3.
DURĞUNLUQ ( ЗАСТОЙ) ZAMANI
TEATR PROSESİNİN XASSƏSİ VƏ
POETİKANIN MİMİKRİYASİYASI
İctimai –siyasi, sosial –iqtisadi prosesləri staqnassiyası ( durğunluq )
nəticədə sovet rejiminin süqutuna başlıca səbəb oldu.Hər hansı prosesin süni
üsullarla durdurulması ilk əvvəl təbiətin qanunlarına ziddir , odur ki, rejimin
iqtidarında olan sahələri (
hərbi sənaye, kosmos , silah satışı və s.) çıxma
şərti ilə
bütün başqa sahələrdə proseslər ya yönünü ya xassəsini dəyişmişdi, ya
pərdələnmiş ya da gizli qatlarda baş verməkdə idi.Mədəniyyət və incəsəntdə
gedən proseslər iki xassəli olaraq durğunluq zamanı ictimai- siyasi, mənəvi
əxlaqi dəyərlər sisteminin riyakarlığını ikiüzlülüyünü özündə əks etdirirdi.Birinci
xassə rəsmi mədəniyyət və incəsənət qatının aparıcı meyarı idi. Maksimal
dərəcədə siyasiləşmiş metodla - rejimin hər hansı ideyaya tədbir və planları
operativ surətdə bədii formalarda ( şer , nəsr , kino, tamaşa , publisistika) təcəssüm
və tərənnüm olunurdu.Bu “ məhsul” da iki yerə bölünürdü : birbaşa tərrənnüm
və müvafiq vasitələrlə ifadə olunmuşlar .Nəticə etibarı ilə hakimiyyət hər ikisini
eyni dərəcədə qiymətləndirib dəstəkləyirdi.İkinci xassəli proseslər mürəkkəb
“ işarələr sistemi “ ilə şifrələnmiş , rəsmi ideologiya cildində müstəqil sənət
düşüncəsinin nəzəri və praktiki fəaliyyətində baş verirdi. Bu proseslər bir qayda
olaraq rəsmi sənətlə pararlel , bəzən kəsişərək , bir çox hallarda isə gərgin
neytralitet vəziyyətində gedir , kompromist “ Ezop dilinin “ istifadəsi ilə
səciyyələnirdi.
Məhz durğunluq zamanı SSRİ mənəvi- mədəni mühitində “ dissident
“ (lat.
dissidentis –razı olmayan olmayan , etiraz edən - hakim ideologiyaya razı
olmayan , başqa cür düşünən...) hərəkatı güclənib bir çox hallarda rejimlə açıq
qarşıdurmaya qalxırdı. Təbii ki, bu proses daha çox siyasi publisistika və
ədəbiyyattda yayılmışdı, çünki dissidentlərin öz əsərlərini Qərbdə çap eləmək
imkanları var idi.Teatrda və kinoda nəzarət daha sərt və asand olduğuna görə
dissident xassəli tamaşa və filmlər tamaşaçı üzü görməmiş qadağan edilirdi.
Azərbaycanda teatr prosesi və poetikanın vəziyyətinə keçməzdə öncə bir
mübahisəli məsələyə toxunmağı lazım bilirik, çünki sonrakı mülahizələrimiz bu
məsələ ilə köklü surətdə bağlıdır.Azərbaycan mədəniyyəti və incəsənətini radikal
mövqelərdən tənqid edənlər Azərbaycanda durğunluq zamanında dissident
hərəkatı və ya hallarının olmamasını naqislik kimi dəyərləndirirlər. Bu cür
ittihamları qəbul etməyib, bir neçə kontrarqument gətirmək istərdik . Birinci :
müxtəlif ənənəvi təməllərdə duran mədəniyyətlərdə gedən prosesləri universal
meyarlarla dəyərləndirmək, elmi baxımdan qənaətbəxş deyil- Rusiyada baş
verən proseslər heç də metləq Azərbaycanda baş verməli deyil, çünki bu
proseslərin dərin və özünəməxsus tarixi kökləri və ənənəvi mövcudolması
şərtdir.İkincisi : dövlət ideoloji aparatı mərkəz və müstəmləkələrə ikili
standartlarla yanaşır , təbii ki, yerlərdəki proseslərə daha sərt və amansız təsir
göstərirdi.Üçüncüsü hər hansı mədəniyyətin etnopsixoloji təməllərindən
qaynaqlanan fərqli üsullar mövcuddur .Bunu və milli mentalitetin özəlliklərini
nəzərə alaraq demək olar ki, məmləkətimizdə demokratik düşüncə dərin köklər
salmamışdı, çünki planlı represiyalar nəticəsində cəmiyyətimizin kübar və ziyalı
təbəqələrinə dəhşətli zərbələr endirilmiş və dissident düşüncəsi kökündən
kəsilmişdi.Nəhayət dördüncüsü : milli sosiopsixologiyamızda ənənəvi olaraq,
hakimiyyətə loyal olmaq vərdişi aparıcı haldır , hökmdarı mədh etmək isə klassik
poeziyanın genetik və tipoloji səciyyəsidir.Eyni zamanda başqa bir ənənə
mövcud idi- gülüş mədəniyyətinin trixterlik(hiyləgərlik) tipologiyası və lətifəçilik
dəyərlər sisteminə görə hakimiyyətlə bağlı bir çox mənfi mənəvi hərəkətlər tam
tərs “işarələr”lə müsbət hala döndərilirdi, ( qorxaq- ayıq, yaltaq-tədbirli,
nökərçilik – sədaqət , rüşvət- hörmət və s..)
Bu və başqa obyektiv və subyektiv şərtləri nəzərə alsaq, Azərbaycan
mədəni -mənəvi mühitində dissitentlik hərəkatının baş verməməsi o qədər
də əcaib
və ya naqis hal kimi görünməməlidir.Digər tərəfdən tarix boyu ikili standartlarla
yaşamağa vərdiş etmiş, milli psixologiya bu ikiliyi istədiyi yerdə tapa bilirdi.Bu