tam hakim olmamış yeni düşüncənin müntəzəm tələbləriylə
teatrımız ona xas olmayan ideloji tənqid və təbliğ funksyalarını qəbul etməyə
başlayır.
Biz ona görə bu mrəhələyə bu qədər diqqət yetirdik ki sonrakı tarixi
inkişaf prosesində burada bəyan olunan tendesiyalar aparıcı oldular və teatr
prosesini sözün hərfi mənasında “ vasitəçi” səviyyəsinə endirdilər.
2.
STALİNİZM DÖVRÜNDƏ TEATR PROSESİ VƏ POETİKANIN
DEFORMASİYASI.
Dostları ilə paylaş: |