II . SOVET DÖVRÜ TEATR PROSESİ
(1920-1990)
VƏ POETİKANIN DEFORMASSİYA PROBLEMLƏRİ .
“...XƏBƏR ALSAM MUĞANINDAN MİLİNDƏN,
NAZLI BAKIM , O NEFT QOXAN
GÜLÜMDƏN,
KİM DEMİŞ Kİ, DÜŞMÜŞ ADI DİLİMDƏN...
AZƏRBAYCAN MƏNİM EŞQSİZ YURDUM
OY ...
ÖLMƏZ EŞQİM ,İÇİMDƏKİ DƏRDİM OY....”
ALMAS İLDIRIM
“... Sən son qoydun sürgünlərə ,
Yollar açdın al səhərə ,
Qovuşdu xoşbəxt günlərə,
Kişi, qadın , oktyabr !”
Aşıq Ələsgər
“Azərbaycanda sovet dövrü “ mövzusu eyni zamanda həm asan , həm də
mürəkkəb məsələdir .Ona görə asandır ki, bir predmet kimi SSRİ tarixi bəlkə
də ən çox öyrənilmiş sahədir , mürəkkəbliyi də məhz bundadır .Mükəmməl
siyasi –ideoloji “əməliyyatlara “ məruz qalmış bu elmi obyektiv və təhrif
olunmuş dəyərlərinin bu gün elmi dəqiqliklə təsdiq olunması müəyyən
mənada korrekt deyil.Birincisi , ona görə ki, postvest məkanı hələ tam mənada
dəqiq təyin olunmamışdır və bu məkanda bir çox siyasi- iqtisadi , sosial-
psixoloji və mədəni proseslər hələ də vahid səciyyələrə malikdir.İkincisi , ona
görə ki, dürüst tarixi analiz və obyektiv, qənaətlərə
gəlmək üçün müəyyən
zaman distansiyası tələb olunur.Üçüncüsü də ondan ibarətdir ki, hər hansı
təhlil qərəzsiz , obyektiv heç bir siyasi konyukturanın təsiri olmadan və
subyektiv münasibətlərlə idarə olunmadan edilməlidir.
“ Azərbaycan tarixi” elmi bir sıra vacib məsələləri həll edib mədəniyyət
və incəsənətin köklü məsələlərini təhlili üçün çıxış nöqtələrini
müəyyənləşdirmişdi. Belə ki, Azərbaycanda Sovet hakimiyyətini lekitim
olmaması , tarixdə ikinci dəfə Azərbaycanın Rusiya tərəfindən ilhaqı və milli
azadlıq hərəkatının başlıca məqsəd və vəzifələrinə tam zidd bir ideologiyanın
zorla yeridilməsi artıq danılmaz obyektiv həqiqətlərdir.
Mədəniyyət və sənət təfəkkürümüzün sovet dövründəki vəziyyətinin , o
cümlədən araşdırma predmetimiz olan teatr prosesi və poetika problemlərinin
təhlilinin aşağıdakı metodoloji tezislərə aparılmasını məqsədəuyğun bildik :
1.Ənənəvi fəlsəfi – etik düşüncəni hakim materialist ( marksist –leninçi )
fəlsəfə və estetik əvəz etdi.
2.Canlı proses mərkəzdən idarə olunan və mütləq qanun kimi çıxış edən ,
normativləşdirilmiş və siyasiləşdirilmiş fəaliyyətlə əvəz olundu.
3.Bütün proseslər başlıca aparıcı və hakim elan olunandan öncə
sosializm , sonra isə kommunizm quruculuğu prosesinə tabe edilmiş köməkçi
keçirilirdi.Yəni : planlaşdırılma nəticəsində mühüm sahələrin (hərbi, ağır
sənaye , kənd təsərrüfütı və s.) tələbləri nəzərə alındıqdan sonra yerdə qalan
vəsait mədəniyyətə verilirdi.
9.Maliyyə qaynağı “ gəlir vergisi” ( podoxnıy naloq ) olduğundan
mədəniyyət və incəsənət “istehlakçısı” (tamaşaçı, dinləyici ) bilet alarkən iki
dəfə haqq ödəmiş olurdu.Yəni, mədəniyyət və incəsənətin iqtisadi prinsipləri
canlı iqtisadi inkişaf proseslərinə zidd idi.
10.Mədəniyyət və incəsənətin təhsil sistemi müvafiq idarəetmə
orqanlarının və təşkilatlarının (Mədəniyyət Nazirliyinin) deyil, ümumdövlət
təhsil sisteminin daxilində qalaraq siyasi- ideoloji nəzarət gücləndirirdi.
Gördüyümüz kimi , teatr prosesinin siyasi- ictimai proseslərlə üzvi
bağlılığı düşünülmüş və sərt sistemliliyinin nəticəsində normativ əlaqələrlə əvəz
olundu.Başqa sözlə , totalitar rejim teatr prosesinin proqnozlaşdırılmamış
yaradıcı təzahürlərini maksimal dərəcədə nəzarət altına saxlamaqla hakim
ideologiyaya yad və zərərli təsirini yoxa endirməyə çalışırdı və müəyyən
mənada (ona görə ki, hələ heç kimə təbii prosesləri süni , formal axara
döndərmək müyəssər olmayıb...) buna nail oldu.
Azərbaycanda sovet dpvründə teatr prosesinin inkişaf
xüsusiyyətlərini və
poetika problemlərini şərti olaraq beş mərhələnin ardıcıllığında araşdırmaq
prinsipinin iki səbəbi var : birincisi –bu beş mərhələ sovet üsuli-idarəsinin
yaranma, inkişaf və süqutu mərhələləriylə bağlıdır ; ikincisi – bizi maraqlandıran
mövzunun baxım bucağı prosesin ümumi mənzərəsinə diqqət yetirməyi kafi
bilir.Odur ki, bütün başqa ( bəzən çox əhəmiyyətli ) prinsiplərdən vaz keçərək
teatr prosesini mühüm ictimai- siyasi , mədəni –ideoloji və mənəvi proseslərlə
bağlılıqda araşdırmaq üçün biz sovet dövrünü aşağıdakı mərhələlərə bölürük :
1.Sovetləşmə mərhələsi